1 Pita 5:2 - BAṈARA KO VAIRU AMA LEVELEVEO

² tu meta mati vailomo vo Baṉara ko lotu qoqono vo Baṉara o katimeleni omadeuvo vo vailo ko maba ta o matu kati vaila ko sipi jari, ako se inio meko koidi madu sole. Ni zarizari emo ni pui me lupaovou mati vailo se, ako ko ikio vo Baṉara oka zariako sole. Ni meta erekomo koa koidi pui takula ko kai zario kale, melai meko tuvevo ama vailo ko zario kale.

1 Pita 5:2 교차 참조

Luke 12:32

Ni vo Jisu ta mata eri kiolake voko disaipeli madu kasi, “Meta pui ṉalo, mea silo ama rovaṉa sipi jaria mela, ako mevo Mama ta ota zoleiva tu o lekasa puemelou me o ṉaviko lekasa puo jari.

Iruruputo 20:29

“Ni aṉata aqai nianiia ta aṉako tova, ta kade ama piru siele jari ama maba poso ta ke kilou mekasi tu ke madoeko ruvurimo meko rovaṉa.

Iruruputo 21:13

Melai vota eri kiolake, “Noi sole inio meta meda zia ni upotuqu meda la ika aṉako bulo? Aṉata a inainaova tu pui aba piriziovou pala Jerusalema melai vou melai a bikou vo Lekasa Jisu ko ṉikale avo,” kiolake.

Romu 1:15

Sokale avo inio aṉata aqa matu zaria so jaria kai bazuto komia Uri ama Bazu me Romu peuru kale me evani mela kasi.

1 Koriniti 9:7

Me inio me male tu katiqelo eqe saevo ko korotikako quli. Ako puliala pazokinio ko maba nio o tabarikani o ṉaviko tabara. Ni puliala kiaromato ko maba inio pui o roveani kuo koa vaini ko epa o ṉavi o papakema. Ni puliala sipi o kati vailani maba inio pui o koani o ṉaviko sipi ko susu.

1 Timoti 3:3

vota pui o nozuekou ko piza kama ju tu kota sarube ko ivo vo, ni pui o niumaniumaemo se edoloma maba madu, melai o baisemo ni bule o elo; vota pui o roqueko ko takula.

1 Timoti 3:8

Ni so jari nio mata se lotu qoqono ke pitoemani tauvezato ko maba madu ta uri ama kalo saṉa ke elo, ni seta pui matu nozueko ke elo ko vaini ko ju, ni pui keka zario ko takula pui sidopu ama keve kale ke koako.

Taitasi 1:11

Ṉota maba ṉoda ma dokolikou seko pesio, ako seta upotuqu ke ima sea pado ama saidi poso sole seko mai nianiiekiko kale ko quli ko pui ko male ama nianiiekato, seko takula ko kovo ko zario kale. Ni so kebe kava melai seta pui kekai qurata.

Taitasi 1:7

Ako vo lotu tanala ta o kati vaila vo Baṉara ko iruruputo sole, so inio vota maba kuiripato pide ala o elou. Vota pui o aikailou ni pui taukavole o korakorailou ni pui o vuatou ko piza kama ju tu kota sarube ko ivo vo, ni pui o niumaniumaemo se edoloma maba madu, ni pui oka zario voko koidi tu okai kovo ko takula.

Taitasi 2:14

Vota o katiziovi tu o vou anime kaqe, tu o mela tabariko animeko rupasio kiadama ruqe kale azo ni o saqaemelo anime tu o ṉaviko qoqono mela me elo ni dikidauputole me ereko ko uri.

Taitasi 3:1

Mai kerukerue ṉoko maba poso tu ke uria zorimou se lekasa poso ni se matuma maba poso, ni keka zariovou ereko ko uri kiadama keve kale.

Pilimone 1:14

Melai aṉata pui aqa zaria tu aṉako noqoevo vo ta ko zuruzurueṉo ṉo tu ṉota ṉo dauvelou aṉa. Aṉata aṉa zaria ṉo tu ṉo erekou ko ṉo ṉaviko vatolo kale sole. So inio aṉata pui aba erekou kama quli ko ṉo pui ṉoqa zariovo ama.

Hiburu 12:15

Balauvomo tu puliala ta o liliziovou Baṉara ko pakiezato sama roquano kasi azo. Ni vailomo tu puliala ta o pasopasoilou, ako koko epamata keru ta ko pasopasoilo ta kubo tapata ko ereka seke tuvevo putani kasi ni ko niumaeka seko saevo.

2 Pita 2:3

Ako nia lipalipa kama nianiiekato ko maba madu ta keta mela zaria pala inio sole meko takula. Nio seta ke lipalipaemela pui tuvevo ama bazu kale. Melai Baṉara ta lula omai kuirika se. Ni seta pui kepa tava lapasou vo o niumaemo ala se.