1 Pita 4:10 - BAṈARA KO VAIRU AMA LEVELEVEO

¹⁰ Ako meta me qoani mela sole vo Baṉara ko azaazama puaro. Ni vo Baṉara inio o mela kaseke me voko tauvezato sama roquano voko katimelo kale koa azaazama puaro. Ni meta nabulu poso jaria mela koko raki meda ka evani mela kai iruruputo Baṉara ko puaro. So sole mea kiada mela ta uri ama nabulu emo ni kai iruruputomo me ṉaviṉavi ko puaro tu kai tauvekiniomo me ṉavi.

1 Pita 4:10 교차 참조

Matiu 20:28

Omadeuvo jari aṉa maba a eveni lala ta pui aba kuevi tu maba poso ta kela iruruputo, melai aṉata a quevi tu aṉa inio nabulu ama elo maba poso, ni aṉata ama vouvou tu a bakiemou se,” kiolake vo Jisu.

Matiu 24:14

Ni komia Uri ama Bazu vo Baṉara ko lekasa puo ko ta kekai bazubazutou komia peuru ma peuru kale tu kiadamu ta ke roveovou viqo. Sai kazo inio peuru ma peuru ta ko ruvurou,” kiolake vo Jisu.

Matiu 24:21

Ako komia tapata ta matu ruqe ama ko elou kobe kai paloasou kiadama lulavo ama tapata, vo Baṉara o ereke keru azo komia peuru ma peuru ti kobeta baroa vairutu. Ni tova ta mata pui kopa ereilou soama quli.

Matiu 24:45

Ni Jisu ta mata eri kiolake, “Sole lala inio kerula kala ni nianiiola nabulu? Vo raura o iveni vovo lekasa, tu o mati vailou koa pade kale ke iruruputani ni oma puarikou ko sailao koa korokoroti ama vuato ko taku kale.

Matiu 25:17

Omadeuvo jari voa nabulu vo o kativeni omuqa vuro takula vota mata o koake kama omuqa vuro takula.

Matiu 25:44

Ni seta eri kikevou aṉa kasi, ‘Lekasa, noi keru inio eṉeta ṉe ṉeve ṉoko luapo, ni kabare elo, ni lipilipito ni solemauru elo ni verepo ni pirito pade kale elo, ni pui ṉeba tauveṉe?’ kikevou.

Maka 10:45

Omadeuvo jari aṉa maba a eveni lala ta pui aba kuevi tu maba poso ta kela iruruputo melai aṉata a quevi tu aṉa inio nabulu ama elo maba poso, ni aṉata ama vouvou tu a bakiemou se,” kiolake vo Jisu.

Luke 12:42

Nio vo Lekasa Jisu ta o tiorizatake, ni eri kiolake, “Lala inio vo kerula kala ni nianiiola nabulu? Vo raura o ivo ala vovo lekasa, tu o mati vailo koa pade kale ke iruruputani ni oma puariko ala ko sailao koa korokoroti ama vuato ko taku kale.

Luke 19:13

Nio puliako vo zio, vota o nokaemake toni voko nabulu madu ni vota omai okotikake katimo sea kiadamu omaomadeu ko qolo seleni, ni eri ma kiolake se, ‘Meta kai iruruputomo ni mata kai komo kama seleni aṉa zio maqa,’ kiolake.

Luke 8:3

ni Joana, Kuza ko reko Herodi vo raura kala nabulu, ni Susana, ni mata kubo rekoreko, se kemai tauvekeni Jisu ni voko disaipeli madu seko lomaloma ni seleni.

Romu 15:25

Melai erisaṉa aṉata ada ola Jerusalema peuru kale tauvemole vo Baṉara ko qoqono sai ke evani.

Romu 15:27

Ke ṉaviko vatolo kale inio ke ereke ko; melai koko tuveano ta seko koidi ikio tu ke tauvemo se. Ako se Jiu amu ta lula ke puarike ko Auvana kale ama mauruto se pui Jiu amu kasi, so sole se pui Jiu amu ta ke male puariko ko lomaloma ko mauruto tu ke tauvemo se Jiu amu.

1 Koriniti 15:10

Melai vo Baṉara ko pakiezato sama roquano kale ta apositolo inio o ila aṉa, ni voko apositolo ilo aṉa ta kalo sama. Ako aṉata a matu iruruputa ni aṉata aqai paloasa mata sea kiadama apositolo madu ko iruruputo sole. Melai koko maba tuveano ta kota pui aṉako pizato kale inio aṉata a ereka koa iruruputo, melai vo Baṉara ko pakiezato sama roquano kale ko kuevako pizato ikio.

1 Koriniti 3:10

Aṉata ava irurupute vo Baṉara koa bokao vo o katilema kale ni aṉata a dauvemele me tu mevai oqu vo Jisu, omadeuvo kala roverove ala pade ko ereko kale ta o ereka ko piza kama lado vola jari. Ni erisaṉa edolola maba Apolosi inio o nianiiekatani mekasi omadeuvo kala maba vo o padematani koa vola topi jari. Melai animea kiada mela ta meva iruruputa vo Baṉara tu me dauvekinio voko qoqono kalea mela omadeuvo kala maba vo o orumukani ko pade jari. So sole animea kiada mela ta uria korokoroti me ikou animeko iruruputo.

1 Koriniti 4:7

Ako lala inio raura o iṉe ṉo edolomu kasi azo? Ni pui vo Baṉara inio o katiṉeni ṉo kiadama quli ko ṉoṉo ṉeamukako quli, kio? Zio, vokasi azo inio ṉo qoe koa kiadama, nio noi sole inio ṉota ṉoda aikaiva, ni ko quli ṉoṉo ṉeamukako ta pui katizato jaria kerukerueko ṉo eva?

2 Koriniti 6:1

Vo Baṉara ko tauvezato kale eṉeta ṉe basema se maba poso tu ke vati odouvikinio vo. Ni eṉeta ṉe basemela me me lula me qoani mela vo Baṉara ko pakiezato sama roquano tu meta pui me niumaekou ko.

2 Koriniti 9:1

Pui koko maba male ikio tu aṉata a dova rikieko mata mekasi koa tauvezato ko kio ni kalo koko soroilo ama vo Baṉara ko maba madu kasi se Jiudia peuru poso kale ke evani ozaoza kamu kasi.

Epesasi 3:8

Ako aṉa inio matu zara kalala sole se vo Baṉara ko maba madu kasi azo. Melai vo Baṉara ta o katilake aṉa komia puaro; vota o katilake komia sake tu aṉa inio amai bazuekoa lala se pui Jiu amu vo Karisito ko aqasiele ama Uri ama Bazu, ko puliala opa roveovo ama podetiko.

Epesasi 4:11

Ni vo inio o katimeni maba poso seko puaro. Kake ta apositolo, kake ta poropita, ni kake ta ke taliekani ko Uri ama Bazu, ni kake ta lotu qoqono ko odikato ni nianiiekato ko maba poso.

2 Timoti 1:18

Ni ṉota ṉoqai uria nianiia voko matuma tauvezato vo o erekema aṉa kasi sai Epesasi peuru kale. Sole vo Lekasa ko odouvo sama roquano ta ko elou vo tona koa Titizato ko Ṉaniu kale!

Taitasi 1:7

Ako vo lotu tanala ta o kati vaila vo Baṉara ko iruruputo sole, so inio vota maba kuiripato pide ala o elou. Vota pui o aikailou ni pui taukavole o korakorailou ni pui o vuatou ko piza kama ju tu kota sarube ko ivo vo, ni pui o niumaniumaemo se edoloma maba madu, ni pui oka zario voko koidi tu okai kovo ko takula.

Hiburu 6:10

Ako vo Baṉara ta matu sidopu ala kiadamu kasi. Vota pui ukaka opa ikou meko iruruputo ni ko meme buratikema roquano meko tauvemo kale lula ni erisaṉa vo Baṉara ko qoqono voko ṉikale.

1 Pita 5:10

Tuvevo meta me dolailou matu puju ama taku kale. Melai vo Baṉara ta o matu roquemelani me, ni vota lula o nokaemelani me tu meta meqai zomanou voko noqola kama ṉaṉaidara vo Karisito ko mela voukale. Ni meko tolailo ko tova vota o korotimelou me ni o zaubarimelou me, ni o pizatimelou ni o vinaemelou me.

1 Pita 5:12

Aṉata a rikieka komia puju ama riki mekasi Sailasi ko tauvelo kale. Ni aṉata avai nianiia ta vota kala pado animevo tamania kale ala kerula kala vo Jisu Karisito kale. Aṉata a mela rikita me tu a zaubarimelo me ni a melai bazueko ko quli aṉa a uria kai nianiiako quli, ako komi ta tuvevo ama vo Baṉara ko tauvezato sama roquano sole. So sole meta pataitomo koa tauvezato sama roquano kale.