1 Pita 5:5 - BAṈARA KO VAIRU AMA LEVELEVEO

⁵ Ni koa omadeuma keve kale mea vairu ama maba poso mela ta zorimomo meko qole ama maba poso. Ni mea kiada mela ta me dauvekiniou muli seke zarazaraivani nabulu poso jari. Ako ko Tabu ama Riki kikovevo ta eri nio sole, “Vo Baṉara ta omai kaikuapou seke aikaivani, melai o katimou ko pakiezato sama roquano seke zarazaraivani.”

1 Pita 5:5 교차 참조

Luke 22:26

Melai meta pui so meba kalou, melai vo raura kala mekasi ta visi ala meqora jari o elou, ni vo kuleto ala ta nabulu jaria iruruputo o elou.

Romu 12:10

Meta matu roquekiniomo muli me ṉavi ako meta lotu tamania mela sole, ni dikidauputole paṉaekiniomo me ṉavio kude.

Romu 13:14

Melai meta emo vo Lekasa Jisu Karisito tona, ni epezomo kerukerueko meko tupu ko zario ni pui taka lulueko koko vatolo.

Epesasi 5:21

Ni meta zorikiniomo muli ako kokale inio meta meda va paṉaovou sole vo Karisito.

Pilipai 2:3

Ni meta pui me erekou kama quli muino ni aikailo kale, melai meta zarazaraimo ni tama paṉaomo se edolomu saita inio me ṉavi.

Kolosi 3:12

Me inio vo Baṉara ko mabamu mela, vo lula o pitoemeleni mela ni o roquemelani mela tu meta o ṉaviko me elo. So sole meta roquekiniomo meko tauvekinio kale, ni isuatomo, ni zarazaraimo, ni baisekiniomo, ni inobe emo.

1 Timoti 5:1

Pui riqaevo kala qole ala maba, melai ṉota ṉovo mama jaria kerukeruevo eve vo tu baise ama pesio kale vai titiovi vo. Ni ṉo visi poso jaria roquemo ni mati vailo eve se vairu ama maba madu,

Hiburu 13:17

Meta zorimomo meko lotu lekasa poso, ni erekomo ko quli seke melati soruekako me, ako se inio ke melati vailani me meko auvana ko saevo sole, ni se inio ko kilo ama ṉaniu kale ke lojo amu Baṉara ko tanama kale, tu ke kaseko seko iruruputo vokasi. Seta kevai bazuekou vo se lula ke erekako ni nonia ereko inio lula ke evani ko. So sole meta zorimomo se, tu seta ke zoleilou seko iruruputo kale, nio pui duki ke elou seko koidi kale, ako meko duki imo se ta pui kopa tauvemelou me sole.

Jemisi 4:6

Melai ko tauvezato sama roquano vo Baṉara o puarikako ta kobe kai paloasa koa ṉaloṉalo ama vatolo, Tabu ama Riki kikolani jari, “Baṉara ta seke aikaivani vo kana, melai seke zarazaraivani ta o katima ko tauvezato sama roquano.”

1 Pita 3:8

Ni tovatovama aṉako pesio kale, aṉata eri kiala mekasi. Mea kiada mela ta omadeu elo emo bule kale. Madoekomo tu mati lainikomo edolomu ko duki ni zoleilo me ṉavio kude. Ni tamania jaria roquekinio emo. Ni tauvekiniomo ni pui aikailo me ṉavio kude.

1 Pita 4:1

Vo Karisito ta o tolai voko tupu kale, so sole me melai pizatomo koa omadeuma kerukeru vo Karisito ko jari ama kale, ako vo lula o tolaivani tupu kale ta pui opa erekou ko sarueko sole.

1 Pita 4:5

Melai seta ke uria kasa puekou seke erekako ruqe Baṉara kasi voko titizato ko ṉaniu kale, vo lula o inainaovani tu o titizimou se saevomu ni se lula ke vovini.