1 Pita 4:11 - BAṈARA KO VAIRU AMA LEVELEVEO

¹¹ Ni vo o bazubazuto ala ta okai bazubazutou vo Baṉara ko bazubazu. Ni kala o tauvezato ala ta okai tauvezatou koa pizato vo Baṉara o kativo ama. So keru meme ereka keru komia kiadama quli meta mevai rauraeka inio vo Baṉara. Vo Jisu Karisito inio o bokerimelani me tu me ereko ko quli, ni voko ikio ko ṉaṉaidara ni pizato paito pide ama. Emeni.

1 Pita 4:11 교차 참조

Matiu 6:13

Ni pui vaeṉelo eṉe zolizolito kale, melai pakieṉela eṉe Setani ko ruqe ama pizato kale azo. Emeni.’

Jone 13:31

Ni lula vo Jiudasi o vaemake se saita inio Jisu ta kasavole eri kiolake, “Erisaṉa aṉa maba a eveni lala ko ṉaṉaidara ta ko puratou, ni vo Baṉara ko ṉaṉaidara ta piza kavole ko puratou aṉa kale kude.

Iruruputo 7:38

Vo inio vo vo o eveni Izireli ama qoqono sase seko padoilo kale lealea kama zaekale, vo inio sai o eveni animeko taite poso sase ni voa mateana sase vo o pesiovini Sainai sopu kale, ni vo inio o koeni vo Baṉara ko saevoma bazu ni vo o melai vikuekeni anime.

Romu 11:36

Ako vota lula o ereke kiadama quli, ni kiadama quli ta kobeta eva vokale tu kota voko. Sole animeta me ṉaṉaidara puevou vo Baṉara latau ṉaniu ni ka ṉaniu! Emeni.

Romu 12:3

Ako vo Baṉara ko roquano sama puaro vo o katilako aṉa kale ta eri kiala mea kiada mela kasi: Meta pui aikailo me ṉavi melai meta zarazaraimo meko kerukeru kale, vo Baṉara o katimelako oqu ko malezikako kale.

Romu 16:27

Voa omadeu pado Baṉara, vo okai nianiiani kiadama quli, ta ṉaṉaidara me ivou vo Jisu Karisito kale latau ṉaniu ni ka ṉaniu! Emeni.

Romu 3:2

Tuvevo kota matu uri ama quli tu Jiu elo! Ako se Jiu amu inio vo Baṉara o mati keruini o ṉaviko bazubazu sole.

1 Koriniti 10:31

Zio, melai koa kiadama quli meme erekako, ni meme quako ni me nozuekake quli kale, meta vai ṉaṉaidara puekomo vo Baṉara kiada keru.

1 Koriniti 12:4

Tabu ala Auvana ta o puarika azaazama iruruputo ko pizato, ni voa omadeu pado Auvana inio o puarikani koa pizato.

1 Koriniti 3:10

Aṉata ava irurupute vo Baṉara koa bokao vo o katilema kale ni aṉata a dauvemele me tu mevai oqu vo Jisu, omadeuvo kala roverove ala pade ko ereko kale ta o ereka ko piza kama lado vola jari. Ni erisaṉa edolola maba Apolosi inio o nianiiekatani mekasi omadeuvo kala maba vo o padematani koa vola topi jari. Melai animea kiada mela ta meva iruruputa vo Baṉara tu me dauvekinio voko qoqono kalea mela omadeuvo kala maba vo o orumukani ko pade jari. So sole animea kiada mela ta uria korokoroti me ikou animeko iruruputo.

1 Koriniti 6:20

Ako meta lula o tatabaraemeleni mela vovo Meqora ko voukale. So sole meta vai ilusikomo vo Baṉara meko saevo.

2 Koriniti 2:17

Melai eṉeta pui kake jaria ṉela se keka zariani tu batiro kai elo seko kai bazubazuto vo Baṉara ko Bazu. Eṉeta ṉeqai bazubazutani ṉela koa Bazu vo Baṉara ko soru kale uri ama vatolo kale o ṉavi Baṉara ko tanama kale, eṉeko va nabuluputo kale vo Karisito.

2 Koriniti 9:13

Ako komia iruruputo ko meme erekako ta koma puratika meko roquano ko tuveano, so inio sea kubo madu ta ke ṉaṉaidara puevou vo Baṉara meko uria lulueko kale vo Karisito ko Uri ama Bazu meko iruruputo kale ni pui meko pesio kale pala. Ni seta keva ilusikou vo meko puaropuaro elo sekasi ni so jari edolomu kasi.

Epesasi 1:19

Ni meta meqai nianiiovou ta vo Baṉara ko pizato ta matuma anime me duvevo putani mela kasi. Ako koa pizato koko tauvemelako anime ta matu piza kama sole,

Epesasi 4:29

Ni so keru me besiovou keru ta pui me rukuekou ko maba ko niumaeko ama pesio. Melai me qasekou ko quli ko uri ko imo ama ni ko pizatimo ama edolomu. So inio ko quli meme qaseko ama quli ta ko tauvemou seke didiemelani me.

Epesasi 5:20

Ni vo Lekasa Jisu Karisito ko ṉikale meta kativomo meko uriavo kiadama quli kale avo vo Baṉara animevo Mama.

Epesasi 6:10

So sole meta pizatomo meko omadeu vati elo kale animevo Lekasa voko pizato kale.

Pilipai 1:11

ni so inio vo Karisito ta o tauvemelou me ni meta me erekou kubo sidopu ama quli tu meta ṉaṉaidara me ivou ni me ilusivou vo Baṉara.

Pilipai 2:11

ni eri kikevou, “Jisu Karisito ta animevo Lekasa inio,” kikevou. Ni so inio kiadamu ta ke rauraevou vo Mama Baṉara.

Kolosi 4:6

Meko pesio poso ta bule ama ni korokoroti ama ko elo, ni meta paqumukomo katimo se maba madu meko korotoma opato.

1 Tesalonaika 2:4

Soama quli taka lapaso kale eṉeta ṉeqai pesia kiada keru vo Baṉara eṉe o ṉelai zariani jari, ako vota lula o uria madoeṉela ti o ṉelai kerua tu eṉeta ṉeqai bazubazuto koa Uri ama Bazu. Ni kokale eṉeta pui ṉeqa zaria zolemo se maba poso, melai vo Baṉara inio ṉeva zaria zolevo, vo o madoekani eṉeko kerukeru.

1 Timoti 1:17

Me ilusivou ni ṉaṉaidara puevou vo noqola kala ni paito pide ala ni mutamuta kale ala Aikovakova, vo omadeu pado Baṉara latau ṉaniu ni ka ṉaniu! Emeni.

1 Timoti 6:16

Vo o kiada ta o saevani ni pui opa vouvo ala, ni o evani koa simanamana kale ko puliala o roveako kelo. Puliala maba ta lula o vea vo, ni puliala maba ta o rovea velo vo. Animeta me rauraevou vo noqola pizato sala! Emeni.

Taitasi 2:1

Melai ṉota mai nianiiekika ko tuvevo ama lotu ko nianiiekato.

Taitasi 2:15

Kai nianiiekate komi quli poso ṉoko zuvarimo ni riqaemo kale se ṉo ke didieṉani. Ṉota kai nianiiekate ṉoko pado ama pizato Baṉara vo nabulu ṉa ko, ni pui zariemo kake tu ke zarazaraeṉo.

Hiburu 13:7

Kerukeruemomo sea kuleto ama odikato ko maba poso seke kasekeni vo Baṉara ko bazu mekasi. Kerukeruekomo seke evevoa saevo ni vou, ni tuvevo puevomo vo Baṉara seke ivevoa tuvevo puevo vo jari.

Hiburu 5:12

Erisaṉa meta lula ko male tu nianiiekato ko maba elo, melai meta pui nio me ereka. Edolomu inio kebe melai nianiiekika ko kuleto ama bazu poso vo Baṉara ko bazubazu Jisu kale avo. Meta me male kuo ko zokele ama sailao se muqaroma maba poso jari, melai meta mebeta nozuta ko susu.

Jemisi 1:19

Lolo poso, me a roquemelani mela, meta kerukeruekomo komi quli! Kiada mela meta dikidauputole viqomo, melai pui jijiro pesio elo ni pui kapi avole korakorailo.

Jemisi 1:26

Esa kala ta o kerukeruta ta vota lotu maba inio, melai pui o kati vailou voko lenio, ta voko lotu saevo ta pui ko malezia ni vota ota saruiva.

1 Pita 2:12

Ako se maba poso pui ke tuvevo putani ta iniseana sole meko levoano kale. Ni se inio ke mela kuirikani meta ruqea mela kikelani. So sole meta kai saevomo ko uri ama saevo meko elo kale sekasi, tu seta ke kelou meko uri ama iruruputo. So inio koa ṉaniu vo Karisito o vaitou keru seta kevai ilusikou vo Baṉara koa meko uri ama iruruputo se erisaṉa ruqe ama quli ka kikelako.

1 Pita 2:5

Ni me melai saevoma lado jaria mela, sole meta katiziomo me ṉavi tu vo Baṉara ta o orumumelou me tu auvana kale ama Jelepade jari me elou. Ni meta mata koa Jelepade kale ama tabu ama siama madu jari me elou, tu me qativou vo Baṉara meko auvana kale ama siqasiqa. Ni vo Baṉara ta okai zoleiva koa meko siqasiqa jaria ilusivo vo, ko me Jisu Karisito ko vou ko kio kale me erekako.

1 Pita 4:10

Ako meta me qoani mela sole vo Baṉara ko azaazama puaro. Ni vo Baṉara inio o mela kaseke me voko tauvezato sama roquano voko katimelo kale koa azaazama puaro. Ni meta nabulu poso jaria mela koko raki meda ka evani mela kai iruruputo Baṉara ko puaro. So sole mea kiada mela ta uri ama nabulu emo ni kai iruruputomo me ṉaviṉavi ko puaro tu kai tauvekiniomo me ṉavi.

1 Pita 4:16

Melai meta me ditiziovou ni me dolailou meko Karisito ko lotu maba elo ko kio kale ta, meta pui qurato melai meta vai ilusikomo vo Baṉara meko melai nokailo vo Karisito ko ṉi.

1 Pita 5:11

Ako vo Baṉara ko ikio koa pizato sole, latau ṉaniu ni ka ṉaniu! Emeni.

Jiudi 1:25

vo omadeu pado animevo Pakio Baṉara kasi, vo Jisu Karisito animevo Lekasa kale kude, ta ko elou ko ṉaṉaidara, raurailo, lekasa puo, ni naizato, koko tanitanila keru azo ama, ni erisaṉama, ni latau ṉaniu ni ka ṉaniu! Emeni.