1 Pita 3:17 - BAṈARA KO VAIRU AMA LEVELEVEO

¹⁷ Ako uri tu animeta me dolailou sidopu ko ereko kale, vo Baṉara ko vatolo ko elou ta, melai maba pui uri tu tolailo ruqe ko ereko kale.

1 Pita 3:17 교차 참조

Matiu 26:39

Ni vota o sasa vatutake sekasi azo, ni ota iqeiqeake miduku kale ni ota vararaitake ni eri kiolake, “A Mama ṉa, ko rovea tea, tala vatutika komia upotuqu ko kapa aṉa kasi azo! Melai pui ṉo erekou aṉako zario kikolani melai vaeka tu ko ereilo ṉo ṉaviko vatolo kikolani jari.”

Matiu 26:42

Nio omuqama taku Jisu ta mata o vaitake vararaitole ni eri kiolake, “A Mama ṉa, ṉota pui ṉoda la vatutikou kiṉovou komia upotuqu aṉa kasi azo melai uri. Tu vaeka tu ṉoko vatolo ta ko ereilo,” kiolake.

Iruruputo 18:21

Melai voko uluemo kale se vota eri kiolake, “Vo Baṉara ko vato ko elou ta aṉata a vaitou mekasi,” kiolake. So sole vota ota tadaoke Epesasi azo.

Iruruputo 21:14

Ni eṉeta pui ṉe roveake lopaevo vo, so sole niaba ṉeda evake ni eri kiṉelake, “Vo Baṉara ko vatolo ta ko ereilou,” kiṉelake.

1 Pita 1:6

Ni ko ikio ko matu zolemelako me. Esa puju ama taku kale erisaṉa inio azaazama tapata poso ta duki ko imela me, melai mebe kai zoleiva meko pakio.

1 Pita 2:15

So sole meta uri me erekou, ni so inio se sarube ama maba poso ta pui ke melai kuirikou ruqe ama quli seko kalo pide ama pesio kale. Ako so inio vo Baṉara oka zariani sole.

1 Pita 2:20

Ako meta ruqe me erekou, ti ke ruterutemelou, ni meta inobe meqa elou meko tolailo, ta pulia quli ko kio kale kepa melai rauraekou me. Melai meta uri ama quli ko ereko kale ke rutemelou ni inobe meqa elou meko tolailo, ta ko ikio ko zolevako vo Baṉara.

1 Pita 3:14

Melai seta tapata ke imelou meko sidopu ko ereko kale avo ta, meta matu maurumaurua mela inio. Vo poropita Aisea kiovevo jari, “Meta pui meda va ṉalou kala, ni pui tiṉoliṉoli me elou.”

1 Pita 4:15

Ni meta pui ereko ko vouvato, ni kuilo, ni boutare poso, ni pui tamai utu ato edolomu ko iruruputo, tu kai titizio ni taka kovo koko besibesi.

1 Pita 4:19

So sole me tapata me doraekani mela vo Baṉara ko vatolo kale ta beta olamo ereko uri ama iruruputo ni vai keru voko kati vailo meko pado ama saevo. Ako vo Baṉara inio o eremeleni me ni vota pui ukaka opa ikou voko melati vailo me sole.