1 Timoti 3:1 - BAṈARA KO VAIRU AMA LEVELEVEO

¹ Komi ta tuvevo ama pesio: Voa maba vo oka zariani ko vilua pikopiko elo lotu qoqono kasi ta o pitoekani nio matu uri ama iruruputo.

1 Timoti 3:1 교차 참조

Luke 15:10

Aṉata a bazuemela, omadeuvo so jari nio vo Baṉara ko mateana madu ta keva zoleiva voa omadeu maba sarueko sala vo o liliziani,” kiolake vo Jisu.

Iruruputo 1:20

Ni Pita ta obeta olake pesio ni eri kiolake, “Ako koko rikiziovima Devita ko kera kale ta eri nio kikolani, ‘Voko pade ta ota kota elou; ni puliala maba ta opa loilou koko poro kale,’ ni kota mata ko rikiziovi ko eri kio, ‘Edolola maba ta ota va kovou voko iruruputo,’ kikolako.

Iruruputo 20:28

So sole meta kati vailomo meko saevo ni kati vailomo kiadama koa lotu qoqono vo Tabu ala Auvana lula o vaekako meko vailo kale. Omadeuvo vo sipi o kati vailani maba ta o kati vaila voko rovaṉa jari meta kati vailomo vo Baṉara ko lotu qoqono ko lula o ṉaviko o ikema vovo Meqora siqasiqa ma elo kale voko voukale.

Romu 11:13

Aṉata a besia erisaṉa me pui Jiu amu mela kasi: Vo Baṉara inio o soroele aṉa tu aqai bazubazuto voko Uri ama Bazu mea pui Jiu amu mela kasi, so sole aṉako komia iruruputo ta matu qulepo ama ka kiavou.

Epesasi 4:12

Vota o katimelake komia puaro poso tu o inainaemelo animea kiada mela vo Baṉara ko maba madu mela tu me ereko o ṉaviko lotu ko iruruputo, tu animeta me bizatikinio vo Karisito ko tupu kalea mela.

Pilipai 1:1

Aṉa Paula lala ta a rikieka komia riki Timoti sate, vo Jisu Karisito ko nabulu kidi qela, mea kiada mela kasi vo Baṉara ko maba poso mela me omadeu me vati evani mela vo Jisu Karisito meme evani mela Pilipai, ni so jari me lotu qoqono ko vilua pikopiko ni tauvezato ko maba poso mela kasi.

1 Tesalonaika 5:14

Eṉeko visi ni kaka poso mela, eṉeta ṉe basemela me tu meta balauvimomo se utu elo ke evani, ni zuvarimomo seke ṉavani, ni tauvemomo se lekuleku amu seko oqu kale, ni inobe emo kiadama maba poso kasi.

1 Timoti 1:15

Vo Jisu Karisito ta o kuevi komia miduku kale tu vota o pakiemo se boutare samu. Kota kama pado tuvevo ama pesio, koko male ama tu kiadamu ta ke tuvevo pueko. Ako aṉata matu ruqea lala sea kiadamu sea boutare samu azo,

1 Timoti 4:9

Komi ta tuvevo ama pesio, koko male ama tu kiadamu ta ke tuvevo pueko.

2 Timoti 2:11

Komi ta tuvevo ama rukuruku: “Anime lula me vouvani mela vo sate inio mata noqola saevo kale me jaevou vo sase.

Taitasi 1:7

Ako vo lotu tanala ta o kati vaila vo Baṉara ko iruruputo sole, so inio vota maba kuiripato pide ala o elou. Vota pui o aikailou ni pui taukavole o korakorailou ni pui o vuatou ko piza kama ju tu kota sarube ko ivo vo, ni pui o niumaniumaemo se edoloma maba madu, ni pui oka zario voko koidi tu okai kovo ko takula.

Taitasi 3:8

Kota tuvevo ama bazu ikio. Aṉata aṉa zaria ṉo tu ṉota matu piza kavole ṉomai bazuekou komi quli, tu se kevai keruani vo Baṉara ta ke ereko ko uri ama iruruputo seko dikidauputo kale, koko uria tauvemo ama kiadama maba poso.

Hiburu 12:15

Balauvomo tu puliala ta o liliziovou Baṉara ko pakiezato sama roquano kasi azo. Ni vailomo tu puliala ta o pasopasoilou, ako koko epamata keru ta ko pasopasoilo ta kubo tapata ko ereka seke tuvevo putani kasi ni ko niumaeka seko saevo.

1 Pita 2:25

Ni lula meta omadeuvo ko mumamuma kama sipi jaria mela, melai meta lula me vaita tu me luluevou vo Jisu, vo o melati vailani me omadeuvo vo vailo ko maba ta o kati vaila jari voko sipi poso.

1 Pita 4:15

Ni meta pui ereko ko vouvato, ni kuilo, ni boutare poso, ni pui tamai utu ato edolomu ko iruruputo, tu kai titizio ni taka kovo koko besibesi.

1 Pita 5:2

tu meta mati vailomo vo Baṉara ko lotu qoqono vo Baṉara o katimeleni omadeuvo vo vailo ko maba ta o matu kati vaila ko sipi jari, ako se inio meko koidi madu sole. Ni zarizari emo ni pui me lupaovou mati vailo se, ako ko ikio vo Baṉara oka zariako sole. Ni meta erekomo koa koidi pui takula ko kai zario kale, melai meko tuvevo ama vailo ko zario kale.