1 Tesalonaika 1:3 - BAṈARA KO VAIRU AMA LEVELEVEO

³ Ako vo animevo Baṉara ko tanama kale eṉeta ṉe matu kerukerueka ko meko oqu ko puratikako iruruputo, ni meko roquano ko imelania matu nabuluputo, ni meko pizaka vai keru vo Jisu Karisito tu kovo ko noqola kama saevo ko imelania vinavina.

1 Tesalonaika 1:3 교차 참조

Jone 14:15

“Meta me roquelou aṉa inio meta me zorikou koa aṉako bazu poso ko erekomo ka kiavema.

Jone 15:10

Meta mebeta ziovou zoriko aṉako bazubazu, inio meta mebeta elou aṉako roquano kale, omadeuvo aṉata lula a zorika a Mama ko bazubazu, ni abeta eva voko roquano kale.

Iruruputo 10:31

ni eri kiolala, ‘Koniliasi! Baṉara ta ota ṉa viqala ṉoko vararaito ni vota ota ṉa keala ṉoko puaropuaro sama iruruputo se ozaoza kamu kasi.

Iruruputo 3:19

So sole meta liliziomo vo Baṉara kasi nio vota ota mela akoekou meko sarueko poso.

Romu 12:12

Meta zoleimo meko kai keru kale ko kilo ama saevo, ni kaitiziomo meko tapata keru, ni vararaitomo kiada keru.

Romu 15:13

Vo Baṉara, vo o katimelani anime ko keru tu me qovo ko noqola kama saevo, ta o melai avozikou me kiadama zoleilo ni bule meko vai oqu kale vo, tu koa meko keru ta ziole kobeta ziovou vo Tabu ala Auvana ko pizato kale.

Romu 15:4

Kiadama quli koko rikiziovima Tabu ama Riki topi ta ko rikiziovi tu kota ko nianiiekimelo anime, tu animeta me ṉeamuko ko noqola kama saevo ko keru, koa pizaka lojo elo kale ni koa zuvarato kale Tabu ama Riki ko katimelako.

Romu 16:26

melai erisaṉa inio kota kasa kota eva se poropita madu ko riki poso kale, ni vo saevola Baṉara ko soru ko lulueko kale kota lula zakaremu komai eva kiadama peuru ma peuru kale ama qoqono poso, tu kiadamu ta ke tuvevo puto ni ke zoripato.

Romu 16:6

Ni aṉako roquano Mere kasi koko melati matu koidipema me.

Romu 2:7

Seke erekani ko uri ta koa kalo kale inio seta ke zuatika ko ṉaṉaidara, ni raurailo, ni noqola kama saevo, ni se inio vo Baṉara o katimo amu koa noqola kama saevo.

1 Koriniti 13:13

So sole erisaṉa ta kobeta eva oqu, ni keru, ni roquano, melai roquano ta kobe qulepa koa zouke azo.

1 Koriniti 15:58

So sole a roquemelani kaka ni visi poso mela meta pizatomo, ni pataitomo. Meta riteraite emo meko va iruruputo kale animevo Lekasa, ako meta meqai nianiia ko meko va nabuluputo vo ta kiada keru ta epa sama ikio.

2 Koriniti 2:17

Melai eṉeta pui kake jaria ṉela se keka zariani tu batiro kai elo seko kai bazubazuto vo Baṉara ko Bazu. Eṉeta ṉeqai bazubazutani ṉela koa Bazu vo Baṉara ko soru kale uri ama vatolo kale o ṉavi Baṉara ko tanama kale, eṉeko va nabuluputo kale vo Karisito.

Qelesia 1:4

Vo Jisu inio o katimeleni anime voko saevo tu o akoeko animeko boutare ni o rupasimelo anime komia peuru ma peuru anime meqai evako ko ruqe ama pizato poso kale azo, ako so inio vo Baṉara ko vatolo kikovevo sole.

Qelesia 5:13

Melai a qaka ni visi poso, vo Baṉara ta o nokaemele me tu me rupasio. Melai koa meko rupasio ta pui tu meko ruqe ama zario kaqe, melai koko kio ni kalo ta meta tauvekiniomo roquano kale.

Qelesia 5:6

Ni eṉe omadeu ṉe evani ṉela Jisu Karisito sase ta ṉe baqumukani ṉela ta pui ko tauveṉela ko moveilo ni pui moveilo tu sidopu elo Baṉara ko kelokelozato kale. Ako qulepo ama quli ta oqu ikio sole, koa oqu ko kasa ko evako roquano kale.

Qelesia 6:9

So sole animeta pui me jairozo uri ereko, ako so inio animeta me qovou sole koko epa noqola kama, tutututuki ama taku kale. Sole animeta pui niaba me elo.

1 Tesalonaika 3:6

Erisaṉa ta lula o ṉelai vaita eṉe vo Timoti mekasi azo, ni o kati kueva eṉe kasi ko zoleilo sama bazu meko oqu ni roquano ko kio sama. Vota o ṉelai bazueka eṉe ko meta me matu roqueṉela eṉe meko kerukeru kale kiada keru kio ni meta me ṉela matu zaria tu ṉela lelo eṉe, omadeuvo eṉe ṉe mela zariani mela lelo me jari.

2 Tesalonaika 1:11

Sokale avo inio eṉeta ṉe melati vararaita me kiada keru. Eṉeta ṉe baseva vo animevo Baṉara tu meta me malezikou koa reketekete vo o melati nokaekema, ni vota o katimelou ko pizato tu uri ama kalo saṉa me elou ni uri ama iruruputo me erekou omadeuvo me meqa zariani jari. Meko tuvevo puevo animevo Lekasa Jisu kale avo inio meta meqa zariani mela koa uri ama kalo ni iruruputo.

2 Tesalonaika 1:3

Ṉe visi poso ni ṉe qaka poso mela, eṉeta ṉe ilusiva vo Baṉara kiada keru mekale avo. Ni kota sidopu tu eṉeta ṉe ereko koa kalo ako meko vai oqu vo Baṉara ta kota rapuka sole ni meko roquekinio melai kobeta ola rapuko sole.

1 Timoti 1:14

Ni vo Baṉara ta olai avozikake voko palopaloasi ama roquano ni vota o katilake aṉa koa oqu ni roquano ko anime me qoako so keru me duvevo pueva keru vo Jisu Karisito.

1 Timoti 2:3

Soama vararaito ta uri ama quli koko zolevako vo Baṉara animevo Pakio,

Hiburu 10:36

Meta inobe emo inio meta me erekou vo Baṉara ko vatolo ni meta me qovou ko vo lula o mela inainaekako quli tu o katimelou me ka kiolako.

Hiburu 11:17

Oqu kale inio Ebarahami ta siqasiqa kaqe o ivo kiolake vovo meqora Aisake so keru vo Baṉara o madoeve keru vo Ebarahami. Ebarahami ta kala pado maba vo Baṉara lula o kativeni ko vario ko leveleveo, melai vota o inainaoke tu vota ovai ereko ko siqasiqa vovo pado meqora kiolake.

Hiburu 13:21

Aṉata a baseva vo Baṉara vo o vaekani voko bule se maba poso ko saevo kale, tu o katimelou me kiadama uri ama quli koko tauvemelo ama tu me erekou ko quli vo oka zariako tu me ereko. Aṉata a mela zaria anime tu vo Baṉara ta o iruruputou animeko bulo poso kale vo Jisu Karisito ko pizato kale, tu animeta me erekou kiadama quli voko zolevako. Nio vo Jisu Karisito ko raurailo ta ko elou latau ṉaniu ni ka ṉaniu. Emeni.

Hiburu 4:11

So sole animeta me matu madoekou tu me qovo koa pakio ko mamazo, tu puliala ta se kekai evevoa kabao okai elou ko, ako seta ke bikobikoirate sole.

Hiburu 6:15

Ebarahami ta inobea taruano o evake ni vota o koake vo Baṉara ova inainaekema quli tu o kativo vo.

1 Pita 3:4

Ako meko tuvevo ama ileile ta pui meko tupu ko kupekupe ama, melai kota meko inobe ama ni olomoiza kama auvana poso ko ileile ikio, ko pui kopa paloaso ama. Ni koa ileile kio qulepo ama vo Baṉara kasi.

1 Jone 3:18

A meqora poso, animeko roquano ta pui pesio kale ko kiada ko elou. Melai animeko roquano ta tuvevo ama ko elou ni ko kasa puilou animeko tauvekinio kale.

1 Jone 3:21

A baerebaere poso animeko bulo pui ruqe ko elou ta pui meba ṉalou kilo vo Baṉara kasi,

1 Jone 3:3

Ni vo okai zuatani ko quli anime me elo avo so keru, ta bulebule o elou, omadeuvo Karisito ko bulebule jari.

1 Jone 5:3

Roquevo vo Baṉara ta zoriko voko bazu. Ni vo Baṉara ko bazu ta pui tapata kama anime kasi.

Kelokelozato 2:19

Aṉata aqai nianiia ko meme erekako quli, ni meko roquano, ni meko piza kama oqu, ni meko nabuluputo, ni meko inobea kai pataito ko naqunaquto. Aṉata a melai nianiia me ta ko kuleto me erekema quli ta meqai paloasa koko ereko erisaṉa.

Kelokelozato 3:10

Meta lula me zorika aṉako bazu meko inobea pataito kai elo ko naqunaquto kale, so sole aṉata a bakiemelou me kiadama tapata kale azo koko kuevako peuru ma peuru kale amu tona, tu kota ko madoemo kiadama maba madu se miduku kale ke evani.