1 Komi ta aṉako matu kuleto ama bazu mekasi, ko eri, meta erekomo ko tauvezato ko vararaito, paseto, ni uriavo ko vararaito Baṉara kasi tu me mati vararaitou sea kiadama maba poso;
Baṉara ta okai azopike voko vilu koa taku so keru se maba poso pui kepa vai nianiiovi keru vo, melai erisaṉa vota o bazuema se kiadama zae poso kale tu seta ke lilizio seko ruqe ama keve kale azo sidopu ama keve tona.
Kuleto aṉata a qaseka aṉako uriavo vo Baṉara kasi vo Jisu Karisito kale kude mea kiada mela kale avo, ako komia pado ama peuru ma peuru ta ko viqa meko oqu ko bazu sole.
Melai aṉata a ilusiva vo Baṉara, ako kuleto meta ko sarueko ko mabaku mela melai erisaṉa meta lula me zorika meko pado ama bulo sate koa tuveano sama nianiiekato ko me viqema.
Aṉata a melai pakeke me ko quli ko lula aṉa a qoako a ṉavi koa matu qulepo ama bazu, eri kikolako: Vo Karisito ta o mela vovi animeko sarueko poso kale avo, Tabu ama Riki kikolani jari;
So sole eṉeta ṉe baseva vo Taitasi, vo o taniekeni komia pikazato ko iruruputo, tu vota obeta zio ereko ko tu vota o tauvemelo me tu me okotikou komia qulepo ama roquano sama iruruputo.
So sole aṉata a basemela me tu meta pui lekuleku me elou ko aṉa kobe lai ereivako tapata ni tolailo ko kerukerueko kale, ako aṉako kai tolailo aṉako melati koidipo me ta meko rauraemelako quli kio sole.
Ni meta matu vararaitomo Tabu ala Auvana kale kiada keru, tu pasekomo vo Baṉara ko tauvezato. Ni kokale inio meta inaina kamela me elou kiada keru. Ni pui me epezou vararaito melai meta me mati vararaitou kiadama vo Baṉara ko maba madu.
Ni meta pui tiṉoliṉoli ka elo kama quli, melai kiadama meko vararaito kale meta pasekomo vo Baṉara kasi ko quli me meqai zariovo ama quli meko uriavo sama bulo sate.
Animevo Lekasa inio o rapukikou meko roquekinio me ṉavio kude ni meko roquemo kiadama maba poso, tu kota ko kati ijatinia puekiniou eṉe ṉe imelania roquemelo me.
Ṉe visi poso ni ṉe qaka poso mela, eṉeta ṉe ilusiva vo Baṉara kiada keru mekale avo. Ni kota sidopu tu eṉeta ṉe ereko koa kalo ako meko vai oqu vo Baṉara ta kota rapuka sole ni meko roquekinio melai kobeta ola rapuko sole.
Koa naboko koko kiada pado, ko puliala o kati vailako, ta ko noqoiva vai keru vo Baṉara, ni kota ko vararaita ipu ni ṉaniu koko paseko kale voko tauvezato.
Bazuema tu seta pui ruqe kasemo ke elo maba poso, melai bule ke elou ni ke baerebaereovou, kiada keru seta ke puratikou ko akoekato sama kalo kiadama maba poso kasi.
Aṉata a mela matu zaria me tu mea kiada mela ta soa matu madoeko me elou ti kobeta barou koa taku ko paitopaito, so inio ko quli meme qovo ama ka kimelako ta tuvevo ko elou.
So sole meta kai eraeraekiniomo meko sarueko poso me ṉavio kude, ni tauvekiniomo vararaito kale me ṉavio kude, so inio me urikou. Ako vo sidopu ala maba ko vararaito ta ko ereka piza kama quli sole.
