1 Timoti 5:11 - BAṈARA KO VAIRU AMA LEVELEVEO

^11-13 Melai lotu qoqono ta pui ko mati vailou se vairu ama naboko poso, ako so keru seko tupu kale ama zario ko ajoema keru seta keka zaria tova roroto, ni seta kuiripato saṉa keta eva seko pui lulueko kale seke erekema leveleveo. Koa leveleveo kale inio seta keva nabuluputou vo Karisito pado ama seko taku kale ka kikevema. Ni seta ke vaekani seko oqu ni seta kekai nianiia ko taku ko niumaeko seko pade azo pade kalo kale, ni koko topi tiniavo ta seta ko maba kekai pesiani rekoreko keta eva ni seta utu ato ke evani edolomu ko iruruputo kale, ni kekai pesiani ko pui seko quli tu kai pesio.

1 Timoti 5:11 교차 참조

1 Timoti 4:3

Soama maba poso ta ke ereka ko nianiiekato koko kaitikako ko roroto ni ko pui me quovou kama sailao poso kio sama. Melai vo Baṉara ta o ereke koa sailao poso tu kuo kaqe, so sole anime me duvevo putani ni meqai nianiiani mela ko tuveano ta me rovea kuo uriavo sama vararaito ko tova.

1 Timoti 5:14

So sole aṉata aqa zaria tu se vairu ama naboko poso ta ke roroto, tu seta meqora saṉa ke elo, ni ke uria ereko seko pade kale ama iruruputo, tu animeko kana poso ta ke tizailou ni pui ke roveovou ruqe kasemelo anime.

1 Timoti 5:9

Pui sea kiadamu naboko poso inio lotu qoqono ke mati vailo amu, melai sea naboko poso se varimuja toni sabere lula kekai baroani, ni se omadeu taku pala ke roroteni,

Jemisi 5:5

Meko saevo kale komia miduku kale ama ta uri ama elo ni kubo utube zoleilo. Meta omadeuvo sipi jari lula meda posuposu-kaita meko vouvailo ko ṉaniu kaqe.

2 Pita 2:18

Seta kekai aikaivani seko kalo pide ama rauraraurailo ni ruqe ama tupu ko zario kale inio seta ke aveavema maba poso sarueko ko sipata kale. Ni koa kalo kale inio seta ke ubeubema maba poso se kebe liliziani ruqe ama maba poso ke kavani kasi azo.

Kelokelozato 18:3

Ako koa peuru kale amu ta matu ruqe ama pauvezato ke erekani ni kemai pakeka koa omadeuma kalo peuru ma peuru kale ama qoqono poso, omadeuvo kala maba ta o kativa edolola maba ko vaini ko ju tu matu doilili o ivo vo. Se peuru ma peuru kale ama aikovakova poso ta lula ke mati ereka ko ruqe ama iruruputo koa peuru kale amu, ni se tatabarao ko maba madu peuru ma peuru kale amu ta batiro kekai evake Babiloni peuru kale amu ko viluloqu tamai elole seko kiadama quli,” kiolake.

Kelokelozato 18:7

Katikomo ko matuma tapata ni upotuqu tu ko besieko koa raurailo ni olavo ko kalo ko ṉaviko erekako kale. Ako kota ko raurarauraiva ko ṉavi, ni eri kikola, Aṉata matu sinaqu a bapuani lala aṉako lekasa puo ko papupapu topi! Aṉata pui nabokoa lala, aṉata pui aba buniubuniuovou!

Kelokelozato 18:9

Se peuru ma peuru kale ama aikovakova poso seke mati erekeni ko ruqe ama iruruputo koa peuru kale amu ta keka zialou koa matu peuru so keru se keta ka kelou keru koko kolu koko siqailou keru.