1 Pita 5:8 - BAṈARA KO VAIRU AMA LEVELEVEO

⁸ Meta balauvomo ni vailomo, ako mevo kana Setani ta obeta lipia vo o ṉaṉarani laione jari tu o niumaemo kake maba poso.

1 Pita 5:8 교차 참조

Matiu 13:39

Ni vo kana, vo o papakani ko rabu, ta vo inio o mamola pueva vo Setani, ni koa kajoro ko taku ta ko mamola pueka komia peuru ma peuru ko paitopaito ko taku, ni se kajoro ko maba madu ta ke mamola puema se mateana madu.

Matiu 24:42

“Sole meta vailomo, ako meta pui meqai nianiia aṉa mevo Lekasa lala a vaitou keru sole.

Matiu 25:41

“Melai aṉata eri kiavou aṉako made ranamu kasi, ‘Meta levelevezia mela Baṉara kasi, tu olamo koa noqola kama uza kale vo Baṉara ova inainaekema vo Setani ni voko mateana madu!

Matiu 4:1

Nio vo Jisu ko bapitaiso ko tova, inio vo Tabu ala Auvana ta o odievake vo lealea kama zaekale tu Setani ta o zolizolievo vo.

Matiu 4:11

So sole vo Setani ta o vaevake vo Jisu ni se mateana madu ta ke kuevake tauvevole vo.

Maka 4:15

Ni kake maba poso ta koa sisu koko piako keve tona jari, so keru seke viqa keru koa bazu, vo Setani ta o kueva ni ota ma koa koa bazu.

Luke 21:34

Ni Jisu ta mata eri kiolake, “Meta vailomo! Pui kai mumuasa puilo ko ṉojola ni nozueko ko piza kama ju ni tiṉoliṉoli kai elo komia taku ama saevo ko quli, ako pui uri tu koa matuma ṉaniu ta taukavole ko melai baro

Luke 21:36

So sole meta vailomo ni ka vararaitomo kiada keru ko pizato tu meta me bakiovou kiadama ko quli ko ereivako quli kasi azo, tu meta me lojolou aṉa maba a eveni lala ko kuleto,” kiolake.

Luke 22:31

Nio Jisu ta mata eri kiolake, “Saimone, Saimone! Didiane! Setani ta lula o koala ko zariekato tu tapata kama madolo o katimelou mea kiada mela, tu vota ota mela kelo kama ruqe, omadeuvo vo papato ko maba o pitasika ko vuiti ko amu koko epa kale azo jari.

Jone 8:44

Meta vo Setani ko meqora poso mela inio, nio meta meqa zaria lulueko voa mama ko vatolo. Koko tanitanila keru azo vota o vouvaeke ko maba. Ni vota pui o vinaiva tuveano kale, ako vo tona ta puliama tuveano sole. So keru vo o lipalipata keru vota okai pesia maba o ṉaviko pesio ako vota kiadama lipalipato ko raki sole.

2 Koriniti 2:11

So inio vo Setani ta pui o zaraemelou anime, ako animeta meqai nianiia voko vatolo oka zariako ereko sole.

Epesasi 4:27

Meta pui me qativou vo Setani ko rora tu o saruemelo anime.

Epesasi 6:11

Ni kiakomo koa kiadama vo Baṉara ko vakovako so inio meta me roveovou kati pazokinio kiadama vo Setani ko vimazioputo ni ubeubezato.

1 Timoti 2:15

Melai se rekoreko ta ke pataitou seko oqu kale ama elo ni roquano ni tabu elo, ni seko inobe ama kalo kale, nio seta ke pakiovou seko kovo kale ko meqora.

1 Timoti 2:9

Aṉata mata ama zaria se rekoreko tu uria saboilo ke elo seko zarazarailo ni paṉao kale; pui seko viriviri toukale ni pui kama qolo, ni kama bavi ko toruru ni kama matuma tatabara sama suma poso.

1 Timoti 3:11

Seko reko poso melai uri ama kalo saṉa ke elou ni pui kekai pesiovou ko maba, ni seta pui ke matu nozuekou ko piza kama ju melai seta kiadavoa kerula kamu ke elo.

1 Timoti 3:2

Lotu qoqono kale ala vilua pikopiko ta kuiripato pide o elou, vota o ṉeamukou omadeu pado reko, vota o balauvani, ni o kaitiziani, ni vota inobea elola; ni vota o baroekimou se edoloma maba madu voko pade kale; ni vota bokao saṉa o elou tu o ereko ko nianiiekato;

2 Timoti 4:17

Melai vo Lekasa Jisu ta o evake aṉa sate ni vota o pizatilake aṉa, so inio aṉata a roveake kai bazuto pado ama Uri ama Bazu sea kiadamu se pui Jiu ama tanatanamu kasi tu seta ke viqo, ni aṉata a bakiake vou ko taka topi azo.

Taitasi 1:8

Melai vota kala maba o baroekiko ala ko maba o elou ni vota o roquekou ko uri. Vota kala kaitizio ko maba o elou, ni sidopu ala, ni tabu ala, ni o uria odiziani o ṉavi.

Taitasi 2:12

Koa pakiezato sama roquano ta ko bazuemela anime tu me vaeko ko kutumana kama kalo ni me ṉaviko vatolo poso, ni me balauvo tu me uria odizio me ṉavi, ni sidopu me elo animeko zorivo kale vo Baṉara komia miduku kale ama saevo kale,

Taitasi 2:2

Bazuema se lasive ama qoleqole poso tu seta inobe ni nianiio ke elou, ni ke uria odiziovou ke ṉavi; tu ke pizatou seko kai oqu kale ko tuveano, ni seko roquano kale, ni pataito kale.

Taitasi 2:4

tu ke tauvemo se vairu ama rekoreko poso tu ke roquemo seko lasive poso ni meqora poso,

Taitasi 2:6

Ni mata so jari bazuema se vairu ama maba poso tu ke uria odizio ke ṉavi.

Jemisi 4:7

So sole meta katiziomo vo Baṉara kasi. Ni meta vati kanaekiniomo vo Setani, nio vota o soqoilou mekasi azo.

1 Pita 1:13

So sole meta uria inainaomo meko kerukeru kale tu me luluevou vo Lekasa Jisu, ni kati vailomo me ṉaviko saevo, ni vinaekomo kerukerueko koa pakiezato sama roquano vo Jisu Karisito o katimelo ama voko vaito keru.

1 Pita 4:7

Koa taku kiadama quli ko ruvuro ko ta sipole, so sole meta inobe emo ni vailomo tu meta me roveovou vararaito.

Kelokelozato 12:10

Ni aṉata a viqake kama pado matuma kora mateana ko aukale vasi, eri kikolako, “Erisaṉa vo Baṉara ko pakiezato ta lula kota barola! Erisaṉa vo Baṉara ta lula kasa o ika voko pizato voko lekasa puilo kale! Erisaṉa vo o pitoeveni Pakio ta lula kasa o ika vo Baṉara o kativema pizato! Ako vo o lojeni animevo Baṉara ko kuleto ni kuiripato saṉa o imeni ipu ni ṉaniu animeko lolo poso seke tuvevo putani ta lula o ṉamui aukale azo sole.

Kelokelozato 12:12

So sole zoleimo, mea kiada mela aukale me evani mela! Melai matuma upotuqu me miduku kale ni rokasana kale me evani mela tona! Ako vo Setani ta lula o saqora mekasi, ni vota ota paloasa korakorailo, ako vota okai nianiia ta matu puju ama ikio voko taku ta kobeta eva sole.”

Kelokelozato 12:9

Nio voa matu ti matula dole ta o ṉamuike aukale azo, voa kuleto o eveni dole, voa ziolo ko kuleto ala vo Setani va kikelani, vo o lipalipaekeni ko pado ama peuru ma peuru. Vota o ṉamui miduku kale, kiadama voko mateana poso sate.

Kelokelozato 20:10

Nio vo Setani, vo o lipalipaemani se, ta ke risaevou nai sama uza ko urusana ko tiania, sai vo biaṉa ni vo lipalipa kala poropita lula ke risaekakoi. Sai nio sea zouke ke kovoa koi ko noqola kama tola ipu ni ṉaniu, latau ṉaniu ni ka ṉaniu.

Kelokelozato 20:2

Vota o saputivake vo matu dole, vo kuleto o eveni dole, voa ziolo vo Setani va kikelani, ni voa mateana ta o pirievake voa dole koa seini kale omadeu vuro sabere ko tiniavo ama taku kale.