1 Timoti 1:5 - BAṈARA KO VAIRU AMA LEVELEVEO

⁵ Aṉata a bazueṉa ṉo tu dokolima se, ako aṉata aqa zaria tu sea lotu qoqono ta ke roquekinio rurubiatana kama bulo kale, ni uri ama vatolo kale, ni tuvevo ama oqu kale.

1 Timoti 1:5 교차 참조

Matiu 12:35

Ni vo uri ala maba vo uri ama bulo sala ta o ereka ni o rukueka uri ama quli, melai vo ruqe ala maba vo ruqe ama bulo sala ta o ereka ni o rukueka ruqe ama quli.

Matiu 5:8

“Keta zoleiva tisoiko se bulebule ama bulo kale ama zario samu, ako seta ke velou sole vo Baṉara.

Iruruputo 15:9

Vota pui edolovoa puariko opa eve anime kasi ni sekasi, ni vota ota ma akoekake seko sarueko poso ako seta ke tuvevo putake sole.

Iruruputo 23:1

Nio Paula ta o toiritoirimake se Kauniseli madu ni eri ma kiolake, “A lolo poso mela, aṉako kerukeru ta maba pui kopa titizile aṉa aṉako va nabuluputo kale vo Baṉara ti kobeta baroa komia ṉaniu kale,” kiolake.

Iruruputo 24:16

So sole aṉata a matu madoe kiada keru sidopua elo Baṉara ni maba ko kuleto tu aṉako kerukeru ta pui kopa titizilou aṉa.

Romu 10:4

Ako vo Karisito inio vo Mosese ko Bazu ko paitopaito o eveni, nio sea kiadamu seke tuvevo puevo amu vo ta sidopu keta elou vo Baṉara ko kelokelozato kale.

Romu 12:9

Ko roquano ta maba tuvetuve ama ko elou. Kai kideipomo ko ruqe ama quli, ni noqoekomo ko uri ama quli.

Romu 14:15

Ṉota tiṉoliṉoli ṉovai ikou ṉovo visi koa sailao ṉoṉo quako kale inio ṉota roquano pidea laṉa. Ṉota pui vai niumaeko voa maba koa sailao ko ṉoṉo quako vo lula Karisito ova vovini!

Romu 9:1

Aṉata a qasekou ko tuvevo ama quli; tuvevo avole aṉata vo Karisito vo lala sole pui a lipalipatou. Aṉako kerukeru ta ko aveaveiva vo Tabu ala Auvana kale, ni kota tuvetuve ko ila aṉa ta aṉata pui kala lipalipa kalala.

1 Koriniti 13:1

Esa aṉata a roveovou tu kai pesio se maba madu ni mateana madu ko pesio, melai puliama aṉako roquano tea, aṉata omadeuvo ko ota kama belo ko kelakelato jari nio.

2 Koriniti 1:12

Aṉata ada zoleiva ako aṉako kerukeru kale aṉa a qaevo komia peuru ma peuru kale ni mekasi ta matu tuvevo ama ni sidopu ama vo Baṉara ko vailo kale. Pui peuru ma peuru ko lipalipa kama nianiio kio aba lulueke aṉako kalo kale, melai vo Baṉara ko pakiezato sama roquano ikio kasa ama ikake se maba poso aṉako kalo kale.

Qelesia 5:22

Melai vo Tabu ala Auvana o puratikako kalo ta eri ama, roquano, zoleilo, bule, pataito niumaniumato kale, baiseo, uri ama kalo, kerula elo,

Qelesia 5:6

Ni eṉe omadeu ṉe evani ṉela Jisu Karisito sase ta ṉe baqumukani ṉela ta pui ko tauveṉela ko moveilo ni pui moveilo tu sidopu elo Baṉara ko kelokelozato kale. Ako qulepo ama quli ta oqu ikio sole, koa oqu ko kasa ko evako roquano kale.

1 Timoti 1:18

A meqora Timoti, ṉota kerukerueka sea lotu tanatanamu ṉati kikevevo ṉo va nabuluputo kale avo vo Jisu Karisito. Ṉota vakovako ika koa zuvarato sama pesio poso seke katiṉema ṉo inio ṉota uria pazokinio ṉo elou,

1 Timoti 1:19

ni ṉota ṉo bataitou ṉoko oqu kale nio ṉoko kerukeru ta pui kopa ṉai kuiriziovou ko ruqe. Ako kama maba poso ta pui keka zariani nio viqo seko bulo kale ama kerukeru ko komai kasekako quli, nio seta ruqe ke ika seko oqu.

1 Timoti 3:9

Ni seta pizaka noqoeko ke elo ko Uri ama Bazu ko tuveano puliama niuniala sate.

2 Timoti 1:3

Aṉata a ilusiva vo Baṉara, vo aṉa ni aṉako taite poso ṉeva nabuluputani eṉeko uri ama vatolo kale. Aṉata a ilusiva vo kiada keru a qerukerueṉa keru ṉo aṉako vararaito kale ipu ni ṉaniu.

2 Timoti 1:5

Aṉata a qerukerueka ṉoko tuvevo ama oqu, omadeuvo ṉoko taite Loisi ni ṉoko niania Iunisi ko jari ama. Aṉata aqai nianiia ta koa omadeuma piza kama oqu ikio ṉokasi ama.

2 Timoti 2:22

Ṉota taka soqoi se vaini amu ko ruqe ama kalo, se keka matu zariani ko pui ko korotako quli poso, ni vinaeka lulueko ko sidopu, ni oqu, ni roquano, ni bule, seke ilusivani vo Baṉara saqasaqa kama bulo samu sase.

Taitasi 1:15

Kiadama quli ta bulebule se bulebule amu kasi; melai pulia quli ta bulebule se sarueko ko kaqa samu kasi ni se tuvevo puto pide amu kasi, ako seko kerukeru poso ni upo nianiio poso ta lula ruqe sole.

Hiburu 10:22

So sole animeta me qilou vo Baṉara ko sipole ni mevai oquvou vo Jisu Karisito ni me qativou animeko pado ama bulo, ako vo Jisu ko dara ikio bulebule ko ikema animeko pado ama bulo poso, tu meqai nianiio ta vo Baṉara ta lula o akoeka animeko sarueko, ni lula bulebule o imela anime kio.

Hiburu 13:18

Meta pui lalamato vararaito kale tauveṉelo eṉe, ako eṉeta ṉe baqumuka ta pulia quli ko ṉelai loqaiva eṉe sole, ako eṉeta ṉeqa zaria ereko ko uri kiadama taku keru sole.

Hiburu 9:14

Melai vo Jisu ko dara ko pizato ta kokai paloasa soama biaṉa poso ko dara tu bulebule ko imo se maba poso. Ako vo Jisu ta maba sidopu ala siqasiqa o evake Baṉara kasi o ṉavi anime kaqe vo noqola kala Tabu ala Auvana ko pizato kale, so sole vota bulebule o ika animeko bulo poso tu animeta pui me lulueko ko utube ama iruruputo koko melati ziovo ama auvana kale ama voukale, tu animeta meva nabuluputo ni me luluevo vo saevola Baṉara.

Jemisi 4:8

Kuemo Baṉara ko sipole, ni vota o kilou meko sipole. Meta liliziomo meko sarueko poso kale azo, me sarueko poso samela! Rurubiatana ikomo meko bulo poso, mea maba poso mela me meqai lipalipaitani mela ko sidopu!

1 Pita 1:22

Meta lula bulebule me evani mela vo Baṉara ko tuveano ko zoriko kale, tu me roquemou meko lolo poso lipalipa pide ama roquano kale. So sole roquekiniomo muli tuvevo avole meko bulo kale.

1 Pita 3:16

Sole meta mema rupasikou zarazarailo ni paṉao kale, ni uri ama upo sate. So inio keta mela ruqe kasekou keru meko uri ama iruruputo, meme erekako meko luluevo vo Karisito ko kio kale, ta ke quratou, seke kelou keru meko uri ama kalo.

1 Pita 3:21

Koa ju ko kalo ta bapitaiso jari, ni meko bapitaiso puilo kale inio Baṉara ta o pakiemela me komia taku kale. Melai koa bapitaiso ta pui meko tupu kale ama kaqa tamela ṉamuko kaqe inio, melai kota meko uri ama upo kale ama lilizio vo Baṉara kasi ama. Ni koa kiadama ta so, ako vo Jisu Karisito ta o saeve sole voukale azo,

1 Pita 4:8

Melai ko matu qulepako quli ta roquekiniomo muli meko pado ama bulo kale. So inio meta me mati odouvikiniou kiada keru meko lolo poso seke sarueko amu mekasi.

2 Pita 1:7

ni meko baisemo meko lotu tamania madu, ni ko roquano.

1 Jone 3:10

So sole animeta memai nianiia inio vo Baṉara ko meqora poso ni vo Setani ko meqora poso. Ako se pui ke erekani ko sidopu ta pui vo Baṉara ko meqora poso inio, ni se pui ke roquemani seko lotu tamania kale amu melai pui vo Baṉara ko meqora poso.

1 Jone 3:23

Ni komi quli kio vo Baṉara o melai bazuekako: animeta tuvevo me ivo vovo Meqora Jisu Karisito ni me roquekinio muli omadeuvo vo Jisu melati kiovevo jari.

1 Jone 3:3

Ni vo okai zuatani ko quli anime me elo avo so keru, ta bulebule o elou, omadeuvo Karisito ko bulebule jari.