1 Timoti 2:7 - BAṈARA KO VAIRU AMA LEVELEVEO

⁷ Sokale avo inio aṉata a joroiva kala apositolo lala tu a nianiiekimo se pui Jiu amu, tu aqai bazubazuto ko oqu ni tuveano ko bazu. Aṉata ada tuveana, pui a lipata!

1 Timoti 2:7 교차 참조

Jone 7:35

Nio se Jiu ama tanatanamu ta eri kikelake ke ṉavio kude, “Lai nio vo o ziovoa koi inio animeta pui meba roveovo avo velo vo? Ota ziovou nio se Quriki amu ko matu peuru kale sai Jiu amu ke evakoi, tu opa nianiiekimo se Quriki ama maba poso kio?

Iruruputo 14:27

Ni so keru nioqa qo baroa keru sai Anitioko peuru kale nioqata qo padoemake kiadama lotu maba poso ni nioqata qomai bazuekake kiadama quli vo Baṉara o erekako quli nioqa kasi ni voko ma veuko se pui Jiu amu ko keve tu seta ke tuvevo puto.

Iruruputo 22:21

Ni vo Lekasa ta eri la kiolake, ‘Ola, ako aṉata a joroeṉou matu vaṉa vasi se pui Jiu amu kasi,’ kiolake.”

Iruruputo 26:20

Kuleto ta Damasikasi ti Jerusalema ni koa pado ama Jiudia ni mata se pui Jiu amu kasi aṉata aba bazubazute sai tu seta ke lilizio seko sarueko poso kale azo ni ke lilizio Baṉara kasi ni ke ereko ko quli seko lilizio kasa ko iko ama.

Iruruputo 9:15

Nio vo Lekasa ta eri kiolake vokasi, “Ola, ako aṉata a bitoeva vo tu vota ola nabuluputou aṉa sole, tu vota omai baroekikou aṉako bazu se pui Jiu amu ni seko aikovakova poso, ni se Izireli amu.

Romu 1:9

Aṉata ava nabuluputa vo Baṉara aṉako pado ama bulo sate kai bazubazuto kale vo Baṉara vo Meqora ko Uri ama Bazu. Ni vo Baṉara ta o rovea zomano aṉa a qasekako quli kale. Vota okai nianiia aṉako kerukeruemelo me

Romu 10:14

Melai nonia paseko inio ke elou ko tauvezato se maba madu pui tuvevo ke ivou vo ta? Ni nonia tuvevo puto inio ke elou puliako viqo ko Uri ama Bazu? Ni nonia viqo inio ke elou ko bazu pui ko pikairiovou ta?

Romu 11:13

Aṉata a besia erisaṉa me pui Jiu amu mela kasi: Vo Baṉara inio o soroele aṉa tu aqai bazubazuto voko Uri ama Bazu mea pui Jiu amu mela kasi, so sole aṉako komia iruruputo ta matu qulepo ama ka kiavou.

Romu 15:16

vo Jisu Karisito nabuluputo kale se pui Jiu amu ma koidipo kale. Aṉata a nabuluputa kala pado siama jari kai bazubazuto kale vo Baṉara kasi azo ko kuevako Uri ama Bazu, tu se pui Jiu amu ta koroto ama siqasiqa jari ke elou Baṉara kasi tu seta tabu ke elou vokasi vo Tabu ala Auvana kale.

Romu 9:1

Aṉata a qasekou ko tuvevo ama quli; tuvevo avole aṉata vo Karisito vo lala sole pui a lipalipatou. Aṉako kerukeru ta ko aveaveiva vo Tabu ala Auvana kale, ni kota tuvetuve ko ila aṉa ta aṉata pui kala lipalipa kalala.

1 Koriniti 9:1

Aṉata kala ruparupasi ala maba lala ko Mosese ko Bazu kale azo. Ni aṉata apositolo lala, a veveni lala vo Jisu vo animevo Lekasa. Ni meko oqu ta aṉako va iruruputo vo Baṉara ko epa ikio.

2 Koriniti 11:31

Vo Baṉara, vo animevo Lekasa Jisu Karisito vo Mama ta o ilusiovou rineo rane, ni vo inio okai nianiiani ko aṉako pesio ko tuveano.

Qelesia 1:16

tu kasa ola ivo vovo Meqora, tu aṉata aqai bazubazutou voko Uri ama Bazu se pui Jiu amu kasi. Melai aṉata puliala maba kasi azo aba koe ko tauvezato sama nianiiekato.

Qelesia 1:20

Ni vo Baṉara ta obe kai nianiia ko quli aṉa a rikiekako quli ta pui lipalipa kama.

Qelesia 2:16

Melai aniqeta qekai nianiia ta puliala maba inio sidopu opa elou vo Baṉara ko kelokelozato kale Mosese ko Bazu ko lulueko kale. Melai vai keru kale vo Jisu Karisito ko kiada kale inio sidopu o elou vo Baṉara ko kelokelozato kale. So sole aniqe melai qevai oqui vo Jisu Karisito, so inio aniqeta sidopu qe evake vo Baṉara ko kelokelozato kale. Ni aniqeko sidopu elo ko raki vo Baṉara ko kelokelozato kale ta aniqeko vai keru vo Karisito. Melai pui Mosese ko Bazu ko lulueko kale inio sidopu qe eva. Ako puliala inio sidopu o evani vo Baṉara ko kelokelozato kale vo Mosese ko Bazu ko lulueko kale.

Qelesia 2:9

Nio Jemisi, ni Pita, ni Jone ta ke keake vo Baṉara ko roquano kale o katilema koidi. Ni se inio sea vilua pikopiko madu me meda ma matu paṉaovani ma kimelani! Nio seta uri ama ka kikeve aṉa ni Banabasi ko iruruputo, so sole eṉeta ṉe jaṉaekiniake tu ko tuvevo puilo ko so, ni seta eri kikelake, “Paula ni Banabasi, matu zakaremu inio ko ṉelai eva eṉe ta vo Baṉara ta o soroeqela qe tu qe ziovou pui Jiu amu kasi, ni eṉeta o soroeṉela tu ṉe ziovou Jiu mu kasi,” kikelake.

Qelesia 3:9

Ni vo Ebarahami ta okai oqui koa bazu ni voko oqu kale inio vota mauru ota eve. Ni erisaṉa melai oqu samu inio mauru ke evani omadeuvo vo Ebarahami ta mauru o eve jari.

2 Timoti 1:11

Vo Baṉara ta o pitoele aṉa tu aṉata kala apositolo a elo ni kala nianiiekato ko maba a elo tu aqai bazuto ko Uri ama Bazu,

2 Pita 2:5

Ako vo Baṉara ta koqo o imake sole se ruqe ama maba madu lulavo vo o soroeke keru ko nioqololo peuru ma peuru ama maba madu kasi se pui kepa zoriveni. Melai Noa, vo okai bazubazuteni ko sidopu, ni sikeura madu vokale amu inio Baṉara ta o pakiemake.