1 Pita 5:6 - BAṈARA KO VAIRU AMA LEVELEVEO

⁶ Sole meta zarazaraimo me ṉavi vo Baṉara ko matuma pizato ko tanama kale, ni vota o tauvemelou me, ni vota o zolaemelou me o ṉavi o pitoeko ama taku kale.

1 Pita 5:6 교차 참조

Matiu 23:12

Ni vo oka zariovo ala raura elo ta zara o elou ni vo o zarazarailo ala ta raura o elou.”

Luke 1:52

Vota o saqorima se piza kama aikovakova madu seko papupapu topi azo ni o zolaema se zara kamu.

Luke 14:11

Ako vo Baṉara ta zara o ivou vo o raurarauraivani, melai vota raura o ivou vo o zarazaraivani sole,” kiolake.

Luke 18:14

Nio Jisu ta eri kiolake, “Aṉata a bazuemela me, takisi o koani nio sidopu ala Baṉara ko kelokelozato kale so keru vo o vaite keru voko pade kasi, pui Parese. Ako vo Baṉara ta zara o ivou vo o raurarauraivani, melai vota raura o ivou vo o zarazaraivani,” kiolake.

Romu 5:6

Ako so keru anime pizato pidea mela me eve keru, inio Karisito ta o mela vovi anime ruqea mela koa taku vo Baṉara o pitoekema kale.

1 Koriniti 10:22

Ma animeta meqa zaria tu vai konoilo vo Baṉara, kio? Ta animeta mevai paloasa vo animeko pizato kale, kio?

1 Timoti 2:6

vo pui opa katiziovini tu o vou kiadama maba kaqe tu vota oma tabariko seko rupasio seko ruqe kale azo. Koa voko vou ikio lula ko mamola pueke vo Baṉara ko tutututuki ama taku kale vo Baṉara ma zario kiadama maba poso tu ke pakio.

Taitasi 1:3

ni koa tutututuki ama taku kale vota kasa o ikake voko bazu kale. Ko ikio koa Uri ama Bazu vo Baṉara animevo Pakio o katilema aṉa tu aqai bazubazuto.

Jemisi 4:10

Meta zarazaraimo me ṉavi vo Baṉara ko tanama kale, nio vota o rauraemelou me.

Jemisi 4:7

So sole meta katiziomo vo Baṉara kasi. Ni meta vati kanaekiniomo vo Setani, nio vota o soqoilou mekasi azo.

Jemisi 5:10

A lolo poso mela, meta kerukeruemomo se poropita madu seke pesiovini Baṉara ko ṉikale, ni luluekomo seko inobea taruano seko tapata taku keru.