1 Pita 3:7 - BAṈARA KO VAIRU AMA LEVELEVEO

⁷ Ni koa omadeuvo jari mea lasive poso mela ta me uria kerukeruemou ni omadeu elo me mati elou meko reko poso meko roroto ko saevo kale. Meta meda ma paṉaovou se, ako seta mekasi azo lekuleku amu sole. Melai Baṉara ta o katima se koa omadeuma leveleveo me o katimelako jari ama, tu se ni me ta me qovou koa tuvevo ama saevo paito pide ama voko roquano kale o puariko ama. Meta me erekou komi quli, so inio pulia quli ko tizaekou meko vararaito.

1 Pita 3:7 교차 참조

Matiu 18:19

“Aṉata mata a bazuemela me, kainioqa ta omadeu vatolo qo elou ni qo pasekou kama quli ta aṉavo aukale ala Mama ta o kati tiorikou ko quli ko nioqa qo pasekako quli.

1 Koriniti 7:3

Vo maba ta o korotiko voko koidi tanala lasive ko, ni ko reko melai ko korotiko koko koidi tanama reko ko, tu nioqa kiada nioqa ta qokai puarikiniou nioqako saqe ko kalo.

Epesasi 3:6

Ni komi kio koa mutamuta kama vatolo: se pui Jiu amu ta se Jiu mu sate amu vo Baṉara ko mauruto kale, ni sea kiadamu ta omadeuvo ko omadeuma tupu kale ama kata poso jari amu ni ke kovou koa omadeuma leveleveo vo Baṉara o erekema vo Jisu Karisito kale.

Epesasi 4:30

Ni meta pui duki me ivou vo Tabu ala Auvana, ako vo inio vo Baṉara vo mamola me o melai ṉeamukani sole. Ni vo Baṉara ta o katimele me voa Auvana tu kasa o ikou ta vo Baṉara ta o rupasimelou me komi ko kuevako taku kale.

Epesasi 5:33

Melai kota mata ko kaseiva mekasi: so sole kiadama tanama lasive poso mela ta me roquemou meko tanama reko poso me ṉavi me roquiva jari, ni kiadama tanama rekoreko poso mela ta meda ma paṉaovou meko tanama lasive poso.

Epesasi 6:18

Ni meta matu vararaitomo Tabu ala Auvana kale kiada keru, tu pasekomo vo Baṉara ko tauvezato. Ni kokale inio meta inaina kamela me elou kiada keru. Ni pui me epezou vararaito melai meta me mati vararaitou kiadama vo Baṉara ko maba madu.

Kolosi 3:19

Ni me tanama lasive poso mela, meta roquemomo meko omaomadeu reko poso, ni meta pui mai karaṉo se.

1 Tesalonaika 4:4

Mea kiada mela ta paqumukomo tu uria emo me ṉaviṉavi ko reko kasi tabu ama rauraekinio ko keve kale,

Taitasi 3:7

tu voko pakiezato sama roquano kale animeta sidopu me elou Baṉara ko kelokelozato kale ni animeta me ṉeamukou ko noqola kama saevo ko meqai zuatako.

Hiburu 1:14

Sole loma madu inio se mateana madu? Sea kiadamu inio se auvana madu se keva nabuluputani pala vo Baṉara ni ke Soroini vokale tu ke tauvemo seke koani ko pakio.

1 Pita 3:1

Ni koa omadeuma kalo kale inio me rekoreko poso mela ta me zorimou meko lasive poso. So inio meko lasive poso ta pui kebe tuvevo puekou vo Baṉara ko Bazu melai meko uri ama kalo kale inio meta me lilimou se tu seta ke zorikou vo Baṉara ko Bazu, pulia quli mebe kasekou melai.