1 Pita 2:24 - BAṈARA KO VAIRU AMA LEVELEVEO

²⁴ Ako o ṉavi Karisito inio o mela borike animeko sarueko poso voko tolailo ni voukale korosi topi. Vota o ereke ko quli tu animeta me vaekou sarueko sama saevo ni me daniekou kai saevo ko sidopu. Ako voko tabi kale inio meta me urike sole tupu ni auvana kale.

1 Pita 2:24 교차 참조

Matiu 27:26

Sole vo Paelati ta oma rupasivake vo Barabasi. Ni vota o katimake vo Jisu se solodia madu tu kepa pazovo vo ni kepa patoevo korosi topi.

Matiu 5:20

Sole aṉata a bazuemela me, meta erekomo ko quli vo Baṉara oka zariako quli tu kai paloasomo se vo Mosese ko Bazu ko nianiiekato ko maba poso ni se Parese madu ke erekako kalo. Ako pui so tea, meta pui meba malezikou tu kai amaqeo vo Baṉara ko lekasa puo,” ma kiolake.

Matiu 8:17

Voko ereko kale koa iruruputo ta vo poropita Aisea kiovevo ta tuvevo ko evake ko eri kikovema, “O ṉavi nio ota mela ṉamukou kiadama animeko vere poso,” kikovema.

Maka 15:15

Ni vo Paelati ta okai zariake zolemo sea vaki, so sole vota oma rupasivake vo Barabasi. Ni vota o katimake vo Jisu se solodia madu tu kepa pazovo vo ni kepa patoevo korosi topi.

Luke 4:18

“Vo Baṉara vo Tabu ala Auvana ta aṉa tona, ako vota lula o pitoele aṉa tu aṉata aqai bazubazutou ko Uri ama Bazu se ozaoza kamu kasi. Vota lula o soroele aṉa tu aqai bazutou ko rupasio se piripiri amu kasi, tu se leqa kamu ta ke keazatou ni ke rupasio seke niumaniumaivani,

Jone 1:29

Ni koko raneo kale inio Jone ta o veake o maba ṉavi Jisu obeta kuevake vokasi. Ni vota eri kiolake vokasi ke padoini kasi, “Keatini, vo Baṉara vo Sipi Meqora siqasiqa o elo ala, vo o ṉamuko ala peuru ma peuru ko sarueko, ta obeta kueva!

Jone 19:1

Sai nio vo Paelati ta o soruemake se pazokinio ko maba madu tu seta ke vati zio tu sisiparu ke ivo vo Jisu.

Iruruputo 10:35

Seke ilusivani vo ni sidopu ke erekani ta o roquema azaazama qoqono maba poso.

Iruruputo 10:39

Eṉe inio ko eṉe ṉe qeveni ṉela kiadama quli vo o erekema Jerusalema ni mata kama Izireli peuru poso kale. Sai kazo inio seta ke patoevake korosi topi ni ke vouvaevake vo.

Iruruputo 13:29

Ni seko vai ereko koa kiadama quli Tabu ama Riki ko pidokivema vo ko tova, seta ke saqorivake vo korosi topi azo ni ke vaevake kama pado keaka niami kale.

Iruruputo 5:30

Animeko taite poso vo Baṉara ta o saevive vo Jisu voukale azo, meko vouvaevo vo ko tova me batoeve keru korosi topi.

Romu 6:11

Sokale avo meta kerukeruekomo ko meta vou mela jari inio sarueko vasia rana, melai mata omadeu saevo me eva vo Baṉara sase vo Jisu Karisito ko saevimelo kale me.

Romu 6:13

Meko pado ama saevo ta pui katiko ko sarueko tu koa sarueko ta kokai iruruputo ruqe ama kerukeru ni kalo kale. Melai meta katiziomo me ṉavi vo Baṉara kasi ako meta mata me jaevani mela sole voukale azo, ni meta katikomo meko pado ama saevo tu kai iruruputomo ko vo Baṉara ko sidopu ama kerukeru ni kalo kale.

Romu 6:16

Ako meta lula me baqumuka ko meta kama mabaku mela inio kio meko zoriko kale kala maba kiolani, so sole meta voa lekasa vo meme zorivani ko mabaku mela inio. Kake mela ta ko sarueko ko mabaku mela inio, ko vou sama, kake mela ta zoripato ko mabaku mela, ko sidopu ko imelako me vo Baṉara ko kelokelozato kale.

Romu 6:2

Maba pui! Animeta lula vou mela jari sarueko vasia rana sole soa saevo inio mebeta elou? Maba pui!

Romu 6:22

Melai erisaṉa meta lula meda rupasia sarueko kale azo ni meta vo Baṉara ko mabaku mela inio. Ni meta tabu meda eva meko saevo kale vokasi, ni koko reketekete ta noqola kama saevo.

Romu 6:7

Ako vo maba o vouva keru, so keru inio o rupasia sarueko ko pizato kale azo.

Romu 7:6

Melai erisaṉa animeta ruparupasia mela ko Mosese ko Bazu kasi azo, ako animeta lula meda vovi koa Bazu, koko piriemelema anime kale azo. Melai erisaṉa animeta pui mevai nabuluputa vo Baṉara koa lulama Bazu vo Mosese o rikiekema kale, melai vairu ama keve kale kude vo Tabu ala Auvana kale.

1 Koriniti 15:3

Aṉata a melai pakeke me ko quli ko lula aṉa a qoako a ṉavi koa matu qulepo ama bazu, eri kikolako: Vo Karisito ta o mela vovi animeko sarueko poso kale avo, Tabu ama Riki kikolani jari;

2 Koriniti 6:17

Sokale avo inio vo Baṉara ta o balauvimake se Izireli amu ni so kiolake, “Erisaṉa meta vaemomo se ni meta pitasiomo sekasi azo. Meta taka papariomo ko kuna kama quli, Sokale kude inio aṉata a mela lilitou me.

Qelesia 3:13

So inio vo Mosese ko Bazu ta levezo saṉa ko imele anime, melai vo Karisito inio ota mela ṉamuke koa levezo, ni o besiemele anime koa levezo ko zaekale azo. Ako ko Tabu ama Riki kikovevo ta eri nio sole, “Seke soilo amu ore topi ta keta leveziovou,” kikovema.

Pilipai 1:11

ni so inio vo Karisito ta o tauvemelou me ni meta me erekou kubo sidopu ama quli tu meta ṉaṉaidara me ivou ni me ilusivou vo Baṉara.

Kolosi 2:14

Lulavo animeta kuiripato samela, ako animeta me bikoirike Baṉara ko bazu poso sole ko anime kuiripato saṉa ko imelema. Melai vota ota mela maba saqaeke koa sarueko poso vo Karisito kai patoilo ni voukale korosi topi.

Kolosi 2:20

Ako meta lula omadeu me eve Karisito sase, voko voukale, so sole meta lula me vouva vo sase jari. Sokale avo inio meta lula ruparupasia mela ko azaazama auvana poso kasi azo. Nio noi sole inio meta komia peuru ma peuru kale ama maba poso ke kavani jari mebeta kava? Soama kalo ta pui ko malezika mea lotu maba poso mela kasi. Noi sole inio meta me lulueka se maba poso ke melai bazuekako tabu poso,

Kolosi 3:3

Ako meta lula meda vovini jaria mela inio, melai meko auvana poso ta ko saeva Karisito sase vo Baṉara o mela tukiekako saevo kale.

Hiburu 10:10

Ako Karisito ta o ereke Baṉara oka zariovima quli tu vota o ereko, ni voko tupu ta siqasiqa ko evake omadeu taku ko malezikako kiadama taku tu animeta bulebule me elo.

Hiburu 10:5

Sokale avo inio, Karisito okai kuevivo komia peuru ma peuru, vota eri kiolake Baṉara kasi, “Ṉota pui ṉoqa zaria kama katizato ni siqasiqa poso, melai ṉota lula ṉo inainaeka aṉako tupu.

Hiburu 12:13

Pizaka talio emo sidopu ama keve kale tu se pui ke paqumukani seko oqu ta pui utu amu ke elo Baṉara kasi tu seta mata ke pizatou auvana kale.

Hiburu 7:26

Sokale inio animeta Jisu ta animevo male ala Ṉisa Siama. Vota tabu ala ni sarueko pide ala, ni vo Baṉara ta o edolivake vo se sarueko samu kasi azo ni o koivievake aukale sai Baṉara o evakoi, ni vota oma lekasa pua kiadama maba poso.

Hiburu 9:28

So jari nio vo Karisito ta siqasiqa o eve o ṉavi omadeu taku pala tu vota ota ma akoeko kubo maba madu ko sarueko poso, ni vota mata o vaitou komia peuru ma peuru kale omuqama pado taku kale. Koa taku kale vota pui opa kilou akoekole ko sarueko poso, melai vota o kilou pakiemole voko maba madu, seke tarevani vo.

Jemisi 5:16

So sole meta kai eraeraekiniomo meko sarueko poso me ṉavio kude, ni tauvekiniomo vararaito kale me ṉavio kude, so inio me urikou. Ako vo sidopu ala maba ko vararaito ta ko ereka piza kama quli sole.

1 Jone 2:29

Ako animeta meqai nianiia ta vo Karisito ta sidopu ala. So sole animeta meqai nianiia ta mata kiadamu seke erekani ko sidopu ta vo Baṉara ko meqora poso.

1 Jone 3:7

A meqora poso mela, pui zariemo edolomu tu ke saruemelo me komi ko kerukerueko kale. Vo sidopu o erekani, vo inio sidopu ala, omadeuvo vo Karisito ta sidopu ala.

Kelokelozato 22:2

ni kota ko rerea koa matu peuru ko keve ko kolabale. Koa orori ko omuqa tana topi ta ko qotupa koa noqola kama saevo ko katimako ore, koko epamatako toni omuqa taku omadeu sabere kale, kota ko epamata kaboso poso sole, ni koko leko ta peuru ma peuru kale ama qoqono poso mai urikiko lomaloma.