1 Pita 4:8 - BAṈARA KO VAIRU AMA LEVELEVEO

⁸ Melai ko matu qulepako quli ta roquekiniomo muli meko pado ama bulo kale. So inio meta me mati odouvikiniou kiada keru meko lolo poso seke sarueko amu mekasi.

1 Pita 4:8 교차 참조

1 Koriniti 13:1

Esa aṉata a roveovou tu kai pesio se maba madu ni mateana madu ko pesio, melai puliama aṉako roquano tea, aṉata omadeuvo ko ota kama belo ko kelakelato jari nio.

1 Koriniti 13:4

Se maba poso ke roquanani ta nodenode amu ni baise amu; seta pui ke konoivani ni pui ke aikaivani ni pui ke raurarauraivani.

Kolosi 3:14

Kiadama koa uri ama kalo poso ta kai iruruputomo roquano kale, ko omadeu tubo ko iko ama koa kiadama, tu pulia quli ta ko niumaekou meko omadeu elo.

1 Tesalonaika 3:12

Animevo Lekasa inio o rapukikou meko roquekinio me ṉavio kude ni meko roquemo kiadama maba poso, tu kota ko kati ijatinia puekiniou eṉe ṉe imelania roquemelo me.

2 Tesalonaika 1:3

Ṉe visi poso ni ṉe qaka poso mela, eṉeta ṉe ilusiva vo Baṉara kiada keru mekale avo. Ni kota sidopu tu eṉeta ṉe ereko koa kalo ako meko vai oqu vo Baṉara ta kota rapuka sole ni meko roquekinio melai kobeta ola rapuko sole.

1 Timoti 1:5

Aṉata a bazueṉa ṉo tu dokolima se, ako aṉata aqa zaria tu sea lotu qoqono ta ke roquekinio rurubiatana kama bulo kale, ni uri ama vatolo kale, ni tuvevo ama oqu kale.

Hiburu 13:1

Mea lotu tamania me evani mela vo Karisito kale, meta pui epezo roquekinio.

Jemisi 5:12

Matuma quli a melai bazuekou ta komi kio, a lolo poso mela, meta pui me erekou ko kejo so keru meme qasekou keru meko tuveano. Pui kejo kai ereko ko au ni miduku ni mata kama lomaloma. Melai meta “Zio” pala kiomo ni “Pui” pala kiomo meko tuveano kaseko kale, ako meta tuveano ko maba poso mela sole. So inio meta pui me qovou vo Baṉara ko titizato.

Jemisi 5:20

voa maba vo o lilivani kala maba voko sarueko kale azo, vota o pakieva voa sarueko sala maba heli kale azo, ni kubo sarueko poso ta ko akoilou.

1 Pita 1:22

Meta lula bulebule me evani mela vo Baṉara ko tuveano ko zoriko kale, tu me roquemou meko lolo poso lipalipa pide ama roquano kale. So sole roquekiniomo muli tuvevo avole meko bulo kale.

3 Jone 1:2

A baerebaere, aṉata aṉai nianiia ta ṉota ṉobeta uria pizata ṉoko auvana kale. Ni aṉata a ṉati vararaita tu ṉota ṉo uria elou kiadama quli kale ni ṉoko saevo melai uri ko elou.