17 Me ilusivou ni ṉaṉaidara puevou vo noqola kala ni paito pide ala ni mutamuta kale ala Aikovakova, vo omadeu pado Baṉara latau ṉaniu ni ka ṉaniu! Emeni.
Ni aṉa voa Lekasa lala ta eri kiavou sea maba poso aṉako palo rana mu kasi, ‘Me inio aṉavo Mama mauru o imeloa mela, sole meta kuemo tu vo Baṉara inio o katimelou voko lekasa puo ko mauruto, ko o mela inainaekema puliako komia peuru ma peuru ereilo.
ni nianiie-kimomo se tu ke zoriko kiadama quli aṉa a melai bazuekema. Ni aṉata a elou me sase kiada keru, ti kobeta barolou komia peuru ma peuru ko paitopaito ko taku,” kiolake vo Jisu.
Puliala inio lula o veani vo Baṉara. Melai voa pado Meqora, omadeuvo vo Baṉara jari ala ni vo obeta evani vo Mama ko palo rana vasia rana, vo inio ovai nianiiani ni o mela kaseveni vo Baṉara.
Meta meqa zaria rauraekinio me ṉavio kude, melai meta pui me erekani mela ko quli vo tuvevo ala Baṉara okai rauraemelo ama me, nio noni kale inio meta me roveovou tuvevo puelo aṉa?
Vo Baṉara ta pui opa keazai maba ko vilu kale, melai ko peuru ma peuru ko erei keru azo inio voko noqola kama pizato ni voko Baṉara elo ta kasa ko evake voko iruruputo kale; so sole sea maba poso ta pui keta ka rovea zolio kiadama seko ruqe ama iruruputo.
ako seta kekai besieka vo noqola kala Baṉara ko ilusato, seko beku poso ke erekako omadeuvo vo puju ama saevo sala maba jari amu, ma koko akazako biaṉabiaṉa poso ma ko ariku kiti ama biaṉa poso ma koko vaerako ni koko rajaivako biaṉa ko ilusiko kale.
Ako vota lula o ereke kiadama quli, ni kiadama quli ta kobeta eva vokale tu kota voko. Sole animeta me ṉaṉaidara puevou vo Baṉara latau ṉaniu ni ka ṉaniu! Emeni.
Seke erekani ko uri ta koa kalo kale inio seta ke zuatika ko ṉaṉaidara, ni raurailo, ni noqola kama saevo, ni se inio vo Baṉara o katimo amu koa noqola kama saevo.
Karisito inio vo kasa o ivani vo mutamuta kala Baṉara ko kalo anime kasi, vo lula o eveni Meqora puliako peuru ma peuru ereilo, vo raura kala kiadama vo Baṉara o erekema quli kale azo.
Oqu kale inio Mosese ta o zolaike Ijipi peuru kale azo pui taka ṉalo kale vo Ijipi ala aikovakova ko korakorailo kale. Vota ota pataitake ako vota o veve jari vo mutamuta kala Baṉara sole.
Melai pizatomo animevo Pakio Lekasa Jisu Karisito ko pakiezato sama roquano ni voko vai nianiio kale. Ako voko ikio koa ṉaṉaidara sole komia ṉaniu ni ka ṉaniu! Emeni.
Ako puliala maba inio o veani sole vo Baṉara. Melai animeta me roquekiniou, nio vo Baṉara ta o elou anime tona. Ni animeta me roquekiniou muli, inio voko roquano ta ko maba puratou animeko kalo kale.
vo omadeu pado animevo Pakio Baṉara kasi, vo Jisu Karisito animevo Lekasa kale kude, ta ko elou ko ṉaṉaidara, raurailo, lekasa puo, ni naizato, koko tanitanila keru azo ama, ni erisaṉama, ni latau ṉaniu ni ka ṉaniu! Emeni.
Ni seta kevai keraoke Mosese vo kera, Baṉara vo nabulu, ni voa Sipi Meqora vo kera, eri kiolani: “Raura kala ni Kiadama Pizato sala Baṉara ṉa, kiadama ṉoko iruruputo ta matu aqasiele ama! Kiadama toutou ni qoqono poso vo Aikovakova ṉa, kiadama ṉoko kalo ta sidopu ni tuvevo ama!
Ni seta ke vati pazokiniou vo Sipi Meqora, melai vo Sipi Meqora, ni se o nokaemeni ni o pitoemeni ni se piza kama oqu samu ke luluevani vo, ta ke koqotaemou se, ako vota piza kala Lekasa kiadama lekasa poso azo ni vota piza kala Aikovakova kiadama aikovakova poso azo sole,” kiolake vo mateana.
Ni koko tova inio aṉata a viqake kama kora matuma vaki ko upaupato jari ama aukale vasi, ko eri kikolako, “Ilusivomo vo Baṉara! Vai ilusikomo animevo Baṉara ko pakiezato, ni voko ṉaṉaidara, ni voko pizato!
Voko rosia sabosabo ni kiti topi ta ko rikiziovi koa ṉi: “Piza kala Aikovakova kiadama aikovakova madu azo ni Piza kala Lekasa kiadama lekasa poso azo,” ikio koa ṉi.
Ni aṉata a viqake matuma vaki ko kora jari ama kora, omadeuvo ko matuma tovoko zara kale ama ko qurumo jaria qurumo ama, ni au kalea paka ko seqelo jaria kelato ama. Ni aṉata ada ma viqake seko eri kio, “Ilusivomo vo Baṉara! Ako vo Baṉara, vota animevo piza kala Lekasa ni noqola lekasa puola sole!
nio eri kikelake, “Emeni! Mevai rauraeko animevo Baṉara voko ṉaṉaidara, ni raura kama nianiio, ni aikato, ni pizato, ni naizato. Me qativou animeko uriavo latau ṉaniu ni ka ṉaniu! Emeni!”
