1 Pita 3:18 - BAṈARA KO VAIRU AMA LEVELEVEO

¹⁸ Ako vo Karisito ta sidopu ala melai vota o mela vovi animea ruqea mela omadeu taku ko kiada ni vota o mela vovi anime tu o odiemelo anime Baṉara kasi. Ni vota ke vouvaeve tupu ko saevo kale melai ota saeve auvana kale.

1 Pita 3:18 교차 참조

Matiu 27:19

Nio so keru vo Paelati obeta papua keru voko titizato ko papupapu topi, voko reko ta ko soroekake ko bazu vokasi ni eri kikolake. “Ṉota pulia quli ṉo erekou voa sidopu ala maba kasi, ako aṉata a uloitivala vo raisi ipu kale, ni koa uloito ta ko niumaekala aṉako kerukeru sole,” kikolake.

Matiu 27:24

Ni vo Paelati ta o keake ta pui opa roveovou dokolimo se ni seta keta matu korakorailou ni keta niumaniumatou, sole vota opa koake ko ju, ni o pusaekake voko ṉase sea vaki ko ubutiania, ni eri kiolake, “Aṉata pui kuiripato salala aba elou nea maba ko voukale avo! Melai kota me ṉaviko vatolo ikio,” kiolake.

Jone 16:10

Ni seta ke saruiva kerukerueko ko se inio vo Baṉara ko sidopu samu kio, ako aṉa inio a ziovoa lala a Mama kasi ni pui mata meba leloa lala sole.

Iruruputo 22:14

Ni vota eri la kiolake, ‘Se animeko taite poso vo Baṉara ta lula o pitoeṉe ṉo tu ṉota ṉoqai nianiiovou voko vatolo, nio ṉo veala vovo Sidopu ala Nabulu, ni ṉoda va viqala voko pesio.

Iruruputo 3:14

Vo inio vo Tabu ala ni Sidopu ala, melai meta mevai kaikuape vo, ni meta mevai titiovi vo Paelati ni me baseve voa maba vo vouvato ko maba ta o rupasio ni vota o besievo.

Romu 1:4

melai vo Tabu ala Auvana ko pizato kale, Baṉara ta kasa o ivake vo Jisu ta vota Baṉara vo Meqora inio, vo o saevive keru vo voukale azo voko pizato kale.

Romu 4:25

Ako Baṉara ta o soruevake vo tu okai vou animeko sarueko ni o saevivake vo tu animeta sidopu me elo vo Baṉara ko vilu kasa.

Romu 5:2

Vota lula o odiemela anime oqu kale vo Baṉara ko pakiezato sama roquano kasi, sai anime me evakoi. Sokale avo inio animeta meqa zoleiva ko animeko piza kama keru, tu kai zomano vo Baṉara ko ṉaṉaidara!

Romu 8:11

Vo Baṉara ta o saevive vo Jisu voukale azo, ni voko Auvana ta ko elou me tona inio vota mata o saevikou meko tupu, koko vouvo ama. Vo o saeviveni vo Karisito ta o saevikou meko tupu voko Auvana kale koko evako me tona.

Romu 8:3

Ko ikio vo Mosese ko Bazu pui kopa roveovima ereko, ako tupu kale ama saevo ta lekuleku sole, melai vo Baṉara ta o roveovi ereko ko. Vo Baṉara ta o titizikake ko sarueko so keru vovo Meqora o vovi ni sarueko ko siqasiqa o eve keru. Sokale avo inio vo Baṉara ta o soroeve vovo Meqora, vo o kuevini ni anime jaria maba elo o eveni, melai vota puliama sarueko sala.

2 Koriniti 1:24

Aṉata pui aqa zaria zuruzuruemelo me tu me zoriko aṉako vatolo kiadama quli kale meko oqu ko saevo kale ako eṉeta ṉe baqumumela ta meta piza kamela oqu kale. Melai eṉeta omadeu iruruputo ṉe melati eva me tu meko zoleilo ta matu ko elou.

2 Koriniti 13:4

Ako vota o vouvai korosi topi lekuleku ala, melai erisaṉa vota o saeva vo Baṉara ko pizato kale. Ni eṉe voko apositolo ṉela ta lekulekua ṉela, melai eṉeko mekasi ama iruruputo kale eṉeta ṉeqai zomanou kovo vo Baṉara ko pizato vo Karisito ko saevo kale, nio piza kavole ṉe jidopu puemelou me.

2 Koriniti 5:21

Ako vo Karisito ta sarueko pide ala melai animeko pakiemelo kaqe inio vo Baṉara ta animevo sarueko ko besibesi o ivake vo tu animeta omadeu me elo vo tona ni me qovou vo Baṉara o puarikako sidopu.

Qelesia 1:4

Vo Jisu inio o katimeleni anime voko saevo tu o akoeko animeko boutare ni o rupasimelo anime komia peuru ma peuru anime meqai evako ko ruqe ama pizato poso kale azo, ako so inio vo Baṉara ko vatolo kikovevo sole.

Qelesia 3:13

So inio vo Mosese ko Bazu ta levezo saṉa ko imele anime, melai vo Karisito inio ota mela ṉamuke koa levezo, ni o besiemele anime koa levezo ko zaekale azo. Ako ko Tabu ama Riki kikovevo ta eri nio sole, “Seke soilo amu ore topi ta keta leveziovou,” kikovema.

Epesasi 3:12

Ni animeko omadeu vati elo vo Karisito kale ni animeko vai oqu kale vo inio animeta zariekato samela tu me zio puliama ṉalo sate vo Baṉara ko tanama kale.

Taitasi 2:14

Vota o katiziovi tu o vou anime kaqe, tu o mela tabariko animeko rupasio kiadama ruqe kale azo ni o saqaemelo anime tu o ṉaviko qoqono mela me elo ni dikidauputole me ereko ko uri.

Hiburu 10:10

Ako Karisito ta o ereke Baṉara oka zariovima quli tu vota o ereko, ni voko tupu ta siqasiqa ko evake omadeu taku ko malezikako kiadama taku tu animeta bulebule me elo.

Hiburu 9:14

Melai vo Jisu ko dara ko pizato ta kokai paloasa soama biaṉa poso ko dara tu bulebule ko imo se maba poso. Ako vo Jisu ta maba sidopu ala siqasiqa o evake Baṉara kasi o ṉavi anime kaqe vo noqola kala Tabu ala Auvana ko pizato kale, so sole vota bulebule o ika animeko bulo poso tu animeta pui me lulueko ko utube ama iruruputo koko melati ziovo ama auvana kale ama voukale, tu animeta meva nabuluputo ni me luluevo vo saevola Baṉara.

Hiburu 9:26

Kubo taku okai amaqeovi tea, vota ota tolailo inio kubo taku kale peuru ma peuru ko erei keru azo. Melai koko ereima kale vota kasa o eve omadeu taku ko kiada ko malezikako kiadama taku komia tovatovama taku kale, tu vota siqasiqa o elo o ṉavi, tu vota noqola zauteko o elou maba poso ko sarueko poso.

Hiburu 9:28

So jari nio vo Karisito ta siqasiqa o eve o ṉavi omadeu taku pala tu vota ota ma akoeko kubo maba madu ko sarueko poso, ni vota mata o vaitou komia peuru ma peuru kale omuqama pado taku kale. Koa taku kale vota pui opa kilou akoekole ko sarueko poso, melai vota o kilou pakiemole voko maba madu, seke tarevani vo.

Jemisi 5:6

Meta lula kuiripato saṉa me ima ni me vouvaema se sidopu ama maba poso, se pui ke besitani.

1 Pita 3:19

Ni vo auvana o eva keru inio vota o olake ni o bazubazutake piripiri ama auvana poso kasi se lula ke vovini ko auvana poso kasi.

1 Pita 4:1

Vo Karisito ta o tolai voko tupu kale, so sole me melai pizatomo koa omadeuma kerukeru vo Karisito ko jari ama kale, ako vo lula o tolaivani tupu kale ta pui opa erekou ko sarueko sole.

1 Pita 4:6

Sokale avo inio ko Uri ama Bazu ta ko pikairiovi se voumu kasi melai, tu koa Uri ama Bazu koko pikairiovima sekasi ta ko bokerimo se tu ke saevo auvana kale ama saevo vo Baṉara ko saevo jari ama, rouka seko voukale seta kebeta titiziake kiadama maba poso jari melai.

1 Jone 1:9

Melai animeta meqai eraeraovou animeko sarueko vo Baṉara kasi, nio vota ota mela akoekou. Vota kerula kala sole animeta me rovea vai keru vo, ta vota o mela erekou sidopu ama quli: vota bulebule o imelou kiadama animeko sarueko me erekako kale azo.