1 Pita 3:11 - BAṈARA KO VAIRU AMA LEVELEVEO

¹¹ Vota o vaekou kiadama ruqe ni uri o erekou, ni o matu madoekou tu bule kale o saevou kiada keru.

1 Pita 3:11 교차 참조

Matiu 5:45

Koa kalo ikio ko kasa puemelou ta meta mevo aukale ala Mama ko meqora poso mela, ako vo Baṉara ta omadeu taloekiko omai eva voko ṉaniu ko zakaremu se uri amu ni se ruqe ama maba poso, ni vota omadeu katimo o eva ko nioro ko mauruto se sidopu ke erekani ni se ruqe ke erekani.

Matiu 5:9

“Keta zoleiva tisoiko se bulezato ko maba madu, ako vo Baṉara ta o ṉaviko meqora poso ma kiovou se sole.

Matiu 6:13

Ni pui vaeṉelo eṉe zolizolito kale, melai pakieṉela eṉe Setani ko ruqe ama pizato kale azo. Emeni.’

Maka 14:7

Ako se ozaoza kama maba madu meme qasemani ta mekasi nio kebeta eloa koi kiada keru, sole kiada keru me dauvemo amu inio se. Melai aṉata pui mekasi aba eloa lala sole kiada keru.

Luke 1:79

ni vota omai talou kiadamu seke evani vou ko kutumana kale ni vou ko ṉalo kale tu vota o odiemelo kiadama animeko tamuto poso kale bule ama keve tona,” kiolake vo Zekaraia.

Luke 6:35

Pui so me qalou, melai meta roquemomo meko kana poso ni uri erekomo sekasi. Katimomo ni pui meda ka kerukeruekou koko besibesi. So inio meme qovo ama reketekete ta matuma ko elou, ni so inio kasa me ikou ta meta vo Raura kala Baṉara ko meqora poso mela. Ako vota o roquema se ruqe amu se pui ke besiekani voko roquano sole.

Luke 6:9

Nio Jisu ta eri kiolake sekasi, “Aṉata a quimaemelou me, loma ikio vo Mosese ko Bazu ko mela zariekako anime tu me ereko Sabati ṉaniu kale? Ko mela zarieka ko tauvezato ma ruqe ereko? Ko mela zarieka ko maba ko saevo pakieko ma niumaeko?” kiolake.

Jone 17:15

Aṉata pui a baseṉa ṉo tu ṉota ṉo movo ni seko peuru ma peuru ama elo kale azo, melai aṉata a baseṉa ṉo tu mati qaraqarate vo Ruqe ala, vo Setani kasi azo.

Romu 12:18

Meta matu madoekomo tu meta bule kale me elou kiadamu kasi.

Romu 14:17

Ako vo Baṉara ko lekasa puo kale elo ta pui sailao ko kuo ko kio kale ama ni ju ko nozueko kale, melai kota sidopu, ni bule kale, ni zoleilo kale vo Tabu ala Auvana o puarikake kale inio sole.

Romu 14:19

So sole animeta me zuatikou kiada keru ko bule ko erekako quli ni ko omadeu pizatimelo ko elo ama quli animea kiada mela.

Romu 5:1

Erisaṉa animeta lula sidopua mela vo Baṉara ko kelokelozato kale animeko oqu kale, Sokale inio animeta bule kale me vati eva vo Baṉara, animeko omadeu vati elo vo animevo Lekasa Jisu Karisito kale kude.

Romu 7:19

Aṉata pui a rovea ereko ko uri ko aṉa aqa zariako ereko, ni aṉata aqai besieka ko ruqe ko aṉa pui aqa zariako ereko.

Romu 7:21

Sai nio aṉata a qea ta komi kio ko ereivako aṉa kasi; so keru aṉa aqa zaria keru ereko ko sidopu ama quli, ta ruqe ama quli ko kiada a rovea ereko.

Romu 8:6

Seke vaekani seko kerukeru tupu ko saevo kale ama quli tona ta komai barolou ko vou, melai seke vaekani seko kerukeru Auvana kale ama saevo ko quli tona ta komai barolou ko tuvevo ama saevo ni bule sama.

Qelesia 5:22

Melai vo Tabu ala Auvana o puratikako kalo ta eri ama, roquano, zoleilo, bule, pataito niumaniumato kale, baiseo, uri ama kalo, kerula elo,

Qelesia 6:10

Ni so keru anime meqai roveovo ama taku kale animeta me dauvemou kiadama maba madu ni me dauvemou matuvole se kevai oquani vo Jisu Karisito.

Kolosi 3:15

Koa bule vo Karisito o puarikako anime kasi ta ko aveavemelou me kiadama quli meme erekako quli kale, ako vo Baṉara ta lula o pitoemele me tu meta omadeu qoqono me elou bule ama kerukeru kale. Ni meta kativomo vo Baṉara meko uriavo kiada keru.

1 Timoti 6:18

Bazuema se tu seta kemai tauveko edolomu seko batiro, tu seko zolemo ama ta seko uri ama kalo ko elo, ni kekai zoleilo seko mati puaro se edoloma maba poso.

Hiburu 12:14

Matu madoekomo tu meta emo bule kale kiadama maba sase, ni madoekomo tu saevomo tabu ama saevo kale, ako koa tabu ama saevo pide ta pui meba velou vo Baṉara sole.

Hiburu 13:16

Pui ukaka iko meko uri ereko edolomu kasi, ni meko tauvekinio, ako ko ikio koa siqasiqa vo Baṉara ko zolevako sole.

Jemisi 4:17

So sole kala maba, vo obe kai nianiiani ereko ko sidopu, melai vo pui o erekani ko, voa maba ta o sarueka.

1 Pita 3:12

Ako vo Baṉara ta o mati vaila se sidopu amu ni ota ma viqa seko vararaito, melai omai kaikuapa se ruqe ke erekani.”

3 Jone 1:11

A baerebaere ṉa, ṉota pui lulueko ko ruqe ama kalo melai lulueka ko uri ama kalo. Ako vo o erekani uri ama quli ta vo Baṉara vo inio, melai vo o erekani ko ruqe ta pui ovai nianiiani vo Baṉara sole.