1 Pita 2:6 - BAṈARA KO VAIRU AMA LEVELEVEO

⁶ Ako ko Tabu ama Riki kale ta eri nio kiola vo Baṉara sole, “Aṉata a bitoeva nea qulepo ala lado tu vo inio lado viluabara a ivou Jerusalema ma Jelepade kale, ni vo tuvevo o ivo ala vo ta pui opa quratou,” kiola.

1 Pita 2:6 교차 참조

Matiu 12:18

“Nei nio aṉavo Nabulu vo a bitoeveni, ni vo a matu roquevani ni vo ava matu zoleivani. Aṉata a joroekou aṉako Auvana vo tona, ni vo inio okai velavelaovou sidopu ko keve kiadama komia peuru ma peuru kale ama maba poso kasi.

Maka 12:10

Ni Jisu ta mata o erevake kala podepodeti o ṉavi kale avo ni eri kiolake sekasi, “Meta pui me ataekako ikio ko Tabu ama Riki kikovevo? Ko eri kikolako, ‘Koa lado se pade ke erekani kekai keduima pui uri ama ka kikevema, ko ikio erisaṉama qulepo ama pade ko lado kiadama lado poso azo.

Luke 20:17

Melai Jisu ta omai vilumuake se ni o kuimaemake se, “Pui so tea, koa Tabu ama Riki kale ko kaseivako ta puliama kalo sama, ko eri kikolako, ‘Koa lado se pade ke erekani kekai keduima pui uri ama ka kikevema, ko ikio erisaṉama qulepo ama pade ko lado kiadama lado poso azo,’ kikolako.

Luke 23:35

Ni se maba madu ta ke lojoake sai ni ke toiritoirizatake, ni se Jiu ama tanatanamu ta kevai balebaleitake vo, ni eri kikelake, “Edolomu inio o pakiemani, vaeka tu o pakizio o ṉavi voa Pakio o elou ta, ni Baṉara o pitoeveni o elou ta!” kikelake.

Jone 7:38

Ko Tabu ama Riki kikovevo jari, ‘Vo o tuvevo puelo ala aṉa, ko saevo ko ju ta ko rereovou kiada keru orori jari voko bulo kale azo,’ ” kiolake.

Iruruputo 1:16

“A baerebaere poso mela, Tabu ama Riki kale ko kaseima quli ta lula tuvevo kota eva Tabu ala Auvana o kasekema Devita kale kude, vo Jiudasi ko pidokivo kale, vilua pikopiko oma eveni se Jisu ke noqoeveni. Ni kota ko malezikake ni so ko kake, ako Tabu ama Buka kale ama pidokato ta ko puratika kiada keru koko epa sole.

Romu 10:11

Ako ko Tabu ama Riki kikolani ta eri, “Se tuvevo ke ivani vo ta pui kepa quratou.”

Epesasi 1:4

Vo Karisito kale inio vota o pitoemele anime puliako komia peuru ma peuru ereilo. Ni vo Baṉara ta o pitoemele anime tu voko tabu ama maba poso mela me elo ni puliama kuiripato saṉa me elo voko tanama kale.

Epesasi 2:20

Ni me melai me orumuilou koa vola topi se apositolo ni poropita madu ke erekema. Ni o ṉavi Jisu Karisito inio koko viluabara koa oruorumu ko.

2 Timoti 3:16

Kiadama Tabu ama Riki poso ta vo Baṉara ko vatolo kale inio ko rikiziovi, ni kota piza kama iruruputo ko lomaloma Baṉara ko tuveano kai nianiiekato kale. Ni koa Tabu ama Riki poso ta ko riqaeka ko lipalipato, ni kota ko sidopu pueka ko sarueko poso, ni kota ko puarika ko bazubazu sidopu ama elo ko.

1 Pita 2:4

Vo Lekasa Jisu inio kala saevola lado jari ala, ni vo inio se maba poso komia peuru ma peuru kale amu pui kepa vai zarini. Melai vo inio voa lado vo Baṉara o pitoeveni ako vota matu qulepo ala vokasi sole. So sole meta kuemo vokasi.

1 Pita 2:8

Ni ko Tabu ama Riki ta eri nio mata kikolani, “Nei nio voa lado se maba poso tupara o imo ala ni voa ripi vo o pimo ala,” kikolako. Ni seta keta tuparia, ako seta pui tuvevo ke ika sole vo Baṉara kiolani; so inio vo Baṉara ko vatolo kikovevo sekasi.

2 Pita 1:20

Ni matu qulepo ama quli tu meta meqai uria nianiiovou ko eri: puliama bazu Tabu ama Riki topi ama ta kepa utu ereke se poropita madu ke ṉaviko kerukeru kale.

2 Pita 3:16

Ni so inio kiovevo kiadama voko riki poso kale. Kama voko riki ta matu tapata kama ni kake maba poso udo amu ni lekuleku amu seko oqu kale ta sarusarua mati nianiiekiko ke eva, kebe mati ikani kiadama Tabu ama Riki poso. Melai so ke kavani ta ke kati kueva inio ke ṉaviko noqola tolailo.