1 Timoti 1:13 - BAṈARA KO VAIRU AMA LEVELEVEO

¹³ rouka ruqe kasevo abe eve vo lulavo ni abe niumaniumaeve vo aṉako ruqe imo kale voko maba madu. Melai animevo Lekasa Jisu ta o matu roquele aṉa ni ota la akoeke ko, ako so keru ta aṉata pui nio avai oquke vo sole ni pui nio aqai nianiiake ko aṉa a erekema quli ta ruqe ama kio sole.

1 Timoti 1:13 교차 참조

Luke 12:47

“Vo nabulu vo okai nianiiani vovo lekasa ko vatolo, melai vota pui o inainaova tu vota o ereko, ta o koqotailou matuma koqotato kale.

Luke 23:34

Nio Jisu ta eri kiolake, “Mama, ṉota tama akoeka se komia ruqe, ako seta pui kekai nianiia seke erekako quli sole,” kiolake. Ni seta kekai puarikiniake vo Jisu ko suma seko kai daisimato kale.

Iruruputo 22:4

Aṉata a naquemake ni a vouvaemake se maba poso seke luluekani koa vairu ama lotu ko keve. Ni aṉata a noqoemake se lasive amu ni rekoreko amu ni a vaemake se pirito pade kale.

Iruruputo 3:17

“Lolo poso, aṉata aqai nianiia ta me ni meko vilua pikopiko poso me erekema quli vo Jisu kasi ta meko pui paqumuvo vo kale inio.

Iruruputo 8:3

Melai Saula ta o madoekake tu niumaeko ko lotu qoqono, so sole vota pade azo pade o kavake ni rajarajaemole o saqorimake seke tuvevo putani reko ni lasive, ni o saputimake pirito pade kale.

Iruruputo 9:1

Ni koa taku kale inio Saula ta obeta olake ereko ko ṉavaṉavato sama pesio tu o vouvaemo vo Lekasa ke luluevani. So sole vota o olake Ṉisa Siama kasi

Iruruputo 9:13

Nio vo Ananaiasi ta o opatake ni eri kiolake, “Lekasa, matu kubo maba madu ta lula kevai bazuta nea maba aṉa kasi ni kiadama tapata poso vo o erekako ṉoko maba madu kasi Jerusalema ke evani kasi.

Iruruputo 9:5

Nio Saula ta o kuimanaoke ni eri kiolake, “Lala ṉa inio ṉo Lekasa?” kiolake. Nio koa kora ta ko vati tiorikake ni eri kikolake, “Aṉa inio vo Jisu lala, ṉoṉo niumaniumaelani lala.

1 Koriniti 15:9

Ako aṉata matu siloa lala sea apositolo madu kalea lala sea kiadamu kasi azo sole ni pui koko male aṉa tu apositolo ṉi lai nokaeko, ako aṉa inio a niumaekeni lala vo Baṉara ko lotu qoqono sole.

1 Koriniti 7:25

Zio, ko quli me lula me rikiekake se pui ke rorotani reko poso kale avo, ta puliama bazu ada ka koa vo Lekasa Jisu kasi azo. Melai aṉata a melai bazuekou aṉako kerukeru, ni vo Baṉara ko roquelo kale aṉata a male tu lai kerumo.

Qelesia 1:13

Ni meta meda la viqe aṉako saevo koko paloasako taku keru ama, so keru aṉa Jiu mu ko lotu kale a eve keru. Aṉata a niumaniumaeke vo Baṉara ko lotu, ni a matu madoeke tu a ruvurimo vo Jisu ko lotu maba poso.

Pilipai 3:6

Ni aṉata a qati matu parani puteni lala Jiu mu ṉela ko lotu, so inio aṉata a naquemake seke tuvevo puevani vo Jisu. Ni puliala ta ota la kea aṉako saruilo vo Mosese ko Bazu ko lulueko kale.

1 Timoti 1:16

melai vo Baṉara inio akoezato saṉa o ile ti vo Jisu Karisito ta kasa o ike voko inobea taruano aṉa palopaloasia ruqea lala ko saevo kale, tu kota kama pado mamola kaqe se mainio kepa tuvevo puto amu kasi, seke kovo amu ko noqola kama saevo.

Hiburu 4:16

So sole animeta me barani puto tu me qilou vo Baṉara ko papupapu ko matu sipole sai vo o lekasa puakoi ni sai voko tauvezato sama roquano ko evakoi. Sai nio anime me qovoa koi ko sarueko poso ko akoezato ni me qeloa koi ko roquano koko tauvemelo ama anime animeko tapata keru.

1 Pita 2:10

Ako lulavo meta pui vo Baṉara ko maba poso mela, ni meta pui meba kai nianiiovi vo Baṉara ko tauvezato sama roquano, melai erisaṉa meta voko mela, ni meta me qoa voko tauvezato sama roquano sole.