1 Timoti 5:17 - BAṈARA KO VAIRU AMA LEVELEVEO

¹⁷ Se lotu tanatanamu seke uria erekani seko odikato ko iruruputo ta ke male tu seta ke uria kerukeruilou ni ke kovou ko uri ama tabara. Ni kota ko matu suirima se kekai mumuasa puivani ko bazubazuto ni nianiiekato.

1 Timoti 5:17 교차 참조

Matiu 24:25

Sole meta didielomo, ako aṉata a melai bazueka komi quli puliako koa taku barolo.

Luke 10:7

Meta me elou sai koa pade kale ni me quovou ni me nozuekou ko quli seke katimelo ama quli, ako vo iruruputo ko maba ta o tabariovou sole. Melai meta pui pade azo pade me elou.

Luke 12:42

Nio vo Lekasa Jisu ta o tiorizatake, ni eri kiolake, “Lala inio vo kerula kala ni nianiiola nabulu? Vo raura o ivo ala vovo lekasa, tu o mati vailo koa pade kale ke iruruputani ni oma puariko ala ko sailao koa korokoroti ama vuato ko taku kale.

Jone 4:38

Aṉata a joroemele me kajorikole jari ko papapapa ko epa kiaro kale, sai me pui meba iruruputekoi, melai kake edolomu ke iruruputekoi, ni meta me badoeke seko iruruputo kale ama epa,” kiolake vo Jisu.

Iruruputo 11:30

Ni seko koa iruruputo ko tova inio seta ke kati soroekake Banabasi ni Saula seko seleni lotu tanatanamu kasi Jerusalema.

Iruruputo 20:35

Aṉata a mela kasa pueke tu komia keve kale animeta me matu iruruputo tu me dauvemo se lekuleku amu, kerukerueko kale ko bazubazu o ṉavi vo Lekasa Jisu o rukuekema, ‘Matuma zoleilo katizato kale ama ta kota ka qulepa koazato kale ama,’ ka kiovema,” kiolake vo Paula.

Iruruputo 28:10

Ni seta ke katiṉelake kubo katizato ni so keru eṉe ṉe dadaova keru seta ke ṉelai zuranikake kubo quli ko eṉe ko tauveṉelo ama quli.

Romu 12:8

ma ṉota edolomu ko zuvarimo ko puaro saṉa ṉo elou ta ṉota ṉo zuvarimou se. Vo o puarikani edolomu kasi voko quli ta o puarikou zoleilo kale. Vo pizato sala ta o uria erekou voko koidi; ni vo o tauvezatani ta o tauvezatou zoleilo sase.

Romu 15:27

Ke ṉaviko vatolo kale inio ke ereke ko; melai koko tuveano ta seko koidi ikio tu ke tauvemo se. Ako se Jiu amu ta lula ke puarike ko Auvana kale ama mauruto se pui Jiu amu kasi, so sole se pui Jiu amu ta ke male puariko ko lomaloma ko mauruto tu ke tauvemo se Jiu amu.

Romu 16:12

Aṉako roquano Taraepaena ni Taraeposa kasi, qo iruruputani nioqa Lekasa va nabuluputo kale, ni Pesisi vo aṉa a matu roquevani kasi, vo lula o matu erekani vo Lekasa ko iruruputo.

1 Koriniti 15:10

Melai vo Baṉara ko pakiezato sama roquano kale ta apositolo inio o ila aṉa, ni voko apositolo ilo aṉa ta kalo sama. Ako aṉata a matu iruruputa ni aṉata aqai paloasa mata sea kiadama apositolo madu ko iruruputo sole. Melai koko maba tuveano ta kota pui aṉako pizato kale inio aṉata a ereka koa iruruputo, melai vo Baṉara ko pakiezato sama roquano kale ko kuevako pizato ikio.

1 Koriniti 16:16

tu meta luluekomo soama maba poso ko odikato iruruputo ni mata kake ko, se omadeu nabuluputo ke evani ko se sase.

1 Koriniti 3:9

Ako eqeta omadeu vati iruruputo qe vati evani qela vo Baṉara, ni me inio vo Baṉara ko matoa mela. Ni meta mata vo Baṉara ko pade o orumumelani mela inio.

2 Koriniti 6:1

Vo Baṉara ko tauvezato kale eṉeta ṉe basema se maba poso tu ke vati odouvikinio vo. Ni eṉeta ṉe basemela me me lula me qoani mela vo Baṉara ko pakiezato sama roquano tu meta pui me niumaekou ko.

Qelesia 6:6

Ni meme qoani mela vo Baṉara ko nianiiekato ta puarikomo kiadama uri ama quli kama kena meko nianiiekato ko maba poso kasi.

Pilipai 2:16

Ni meta mai bazuekomo ko tuvevo ama saevo ko bazu. Ni meta me erekou ko inio aṉata ada matu zoleilou so keru vo Karisito o vaitou keru ako aṉako matuma iruruputo mekasi a erekema ta pui utu ama ko eva sole.

Pilipai 2:29

Ni meta me baroekivou vo zoleilo kale ako vota mevo tamania kale ala sole animevo Lekasa kale, ni meda ma paṉaovou soama maba poso vo jari amu,

Pilipai 4:3

Ni ṉo aṉavo tuvevo ala lolo ṉa aniqe omadeu iruruputo qe eveni qela melai aṉai zaria tu ṉota ṉo dauvekou nioqia omuqa reko, ako nioqa inio qo matu tauveqeleni sole aṉa ni Kelemeni ni mata kake seke iruruputeni aṉa sate kai bazuto vo Jisu Karisito ko Uri ama Bazu. Seko ṉi ta ko rikiziovi noqola saevo samu ko ṉi sama buka kale.

1 Timoti 3:5

Ako kala maba vo pui o roveani korotiko o ṉaviko saidi ta nonia roveo inio vota o kati vailou vo Baṉara ko lotu qoqono? Vo soala maba ta pui opa roveovou.

1 Timoti 4:10

Animeta matu pazokinio me eva ni meda matu iruruputa, ako animeta meqai kerua animeko kovo vo saevola Baṉara leveleveo o mela kasekema quli, vo kiadamu vo Pakio, melai o maba pakiemani seke tuvevo puevani vo.

1 Timoti 4:14

Ṉota kai irurupute koa bokao vo Tabu ala Auvana o katiṉema ṉo, so keru se lotu tanatanamu ṉase keṉai ivike keru ama.

1 Timoti 4:16

Ṉota balauve ṉoko saevo ni nianiiekato kale. Ṉota vinai komi quli poso ko ereko kale, ako ṉota so ṉo qalou, inio ṉo ṉavi ni seke viqani ta meda pakiovou.

1 Timoti 4:6

Ṉota katima komia bazu poso sea lotu tamatamania, nio ṉota kala uri ala Jisu Karisito vo nabulu ṉa, ṉo ṉavi ṉo bizatiani ṉa ṉoko auvana kale koa oqu ko pesio kale ni tuvevo ama bazu kale ko ṉoṉo luluekako.

1 Timoti 5:19

Ṉota pui tava viqo kala maba vo ovai kuirikani vo lotu tanala ko ruqe, ko pui omuqa ma zouke maba sase ko roveako tuvevo puilo.

1 Timoti 5:3

Ṉota bazuema saizama lotu qoqono tu seta keta ma paṉaovou ni ke tauvemou se reko naboko poso se ojolou elo kebeta evani.

2 Timoti 2:6

Ni mata meqai nianiia anime vo papato ko maba vo lula o erekani matuma iruruputo inio o male tu o kovou ko kuleto ama epa.

2 Timoti 4:2

tu ṉota kai bazubazute ko Uri ama Bazu. Maba poso keka zariovou viqo ma pui keka zariovou viqo melai ṉota kai bazubazute. Ṉota ṉo jidopu puemou se maba poso, ni ṉomai riqaekou seko sarueko, ni ṉo zuvarimou se maba poso, ni ṉota ṉoqai bazubazutou oluoluavole ni inobe ama nianiiekato kale.

Hiburu 13:17

Meta zorimomo meko lotu lekasa poso, ni erekomo ko quli seke melati soruekako me, ako se inio ke melati vailani me meko auvana ko saevo sole, ni se inio ko kilo ama ṉaniu kale ke lojo amu Baṉara ko tanama kale, tu ke kaseko seko iruruputo vokasi. Seta kevai bazuekou vo se lula ke erekako ni nonia ereko inio lula ke evani ko. So sole meta zorimomo se, tu seta ke zoleilou seko iruruputo kale, nio pui duki ke elou seko koidi kale, ako meko duki imo se ta pui kopa tauvemelou me sole.

Hiburu 13:24

Eṉeta ṉe joroeka eṉeko roquano kiadama meko lotu lekasa poso kasi ni kiadama vo Baṉara ko maba poso kasi. Se Itali ama lotu tamania ta ke melati sorota me seko roquano.

Hiburu 13:7

Kerukeruemomo sea kuleto ama odikato ko maba poso seke kasekeni vo Baṉara ko bazu mekasi. Kerukeruekomo seke evevoa saevo ni vou, ni tuvevo puevomo vo Baṉara seke ivevoa tuvevo puevo vo jari.