1 Tesalonaika 2:3 - BAṈARA KO VAIRU AMA LEVELEVEO

³ So keru eṉe ṉe bazubazute keru mekasi eṉeko bazubazuto ta pui kama sarusaru ama quli topi ama, ni pui kama eṉeko pazopazoilo sama kerukeru sate, ni pui eṉeko kama ubeubemelo kale ama.

1 Tesalonaika 2:3 교차 참조

Iruruputo 13:15

Ni kala ta o tiromikake Mosese ko Bazu ni se poropita madu ko riki kale ama tiromo saita inio koa ilusato ko pade ko vilua pikopiko madu ta kekai soroekake nioqa ko bazu eri kikovema, “Baerebaere kidi, eṉeta ṉe baseqela qe tu qeta qe pesiovou se maba poso kasi, zuvarato ko bazubazu qe borikani qela tea, tu ko zuvarimo se,” kikelake.

Iruruputo 4:36

Ni vo Josepa ta kala Livai toutou kale ala Saipirasi udu kale o alileni ni se apositolo madu Banabasi va kikeveni. Koa ṉi ko kio ni kalo ta “Vo o zuvaratani.”

2 Koriniti 11:13

Sea maba poso ta pui tuvevo ama apositolo madu inio, seta kama lipalipa kama apositolo madu, seke lipalipaitani seko iruruputo kale ni seke edoliani tu vo Karisito ko tuvevo ama nabulu poso jaria melo ke elo.

2 Koriniti 2:17

Melai eṉeta pui kake jaria ṉela se keka zariani tu batiro kai elo seko kai bazubazuto vo Baṉara ko Bazu. Eṉeta ṉeqai bazubazutani ṉela koa Bazu vo Baṉara ko soru kale uri ama vatolo kale o ṉavi Baṉara ko tanama kale, eṉeko va nabuluputo kale vo Karisito.

2 Koriniti 4:2

So inio eṉeta pui ṉeqai bazubazutani ṉela kakoi kazo ko kuevako keve poso, eṉeta pui ṉe ubeubemani ṉela se maba poso tu ke tuvevo puto eṉeko roverove ama pesio kale ni eṉeta pui edolovo ṉe ikani ṉela vo Baṉara ko bazu. Eṉeko zakaremua kai bazuto kale ko tuveano vo Baṉara ko tanama kale eṉeta ṉe duvevo puiva kiadama maba madu ko bulo kale ama kerukeru kale.

2 Koriniti 4:5

Ako eṉeta pui ṉeqai bazubazuta ṉe ṉavi kale avo melai eṉeta ṉevai bazuta vo Jisu Karisito inio Lekasa kio, ni eṉeta meko nabulu poso ṉela vo Jisu ko kio kale sole.

2 Koriniti 6:8

Eṉeta ṉe eva raurailo kale ni qurato kale, eṉeta ṉe qoa ko zarazarato ni ṉe ilusia. Maba poso ta lipato jari ke iṉela, melai eṉeta ṉeqai pesia ko tuveano.

2 Koriniti 7:2

Roqueṉelomo eṉe. Ako puliala kala pado me azo inio eṉe ṉe jarueveni ni puliala kala inio ṉe niumaeveni eṉe ma ṉe ubeubeveni.

1 Tesalonaika 2:11

Meta meqai nianiia ta eṉeta ṉe roquemele mea kiada mela omadeuvo kala mama ta o roquema jari voko meqora poso.

1 Tesalonaika 4:7

Ako vo Baṉara ta pui opa nokaemele tu animeta me elo kuna kama quli kale melai animeta tabu me elo.

2 Tesalonaika 2:11

So sole vo Baṉara ta oma soroeka ko saruilo sama kerukeru tu kokale seta ke tuvevo pueko voa matu ruqe ala maba ko lipalipa kama quli.

2 Pita 1:16

Eṉeta lula ṉe melai bazueka me vo animevo Lekasa Jisu Karisito ko kilo pizato kale. Ni komia bazu ta pui kala ko bazubazulao bazu, melai eṉeta ṉe qeve Jisu ko ṉaṉaidara ṉe ṉaviko vilu kale.