1 Pita 3:21 - BAṈARA KO VAIRU AMA LEVELEVEO

²¹ Koa ju ko kalo ta bapitaiso jari, ni meko bapitaiso puilo kale inio Baṉara ta o pakiemela me komia taku kale. Melai koa bapitaiso ta pui meko tupu kale ama kaqa tamela ṉamuko kaqe inio, melai kota meko uri ama upo kale ama lilizio vo Baṉara kasi ama. Ni koa kiadama ta so, ako vo Jisu Karisito ta o saeve sole voukale azo,

1 Pita 3:21 교차 참조

Matiu 28:19

Tu meta olamo kiadama maba poso kasi kiadama peuru ma peuru kale, tu aṉako disaipeli imomo se, ni bapitaiso imomo se vo Mama, ni vo Meqora, ni vo Tabu ala Auvana ko ṉikale,

Maka 16:16

Ni vo tuvevo o iko ala koa Uri ama Bazu ni bapitaiso o elo ala nio o pakiovou. Melai vo o kapakapato ala ta Baṉara inio o titizivou vo.

Jone 13:9

Nio so keru Saimone Pita o viqa keru koa pesio pado inio vota eri kiolake vokasi, “Koe, Lekasa, so ko kalou ta pui tala pusae aṉako kiti pala, melai ṉota tala pusae aṉako omuqa ṉase ni so jari a lezu!” kiolake.

Iruruputo 16:33

Ni koa taku kale koa ipu inio vo pirito pade o kati vailani ta o odiekake nioqa ni ota ka pusaekake nioqa ko tabi, ni vo ni kiadamu voko pade kale ke evani ta maba koa taku kale inio bapitaiso keta evake.

Iruruputo 2:38

Nio Pita ta eri kiolake sekasi, “Mea kiada mela ta liliziomo muli meko sarueko poso kasi azo ni bapitaiso puimo vo Jisu Karisito ko ṉikale, nio meko sarueko poso ta kota mela akoilou; ni meta me qovou vo Baṉara ko katizato, vo Tabu ala Auvana.

Iruruputo 22:16

Ni erisaṉa ta noi sole inio ṉoda taruana? Zolai ni bapitaiso eve ni ṉoko sarueko poso ta kota ṉa jareruilou ṉoko vararaito vo Lekasa Jisu kasi ama kale,’ kiolake.

Iruruputo 8:36

Nio nioqako lulueko kale koa keve inio nioqata qo baroake kala pado zaekale ju ko evakoi, nio voa raura kala maba ta eri kiolake, “Kota ju. Ikoana kama quli koko tizaeko ama aṉako bapitaiso elo?” kiolake.

Iruruputo 8:37

Ni vo Pilipi ta eri kiolake vokasi, “Ṉota ṉo duvevo puevou vo Jisu ṉoko pado ama bulo kale inio ṉota ṉo roveovou bapitaiso puilo,” kiolake. Nio voa maba ta o vati tiorikake, “Aṉata a duvevo pueva vo Jisu Karisito ta vo inio vo Baṉara vo Meqora,” kiolake.

Romu 5:14

Melai vo Adami ko taku keru azo ti kobeta baroi Mosese ko taku keru ta ikoana ko vou ko pizato kiadamu tona, ti kobe mai baroi se pui vo Adami jaria sarueko kepa eveni kasi so keru vo o bikoirike keru vo Baṉara ko bazu. Adami nio kala mamola o eveni vovo tova o kuevini vo.

1 Koriniti 12:13

So sole so keru anime bapitaiso me eva keru inio voa omadeula Auvana ta omadeu pado qoqono o imele animea kiada mela; Jiua mela melai, pui Jiua mela melai, mabaku mela melai, pui mabakua mela melai. So inio animeta omadeuvo voko tupu jaria mela, ako voa omadeu pado Auvana inio o puariziovini animea kiada mela kasi sole, tu animeta me bizato vokale.

1 Koriniti 4:6

A qaka ni visi poso, aṉata a rikieka komi quli a ṉavi ni Apolosi ko kaseqelako quli tu a dauvemelo me tu eqeta meko mamola jari qe elo, tu eqe kale meta me vakakatou ko bazu ko kasekako quli, eri kikolako, “Meta luluekomo ko korokoroti ama bazu poso.” Puliala ṉa ta ṉovai rauraraurailou kala maba mata kala kasi azo.

2 Koriniti 1:12

Aṉata ada zoleiva ako aṉako kerukeru kale aṉa a qaevo komia peuru ma peuru kale ni mekasi ta matu tuvevo ama ni sidopu ama vo Baṉara ko vailo kale. Pui peuru ma peuru ko lipalipa kama nianiio kio aba lulueke aṉako kalo kale, melai vo Baṉara ko pakiezato sama roquano ikio kasa ama ikake se maba poso aṉako kalo kale.

2 Koriniti 7:1

A lolo poso mela, ta vo Baṉara ta lula leveleveo o mela ika anime ta vota animevo Mama ni vota anime sate o elou. So sole erisaṉa animeta me epezou ereko kiadama ruqe ko anime kaqa ko imelako vo Baṉara ko vilu kasa, ni animeta tuvevoa tabu me elou animeko tava paṉao kale vo Baṉara.

Qelesia 3:27

Ako me bapitaiso me eveni mela vo Jisu Karisito ko saevo kale inio mata omadeu me vati eveni mela ni voko saevo me qoeni mela.

Epesasi 5:26

tu kota vo Baṉara ko ko elou. Ni vo Karisito ta okai iruruputa voko Uri ama Bazu tu vota bulebule o ikou ko lotu qoqono voko pusaeko kale bapitaiso ko jukale.

Kolosi 2:12

So keru me bapitaiso me eve keru, meta me mutaziovi jari vo Karisito sase, vo ke mutave keru kea kale voko vou ko tova, ni meko bapitaiso puilo kale meta lula mata me jaeve jari vo Karisito sase, meko kai oqu vo Baṉara ko piza kama iruruputo kale, vo o saeviveni vo Karisito voukale azo.

1 Timoti 1:5

Aṉata a bazueṉa ṉo tu dokolima se, ako aṉata aqa zaria tu sea lotu qoqono ta ke roquekinio rurubiatana kama bulo kale, ni uri ama vatolo kale, ni tuvevo ama oqu kale.

1 Timoti 6:12

Matu madoe tu pizate ṉoko oqu ko saevo kale, omadeuvo vo rereo ko maba jari vo oka zariani pizato voziekinio kale, tu ṉo qovou koko mamola, ko ikio ko noqola kama saevo. Ako ko ikio koa noqola kama saevo vo Baṉara lula o ṉati nokaekema ṉo so keru ṉo parani putole kai bazuto ṉo eve keru ṉoko oqu ni kubo maba madu keta ṉa viqe keru ko.

Hiburu 10:22

So sole animeta me qilou vo Baṉara ko sipole ni mevai oquvou vo Jisu Karisito ni me qativou animeko pado ama bulo, ako vo Jisu ko dara ikio bulebule ko ikema animeko pado ama bulo poso, tu meqai nianiio ta vo Baṉara ta lula o akoeka animeko sarueko, ni lula bulebule o imela anime kio.

Hiburu 11:19

Melai vota o zarievake vo Aisake tu siqasiqa o ivo, ako Ebarahami ta ovai oquake vo Baṉara, ta vota ota roveovou saevivo vo Aisake voukale azo kiolake sole. Ni koa keve kale Ebarahami ta o voake vo Aisake voukale azo jari.

Hiburu 13:18

Meta pui lalamato vararaito kale tauveṉelo eṉe, ako eṉeta ṉe baqumuka ta pulia quli ko ṉelai loqaiva eṉe sole, ako eṉeta ṉeqa zaria ereko ko uri kiadama taku keru sole.

Hiburu 9:14

Melai vo Jisu ko dara ko pizato ta kokai paloasa soama biaṉa poso ko dara tu bulebule ko imo se maba poso. Ako vo Jisu ta maba sidopu ala siqasiqa o evake Baṉara kasi o ṉavi anime kaqe vo noqola kala Tabu ala Auvana ko pizato kale, so sole vota bulebule o ika animeko bulo poso tu animeta pui me lulueko ko utube ama iruruputo koko melati ziovo ama auvana kale ama voukale, tu animeta meva nabuluputo ni me luluevo vo saevola Baṉara.

Hiburu 9:24

Karisito ta lula o amaqeovi aukale ni vota o lojoa erisaṉa vo Baṉara ko kuleto tu o tauvemelo anime. Vota pui opa amaqeovi maba ko erekako tabu ama tepe pade kale koko mela mamola puekako pala anime koa zae sai vo Baṉara o evakoi.

1 Pita 1:3

Animeta me ilusivo vo Baṉara, vo animevo Lekasa Jisu Karisito vo Mama. Ako voko matuma akoekato sama roquano kale inio vota o katimele anime vairu ama saevo. Ni so jari vota o katimele piza kama tuvevo puto sama kerukeru tu animeta me qovo ko noqola kama saevo, koa piza kama tuvevo puto sama kerukeru o katimelema vo Jisu Karisito ko mata saevo kale voukale azo.

1 Pita 3:16

Sole meta mema rupasikou zarazarailo ni paṉao kale, ni uri ama upo sate. So inio keta mela ruqe kasekou keru meko uri ama iruruputo, meme erekako meko luluevo vo Karisito ko kio kale, ta ke quratou, seke kelou keru meko uri ama kalo.