1 Timoti 1:15 - BAṈARA KO VAIRU AMA LEVELEVEO

¹⁵ Vo Jisu Karisito ta o kuevi komia miduku kale tu vota o pakiemo se boutare samu. Kota kama pado tuvevo ama pesio, koko male ama tu kiadamu ta ke tuvevo pueko. Ako aṉata matu ruqea lala sea kiadamu sea boutare samu azo,

1 Timoti 1:15 교차 참조

Matiu 1:21

Kota ko alilivou kala meqora ni ṉota ṉovai nokaekou o ṉi ta Jisu, ako vo inio vo o pakiemo ala se maba poso seko sarueko poso kale azo sole,” kiolake.

Matiu 18:10

Nio vo Jisu ta mata eri kiolake sekasi, “Meta balauvomo ni pui zaraemo nia meqora poso jari amu, ako seta mateana samu sole aṉavo Mama kasi aukale, seke mati vailani.

Matiu 20:28

Omadeuvo jari aṉa maba a eveni lala ta pui aba kuevi tu maba poso ta kela iruruputo, melai aṉata a quevi tu aṉa inio nabulu ama elo maba poso, ni aṉata ama vouvou tu a bakiemou se,” kiolake vo Jisu.

Matiu 9:13

So sole meta olamo ni pa kai nianiimo Baṉara kiovevo ko Tabu ama Riki kale, ko eri kikelako, ‘Aṉata pui aqa zaria biaṉa kale ama siqasiqa melai aṉata aqa zaria ko tauvezato sama roquano,’ kikovema. Ako aṉata pui a queva nokaemole se sidopu amu, melai aṉata a queva tu nokaemole se ruqe ama maba poso,” kiolake.

Maka 2:17

Nio vo Jisu ta ota ma viqake se kikelani ni eri ma kiolake, “Se uria saevomu ta pui kevai zaria vo dokita, melai seke verepani nio kevai zariani vo. So jari nio aṉata pui a queva nokaemole se sidopu amu, melai aṉata a queva nokaemole se ruqe ama maba poso,” kiolake.

Luke 15:2

nio se Parese madu ni se Mosese ko Bazu kekai nianiiekatani ta ke taniekake ṉuruṉuruo ni eri kikelake, “Nea maba ta o baroekima se ruqe ama maba madu ni o mati palaita se!” kikelake.

Luke 19:10

Ako aṉa maba a eveni lala ta a quevi vailimole ni pakiemole seke mumaivani,” kiolake.

Luke 5:32

Aṉata pui a queva tu lilimole se sidopu amu, melai lilimole se ruqe amu,” kiolake.

Jone 1:12

Melai kama poso madu seke baroekiveni vo, ni se kevai keruini vo, ta o katimake ko naizato tu seta vo Baṉara ko meqora poso ke elo.

Jone 1:29

Ni koko raneo kale inio Jone ta o veake o maba ṉavi Jisu obeta kuevake vokasi. Ni vota eri kiolake vokasi ke padoini kasi, “Keatini, vo Baṉara vo Sipi Meqora siqasiqa o elo ala, vo o ṉamuko ala peuru ma peuru ko sarueko, ta obeta kueva!

Jone 12:47

Kala vo o viqani aṉako bazubazu melai vo pui o zorikani ko, ta pui aṉa inio aba titizivou vo. Ako aṉata pui aba kuevi tu titizimole se maba poso sole, melai pakiemole se.

Jone 3:36

Vo tuvevo o ivani vo Meqora ta noqola kama saevo sala, melai vo pui o zorivani vo Meqora ta pui opa kovou ko saevo, melai vo Baṉara ko korakorailo ta noqola ko elou vo tona kiada keru.

Iruruputo 11:1

Ni se apositolo madu ni seke tuvevo putani Jiudia ma peuru poso kale ke evani ta ke viqake se pui Jiu amu melai lula kekai oqua vo Baṉara ko bazubazu kio.

Iruruputo 11:18

Nio so keru seke viqa keru ko seta ke epezake tirazo ni ke ilusivake vo Baṉara, ni eri kikelake “Sole vo Baṉara ta o katima ko taku se pui Jiu amu tu ke lilizio ni ke saevo!” kikelake.

Iruruputo 3:26

So inio vo Baṉara ta o pitoeve vovo Nabulu ni vota o soroeve kuleto mekasi tu mauru o imelo me tu meta me liliziovou kiadama meko ruqe ama iruruputo kale azo,” kiolake vo Pita.

Romu 11:14

Esa komi kale inio aṉata viluloqu saṉa a imou se Jiu amu a ṉavi kale amu, nio kake ta ke roveovou pakio.

Romu 5:6

Ako so keru anime pizato pidea mela me eve keru, inio Karisito ta o mela vovi anime ruqea mela koa taku vo Baṉara o pitoekema kale.

1 Koriniti 15:9

Ako aṉata matu siloa lala sea apositolo madu kalea lala sea kiadamu kasi azo sole ni pui koko male aṉa tu apositolo ṉi lai nokaeko, ako aṉa inio a niumaekeni lala vo Baṉara ko lotu qoqono sole.

Epesasi 3:8

Ako aṉa inio matu zara kalala sole se vo Baṉara ko maba madu kasi azo. Melai vo Baṉara ta o katilake aṉa komia puaro; vota o katilake komia sake tu aṉa inio amai bazuekoa lala se pui Jiu amu vo Karisito ko aqasiele ama Uri ama Bazu, ko puliala opa roveovo ama podetiko.

1 Timoti 1:13

rouka ruqe kasevo abe eve vo lulavo ni abe niumaniumaeve vo aṉako ruqe imo kale voko maba madu. Melai animevo Lekasa Jisu ta o matu roquele aṉa ni ota la akoeke ko, ako so keru ta aṉata pui nio avai oquke vo sole ni pui nio aqai nianiiake ko aṉa a erekema quli ta ruqe ama kio sole.

1 Timoti 1:19

ni ṉota ṉo bataitou ṉoko oqu kale nio ṉoko kerukeru ta pui kopa ṉai kuiriziovou ko ruqe. Ako kama maba poso ta pui keka zariani nio viqo seko bulo kale ama kerukeru ko komai kasekako quli, nio seta ruqe ke ika seko oqu.

1 Timoti 3:1

Komi ta tuvevo ama pesio: Voa maba vo oka zariani ko vilua pikopiko elo lotu qoqono kasi ta o pitoekani nio matu uri ama iruruputo.

1 Timoti 4:9

Komi ta tuvevo ama pesio, koko male ama tu kiadamu ta ke tuvevo pueko.

1 Timoti 6:13

Vo Baṉara ko tanama kale, vo o katikani ko saevo kiadama quli, ni Jisu Karisito ko tanama kale, vo o uria kasa puekeni voko oqu vo Ponitiasi Paelati ko kuleto, aṉata a bazueṉa ṉo

2 Timoti 2:11

Komi ta tuvevo ama rukuruku: “Anime lula me vouvani mela vo sate inio mata noqola saevo kale me jaevou vo sase.

Taitasi 3:8

Kota tuvevo ama bazu ikio. Aṉata aṉa zaria ṉo tu ṉota matu piza kavole ṉomai bazuekou komi quli, tu se kevai keruani vo Baṉara ta ke ereko ko uri ama iruruputo seko dikidauputo kale, koko uria tauvemo ama kiadama maba poso.

Hiburu 7:25

Sokale inio vota pizato sala koko pakiemako kiada keru se maba madu seke kuevani Baṉara ko kuleto vokale kude, ako vota noqola tu o mati petao se vo Baṉara kasi.

1 Jone 3:5

Ni meta meqai nianiia ta Karisito ta o kuevi tu o ṉamuko ko sarueko ni vota sarueko pide ala.

1 Jone 3:8

Ako vo Setani inio o saruekeni koko tanitanila keru azo, ni vo obeta ziovo ala ereko ko sarueko ta vota vo Setani vo maba inio sole. Melai vo Baṉara vo Meqora ta o kuevi niumaekole vo Setani ko iruruputo.

1 Jone 5:11

Ni komi quli kio vo Baṉara o melai bazuekako anime: vota o katimele ko noqola kama saevo, ni vota o katimele koa saevo animeko vai oqu kale vovo Meqora.

Kelokelozato 21:5

Ni vo o papuani lekasa ko papupapu topi ta eri kiolake, “Erisaṉa aṉata vairu a ika kiadama quli!” Ni vota mata eri kiolake aṉa kasi, “Ṉota rikieka komia pesio poso ako kota tuvevo ama ni kerula kama sole.”

Kelokelozato 22:6

Ni vo mateana ta eri kiolake aṉa kasi, “Komia bazu ta tuvevo ni kerula kama bazu. Ni vo Baṉara vo o katimani voko Tabu ama Auvana se poropita madu, ta o soroeve vovo mateana tu oma kaseko voko nabulu poso ko taukavole ko ereilo ama quli,” kiolake.

Kelokelozato 5:9

Nio sai nio seta kevai keraovake kala pado vairu ala kera eri kiolani: “Ṉo inio ṉo male tu kovo koa polopolozi ama buka ni taka rupasiko koko vinavina tu redaniko. Ako ṉota lula ṉoda vouvai sole, nio ṉoko voukale ama siqasiqa elo kale ṉota lula ṉo databaraeme se maba poso Baṉara kaqe kiadama toutou poso kale azo, se aza pesiomu, kiadama qoqono kale amu ni se azaaza tupu amu kasi azo.