1 Timoti 4:3 - BAṈARA KO VAIRU AMA LEVELEVEO

³ Soama maba poso ta ke ereka ko nianiiekato koko kaitikako ko roroto ni ko pui me quovou kama sailao poso kio sama. Melai vo Baṉara ta o ereke koa sailao poso tu kuo kaqe, so sole anime me duvevo putani ni meqai nianiiani mela ko tuveano ta me rovea kuo uriavo sama vararaito ko tova.

1 Timoti 4:3 교차 참조

Matiu 14:19

Ni vota o bazuemake sea maba poso tu seta ke papu muli seulele topi, ni vota o koake koa sike bereti ni omuqa niuniu ni vota o tadatake aukale ni o kati vararaitake ni uriavo o kasekake Baṉara kasi. Nio vota o palamukake koa bereti poso ni o katimake se disaipeli madu, ni se disaipeli madu ta ke katimake se maba poso.

Matiu 15:11

Pui sailao vo maba o kuako ikio ruqe ko iva vo Baṉara ko vilu kasa, melai ko pesio koko saqorako voko suto kale azo ikio ruqe ko iva vo maba Baṉara ko vilu kasa.”

Matiu 15:36

Ni vota opa koake koa sikeura silo ama bereti ni niuniu, ni o kati vararaitake ni uriavo o kasekake Baṉara kasi, ni o palapalamukake ni vota o katimake o disaipeli madu, ni se disaipeli madu ta ke puarikake sea maba poso kasi.

Luke 24:30

Nio vota o papuake nioqa sate, ni o koake ko bereti ni mauru o ikake, ni o palamukake ni o katikake nioqa.

Jone 6:23

Nio kama koaka poso Taibiriasi ama ta ko varerike sai sea matu padopadoilo ke kiekoi ko bereti ko sipole, Lekasa o kati petaovima ta kubo ko evema.

Iruruputo 27:35

Ni voko so kio ko tova, Paula ta o koake kama bereti, ni vota o kasekake voko uriavo Baṉara kasi sea kiadamu ko tanama kale, ni vota o palamukake ko, ni vota o tanitake kuo.

Romu 14:17

Ako vo Baṉara ko lekasa puo kale elo ta pui sailao ko kuo ko kio kale ama ni ju ko nozueko kale, melai kota sidopu, ni bule kale, ni zoleilo kale vo Tabu ala Auvana o puarikake kale inio sole.

Romu 14:3

Voa maba vo utu kuo o evani kiadama sailao poso ta pui o zaraevou voa maba vo pui o utu vuatani; ni voa maba vo pui o kuani ko marabau ta pui o titizivou vo utu vuato o evani maba; ako vota obeta korota vo Baṉara ko vilu kasa sole.

Romu 14:6

Vo tabu o ikani ko ṉaniu ta ovai rauraeka vo Baṉara koa ṉaniu, ni vo o kuovo ala ko marabau vo melai ovai rauraeka vo Baṉara koa keve kale kude, ni vota o ilusiva vo Baṉara.

1 Koriniti 6:13

Kala ta mata eri kiovou, “Baṉara ta o ereke ko sailao tu siapa kaqe, ni vota o ereke ko siapa tu sailao kaqe.” Kota tuvevo melai vo Baṉara inio o epeziko ala koa omuqa quli. Baṉara ta pui opa katimele ko tupu tu kai pauvezato kaqe, melai va nabuluputo kaqe vo, ni animeta voko mela.

1 Koriniti 7:28

Melai ṉota ṉo rorotou ta ṉota pui ṉo ereka kama pado sarueko. Ni ko pui roroto ama reko ta ko rorotou ta kota pui ko ereka kama sarueko. Melai aṉako zario ta a bakiemelou me koa kiadama ṉaniu kale ama naqunaquto kale azo se roroto amu ke toraeko ama kale azo.

1 Koriniti 8:8

Melai ko sailao ta pui ko rovea sipole imelo anime vo Baṉara kasi. Animeta pui meba kai toraekou kama quli pui me quovou ta, ni mata pulia quli meba kai kovou me quovou keru koa sailao.

Kolosi 2:16

So sole meta pui zariemo kake tu seta kuiripato saṉa ke imelo me, me ko melai bazueko kale ko “pui kuo kama sailao” ma “pui nozueko ko ju,” ma meko “tabu iko kama ṉaniu poso,” ma meko “tabu iko kaboso kokai puratako ṉaniu poso, ma sabati ṉaniu.”

Kolosi 3:17

Kiadama quli meme erekako ni me qasekako quli meta erekomo vo Lekasa Jisu Karisito ko ṉikale kude, so keru meme rauraeva keru vo Baṉara vo animevo Mama vo Jisu kale kude.

1 Timoti 2:4

vo oma zariani kiadama maba poso tu o pakiemo ni seta kekai nianiio voko tuveano.

1 Timoti 4:4

Kiadama quli vo Baṉara o erekema ta uri ama; pulia quli ta meqai kaikuapou, melai kiadama quli ta me quovou uriavo ko vararaito kale,

1 Timoti 5:14

So sole aṉata aqa zaria tu se vairu ama naboko poso ta ke roroto, tu seta meqora saṉa ke elo, ni ke uria ereko seko pade kale ama iruruputo, tu animeko kana poso ta ke tizailou ni pui ke roveovou ruqe kasemelo anime.

Hiburu 13:4

Kiadama maba ta keta ka paṉao ko sidopu ama roroto saevo kiadama keve kale. Lasive poso roroto amu ni seko reko poso ta ke paṉaekiniou muli tu pui ke niumaeko seko roroto saevo pauvezato kale. Kerukeruekomo vo Baṉara ta o titizimou se ruqe ke erekani seko roroto saevo kale, ni so jari seke pauvezatani.

Hiburu 13:9

So sole pui zarieko ko edoloma vairu ama pesio poso, se maba poso kekai erekako ko azaazama nianiiekato tu kota mela sarueko meko sidopu ama keve. Qulepo ama quli ta kovo vo Baṉara ko mauruto sama roquano. Ko ikio meko auvana kale ama pizato, pui se Jiu amu ko sailao ko Bazu poso ko zoriko. Ako seke zorikani koa bazu poso ta pui ke tauvezia kokale sole.