1 Timoti 1:14 - BAṈARA KO VAIRU AMA LEVELEVEO

¹⁴ Ni vo Baṉara ta olai avozikake voko palopaloasi ama roquano ni vota o katilake aṉa koa oqu ni roquano ko anime me qoako so keru me duvevo pueva keru vo Jisu Karisito.

1 Timoti 1:14 교차 참조

Matiu 20:9

Ni vota o tabarimake se sike koloko raisiraisi ke taniteni iruruputo, ni o katimake pado ama ṉaniu ko iruruputo ko male ama reketekete.

Iruruputo 15:11

Pui so me imo! Ako anime ni se ta omadeu pakio meda elou vo Lekasa Jisu ko pakiezato sama roquano kale sole,” kiolake.

Romu 16:20

Ni vo Baṉara animeko bule ko raki ta taukavole o mujarivou vo Setani meko kiti vima. Vo animevo Lekasa Jisu Karisito ko roquano ta ko elou me tona.

1 Koriniti 15:10

Melai vo Baṉara ko pakiezato sama roquano kale ta apositolo inio o ila aṉa, ni voko apositolo ilo aṉa ta kalo sama. Ako aṉata a matu iruruputa ni aṉata aqai paloasa mata sea kiadama apositolo madu ko iruruputo sole. Melai koko maba tuveano ta kota pui aṉako pizato kale inio aṉata a ereka koa iruruputo, melai vo Baṉara ko pakiezato sama roquano kale ko kuevako pizato ikio.

1 Koriniti 3:10

Aṉata ava irurupute vo Baṉara koa bokao vo o katilema kale ni aṉata a dauvemele me tu mevai oqu vo Jisu, omadeuvo kala roverove ala pade ko ereko kale ta o ereka ko piza kama lado vola jari. Ni erisaṉa edolola maba Apolosi inio o nianiiekatani mekasi omadeuvo kala maba vo o padematani koa vola topi jari. Melai animea kiada mela ta meva iruruputa vo Baṉara tu me dauvekinio voko qoqono kalea mela omadeuvo kala maba vo o orumukani ko pade jari. So sole animea kiada mela ta uria korokoroti me ikou animeko iruruputo.

2 Koriniti 13:14

Vo Lekasa Jisu Karisito ko pakiezato sama roquano, ni Baṉara ko roquano, ni vo Tabu ala Auvana ko bairumuo ta ko elou me tona.

2 Koriniti 4:15

Ako koa kiadama eṉeko tapata poso ta meko tauvemelo kaqe sole. So inio vo Baṉara ta kobeta ziovou pakiemo matu kubo madu voko pakiezato sama roquano kale ni vota o odiemou sea kiadamu tu seta ṉaṉaidara ke ivou vo Baṉara seko kativo kale seko uriavo seko vararaito kale.

2 Koriniti 8:9

Meta me baqumuka animevo Lekasa Jisu Karisito pakiezato sama roquano; ako vota kiadama aukale ama batiro sala, melai vota ozaoza ota eve o ṉavi meko kio kale avo, tu vota o katimelou aukale ama batiro voko ozaoza elo kale.

Qelesia 1:13

Ni meta meda la viqe aṉako saevo koko paloasako taku keru ama, so keru aṉa Jiu mu ko lotu kale a eve keru. Aṉata a niumaniumaeke vo Baṉara ko lotu, ni a matu madoeke tu a ruvurimo vo Jisu ko lotu maba poso.

1 Tesalonaika 1:3

Ako vo animevo Baṉara ko tanama kale eṉeta ṉe matu kerukerueka ko meko oqu ko puratikako iruruputo, ni meko roquano ko imelania matu nabuluputo, ni meko pizaka vai keru vo Jisu Karisito tu kovo ko noqola kama saevo ko imelania vinavina.

1 Tesalonaika 5:8

Melai anime vo ṉaniu ko mela, ta inobe elo me elo. Animeta mevai oqu ni me roquevo vo Baṉara, ni kota ko qaramu-melou anime omadeuvo parani ala ko bako ko qaramuva vo jari, ni animeta piza kavole meqai keru vo Baṉara ko pakiemelo anime, omadeuvo pazokinio ko maba okai kerua jari voko zokele ama tarapae.

1 Timoti 2:15

Melai se rekoreko ta ke pataitou seko oqu kale ama elo ni roquano ni tabu elo, ni seko inobe ama kalo kale, nio seta ke pakiovou seko kovo kale ko meqora.

1 Timoti 4:12

Ṉota pui zarievo kala tu vota o zaraeṉo ṉo ṉoko vairu beta elo kale avo, melai ṉota kala kevepito eve seke tuvevo putani kasi, ṉoko pesio kale, ni ṉoko kalo kale, ni ṉoko roquano kale, ni oqu, ni ṉoko bulebule ama saevo kale.

1 Timoti 6:11

Melai ṉo, vo Baṉara ko maba ṉa, ta taka lapase kiadama komia ruqe poso. Kai vinai ko sidopu, vo Baṉara tava paṉao kale, ni oqu kale, ni roquano kale, ni pataito kale, ni nodenode ama saevo kale.

2 Timoti 1:13

Ṉota vinavina noqoeko eve koa tuvevo ama bazu poso ko lula aṉa a ṉati vakakukema tu ṉota ṉo lulueko ko, ni kai saeve koa oqu ni roquano ko animeko omadeu vati elo vo Jisu Karisito ko katimelako.

2 Timoti 2:22

Ṉota taka soqoi se vaini amu ko ruqe ama kalo, se keka matu zariani ko pui ko korotako quli poso, ni vinaeka lulueko ko sidopu, ni oqu, ni roquano, ni bule, seke ilusivani vo Baṉara saqasaqa kama bulo samu sase.

Taitasi 2:2

Bazuema se lasive ama qoleqole poso tu seta inobe ni nianiio ke elou, ni ke uria odiziovou ke ṉavi; tu ke pizatou seko kai oqu kale ko tuveano, ni seko roquano kale, ni pataito kale.

1 Pita 1:3

Animeta me ilusivo vo Baṉara, vo animevo Lekasa Jisu Karisito vo Mama. Ako voko matuma akoekato sama roquano kale inio vota o katimele anime vairu ama saevo. Ni so jari vota o katimele piza kama tuvevo puto sama kerukeru tu animeta me qovo ko noqola kama saevo, koa piza kama tuvevo puto sama kerukeru o katimelema vo Jisu Karisito ko mata saevo kale voukale azo.

1 Jone 4:10

Ni tuvevo ama roquano ta vo Baṉara ko roquano anime kasi ama ikio, ni pui animeko roquevo vo Baṉara. Ako vo Baṉara inio o roquemele ni o soroeve vovo Meqora tu ota mela akoeko animeko sarueko poso vovo Meqora ko voukale.

Kelokelozato 22:21

Vo Lekasa Jisu ko pakiezato sama roquano ta ko elou mea kiada mela Baṉara ko maba poso mela tona.