1 Timoti 1:9 - BAṈARA KO VAIRU AMA LEVELEVEO

⁹ Melai ko male tu kerukerueko ko eri, Mosese ko Bazu ta ko kasei, tu pui se sidopu amu kaqe, melai kota se bazu ke bikoirikani ni se ruqe amu, ni se pui tuvevo ama auvana kale ama saevo samu, ni seke vouvaemani seko mama ni niania poso, ni seke vouvaemani maba poso kaqe inio,

1 Timoti 1:9 교차 참조

Matiu 10:21

“So keru inio kaka poso ta ke luavimou seko visi poso aṉa ke tuvevo puelani tu ke titiziovou ni seko kana madu ta ke vouvaemou, ni se mama kamu melai ke luavimou seko meqora poso aṉa ke tuvevo puelani tu se melai ke vouvaemou, ni se meqora poso ta ke kanaemou seko niania ni mama poso aṉa ke tuvevo puelani tu se melai ke vouvou,

Romu 1:30

ni ruqe kasekinio, kanaekivo vo Baṉara, peripato, aikailo ni rauraraurailo; seta ke kerukerueka kubo keve tu seta ke ereko ko ruqe; seta ke bikoirima seko mama ni niania poso;

Romu 4:13

Ni so keru vo Baṉara o vati korotike keru vo Ebarahami ko peuru ma peuru ta vo ni voko vikuvikula ko leveleveo ikio kio, vota so o ikake, pui vo Ebarahami ko zoriko kale ko Bazu, melai vo Ebarahami ta o tuvevo putake nio vo Baṉara ta sidopu ala va kiolake.

Romu 5:20

Ko Bazu ta ko kuevake tu ko ruqe ama iruruputo ta ko rapuko, melai sai ko ruqe ko rapukekoi, sai nio vo Baṉara ko pakiezato sama roquano ta ko matu rapukake.

Romu 6:14

Koa sarueko ta maba pui ko lekasa puilou meko saevo kale, ako meta pui bazu ko poro kale me evani mela sole, melai meta me eva vo Baṉara ko pakiezato sama roquano kale.

Qelesia 3:19

So sole loma quli kaqe inio vo Mosese ko Bazu? Kota eri nio. Koa Bazu ta ko katiziovi anime kasi tu ko mela kaseko ko saruilo anime me erekako. Ni kota pizato saṉa kobeta evake ti kobeta baroi voa pado Ebarahami vo vikuvikula kale ala kasi vo Baṉara o kaseveni. Ni se mateana madu inio ke koeni koa Bazu ni se inio ke kativeni vo Mosese vo oma pesiovini maba madu ni vo inio o katime koa Bazu. Sole Mosese ta kala tianiala maba o eve.

Qelesia 5:18

Melai meta me zarievou vo Baṉara vo Auvana tu o odiemelou me, so inio kasa ko elou ta meta pui vo Mosese ko Bazu kale me evani mela.

Qelesia 5:21

sebisebito, piza kama ju doilili kai elo ni ruqe ama ṉojolao, ni ereko mata kama soama quli. Melai aṉata a balauvimela me erisaṉa, omadeuvo aṉata a balauvimele ko paloasako taku kale jari, ako seke erekani komi quli ta pui kepa kovou vo Baṉara ko lekasa puo kale ama mauruto sole.

Qelesia 5:23

inobe, ni me ṉaviko aveavezio. Puliama kama bazu ta soama uri ama quli ko kaitika.

2 Tesalonaika 2:8

So keru inio voa matu ruqe ala maba ta o puratou ni animevo Lekasa Jisu ta o vouvaevou vo voko suto kale azo ama kozakoza kale ni vota o niumaevou vo koa ṉaṉaidara vo o kati kilo ama kale.

1 Timoti 4:7

Melai taka papariovi ko lipalipa kama ni utube ama bazu, ko pui ko kasevako vo Baṉara. Ṉota matu madoe tu tava paṉaovi vo Baṉara kiada keru.

1 Timoti 6:20

Timoti, ṉota mana vailo kati eve ko lotu kale ama nianiiekato ko lula ṉoqai nianiiako. Ṉota taka lapase koa kasekasezato sama pesio ko pui ko kasevako vo Baṉara, ni taka lapase koa sarube ama aivekinio kake maba poso “Nianiio” ka kikelako seko saruilo kale.

2 Timoti 2:16

So sole ṉota taka papariovi koa utube ama ni sarube ama pesipesi, ko vaṉa ko imako se maba poso vo Baṉara kasi azo.

2 Timoti 3:2

Ako koa taku kale maba poso ta ke ṉavi ke kerukeruilou, ni ke vailivailikou ko takula, ni ke aikailou, ni ke rauraraurailou; seta keta ruqe pesiovou, ni pui kepa zorimou seko mama ni niania poso, puliama seko kaseko seko uriavo, ni seta Baṉara ko bazu ke bikoirikani maba madu;

Taitasi 1:10

Ako sai Kiriti udu kale ta kubo madu se meomeo kamu ni ke lipalipaemani se edolomu seko sarube ama nianiiekato kale sole, ni kake sea Jiu amu seke tuvevo puevani vo Jisu inio ke matu erekani koa kalo.

Taitasi 1:16

Seko pesio kale ta seta kevai nianiia vo Baṉara kikela, melai seko iruruputo kale ta pui tuvevo ke ika. Seta matu kuvaruvarua melo o evani vo Baṉara, ni meomeo kamu, pui ke bokaovani ereko uri ama quli.

Taitasi 1:6

Vo lotu tanala ta kuiripato pide o elou; vota o ṉeamukou omadeu pado reko, ni voko meqora poso ta kerula kamu ke elo, tu maba poso ta pui kemai kuirikou seta piru amu ni zoripato pide amu.

Taitasi 3:3

Ako lulavo animeta sarubea mela, bikoirato ko maba mela, ni me jaruini mela. Animeta viluloqu me eve ni azaazama ni utube ama zoleilo me ereke. Ni me ṉamuke ko taku animeko ruqe ama iruruputo ni konoilo kale, ni se maba poso ta ke melai kaikuape anime ni animeta memai kaikuape se maba poso.

Hiburu 11:31

Oqu kale inio kama pado sasave Rehabi ko ṉi sama koko vai keruima vo Baṉara ta kota ka lapasake ko vou. Kake maba poso se pui kepa zoriveni vo Baṉara ta keta vouvake, melai kota pui ko vouvake ako kota lula ko baroekikake ni ko amaqikake koko pade kale nioqa Izirelia nioqa qo keveni nioqa sai soukori puekole ko Jeriko peuru.

Hiburu 12:16

Balauvomo tu puliala maba ta o ereko jou kama iruruputo ni kutumana iruruputo. Ako kutumana iruruputo ikio vo Isoa o erekema so keru vo okai tatabaraovi keru vo kuleto ala meqora ko puaro vovo visi Jekopi kasi, tu o kovo silo pala sailao.

1 Pita 2:7

Nea lado ta o matu tauvemela me tuvevo me ivani mela, melai se pui tuvevo ke ivani kasi ta eri nio: “Voa lado se orumato ko maba madu pui kepa vai zarini, vo inio erisaṉa voa qulepo ala lado o evani.”

1 Pita 3:20

Ni se inio ko se pui kepa zoriveni vo Baṉara Noa ko taku keru. Vo Baṉara ta matu inobea taremo o evake Noa obeta orumata keru ko vaka melai seta pui ke zorivake. Ni pui kubo madu inio se melai siotolu madu ke kiada inio ke amaqeake koa vaka kale ni ke pakiovi koa jukale.

1 Pita 4:18

Ko Tabu ama Riki kikolani jari, “Kota matu tapata tu vo sidopu ala maba melai o pakiovou; so sole se kevai kideipani vo Baṉara ni boutare ke erekani ta tuvevo avole seta matu tapata ke elou.”

Jiudi 1:15

tu o kati kilo ko titizato sea kiadamu tona, tu omai kuiriko sea kiadamu seke erekako sarueko poso, ni kiadama seko ruqe kasevo vo Baṉara seko ruqe ama pesio poso kale!”

Kelokelozato 21:8

Melai se pui ke palaitani, ni seke vaekani seko tuvevo puto, ni seke erekani kuvaruvaru ama kalo, ni seke vouvatani, ni seke pauvekani ko ruqe ama iruruputo, ni seke kakokakotani ni ke ilusikani ko beku poso, ni kiadama se lipalipa kamu ta ke risaemou koa matuma nai sama uza ko urusana ko tiania, ko ikio ko omuqama vou.”

Kelokelozato 22:15

Melai koa matu peuru ko kupekupe ta inisiana se siele jari ke kavani ruqe ama kalo ke luluekani, ni se kakokakoto ke erekani, ni se ruqe ama iruruputo ke pauvekani, ni seke vouvatani, ni seke ilusikani ko beku, ni seke lipalipatani seko pesio poso kale ni seko iruruputo poso kale.