1 Timoti 1:19 - BAṈARA KO VAIRU AMA LEVELEVEO

¹⁹ ni ṉota ṉo bataitou ṉoko oqu kale nio ṉoko kerukeru ta pui kopa ṉai kuiriziovou ko ruqe. Ako kama maba poso ta pui keka zariani nio viqo seko bulo kale ama kerukeru ko komai kasekako quli, nio seta ruqe ke ika seko oqu.

1 Timoti 1:19 교차 참조

Matiu 6:27

Keatini; kala me azo ta o rovea rosikiko voko saevo tiṉoliṉoli elo kale kio? Maba pui!

1 Koriniti 11:19

Ako zakaremu ko pitasio ta kota elou me tona tu se sidopu amu ta ke uria keazailou.

Qelesia 5:4

Ni kake mela me meqai zariani mela lulueko vo Mosese ko Bazu, ta meda pitasia inio vo Karisito kasi azo ni meta me epeza tuvevo pueko Baṉara ko roquano kale ama sidopu puto.

1 Timoti 1:5

Aṉata a bazueṉa ṉo tu dokolima se, ako aṉata aqa zaria tu sea lotu qoqono ta ke roquekinio rurubiatana kama bulo kale, ni uri ama vatolo kale, ni tuvevo ama oqu kale.

1 Timoti 3:9

Ni seta pizaka noqoeko ke elo ko Uri ama Bazu ko tuveano puliama niuniala sate.

1 Timoti 6:12

Matu madoe tu pizate ṉoko oqu ko saevo kale, omadeuvo vo rereo ko maba jari vo oka zariani pizato voziekinio kale, tu ṉo qovou koko mamola, ko ikio ko noqola kama saevo. Ako ko ikio koa noqola kama saevo vo Baṉara lula o ṉati nokaekema ṉo so keru ṉo parani putole kai bazuto ṉo eve keru ṉoko oqu ni kubo maba madu keta ṉa viqe keru ko.

1 Timoti 6:21

Ako sea poqala koa “Nianiio” samu kikelani ta kota lula komai niumata, ni kokale avo ta seta lula keta epeiva seko oqu kale azo. Aṉata a vararaita tu vo Baṉara ko roquano ta ko elou mea kiada mela tona. A baika.

1 Timoti 6:9

Melai se keka zariani kovo ko batiro ta zolizolito ko moa ni keta tulumua kubo ruqe ama ni niumaniuma kama zario poso kale, koko niumaekake seko oqu.

2 Timoti 2:18

Nioqa inio qo ṉamukeni nioqa ko tuveano, ni lekuleku qo imani nioqa kake seke tuvevo putani seko oqu kale kai bazuto kale ko anime lotu maba mela ko mata saevo voukale azo ta lula kota ereiva kio ni pui kopa tova ereilou kio sama lipalipato kale.

2 Timoti 4:4

Seta pui kepa viqou ko tuvevo ama bazu ni ke didiekou ko lipalipa kama bazubazu poso.

Taitasi 1:9

Vota pui o vaekou koa kerula kama ni korokoroti ama lotu ko bazu. So inio vota o roveovou zuvarimo se edolomu koa tuvevo ama nianiiekato kale ni vota mata kasa o ikou ko sarueko seke tizaekani koa bazu ko.

Hiburu 3:14

Kerukeruekomo erisaṉa ta animea kiada mela ta vo Karisito kalea mela, pizaka noqoeko me elou ta koa kuleto ama tuvevo puto ti mebe kai barolou saevo ko paitopaito keru.

1 Jone 2:19

Ni se vo Karisito ko kana madu ta animeko poqala kale ke eveni inio. Melai seta lula ke vaemele ni seko vaemelo ta kasa ko ika ta seta pui maba anime kale amu inio. Ako seta tuvevo avole animeko poqala kale amu tea, seta anime kasi nio kebeta elo. Melai ke vaemele sole meqai nianiia ta sea kiadamu ta pui maba anime kale amu kepa eve.

Kelokelozato 3:10

Meta lula me zorika aṉako bazu meko inobea pataito kai elo ko naqunaquto kale, so sole aṉata a bakiemelou me kiadama tapata kale azo koko kuevako peuru ma peuru kale amu tona, tu kota ko madoemo kiadama maba madu se miduku kale ke evani.

Kelokelozato 3:3

So sole kerukeruekomo koa nianiiekato ko me lula me viqema ni me ṉeamukema. Meta zorikomo ko ni liliziomo meko sarueko poso kale azo. Ako meta pui me doiratou nio aṉata ota podolo kilo a melai elou vo kuilokuilo ala maba jari, ni meta maba pui meba kai nianiiovou koa taku so keru aṉa a qilou keru mekasi sole.

Kelokelozato 3:8

Aṉata aqai nianiia ko meme erekako quli ni aṉata aqai nianiia meta pui matuma pizato samela inio; melai inio meta me lulueka aṉako nianiiekato ni meta kerula meda eva aṉa tona. Keatini, aṉata lula a mela veuka ko tibulu ko puliala opa roveovo ama tibuliko.