1 Pita 2:22 - BAṈARA KO VAIRU AMA LEVELEVEO

²² Ako vota puliama sarueko sala ni pui o lipalipatani sole.

1 Pita 2:22 교차 참조

Matiu 27:19

Nio so keru vo Paelati obeta papua keru voko titizato ko papupapu topi, voko reko ta ko soroekake ko bazu vokasi ni eri kikolake. “Ṉota pulia quli ṉo erekou voa sidopu ala maba kasi, ako aṉata a uloitivala vo raisi ipu kale, ni koa uloito ta ko niumaekala aṉako kerukeru sole,” kikolake.

Matiu 27:4

ni eri kiolake, “Aṉata boutare a ereka ako a jaiqoriva sole nea inobe ala maba,” kiolake. Ni seta ke vati tiorikake ni eri kikelake, “Eṉeta puliako pa kiṉevou, kota ṉo ṉaviko rana inio,” kikelake,

Luke 23:41

Ni aniqeta qe koa ko aniqe lula qe erekema ruqe ama iruruputo ko male ama reketekete, melai nea maba ta maba puliama voko sarueko sala inio,” kiolake.

Luke 23:47

Ni se solodia madu vo kuleto ala ta o keake koko ereima quli, ni vota o ilusivake vo Baṉara ni eri kiolake, “Koe, tuvevo avole nea maba ta sidopu ala!” kiolake.

Jone 1:47

Ni so keru Jisu o vea keru vo Nataniala obeta kueva keru vokasi, inio vota eri kiolake vokale avo, “Nei nio vo ṉisa Izireli ala maba, puliama vai vailizato sala!” kiolake.

Jone 8:46

Lala me azo ta olai kuirikani aṉa ko sarueko? Puliala! So sole noi sole inio meta pui me duvevo puela aṉa, so keru aṉa a melai bazueka keru ko tuveano?

2 Koriniti 5:21

Ako vo Karisito ta sarueko pide ala melai animeko pakiemelo kaqe inio vo Baṉara ta animevo sarueko ko besibesi o ivake vo tu animeta omadeu me elo vo tona ni me qovou vo Baṉara o puarikako sidopu.

Hiburu 4:15

Animevo Ṉisa Siama ta o rovea lainike animeko lekuleku poso ko upotuqu, ako vota anime jaria maba o eveni sole, so sole vota o toraeke kiadama quli koko zolizolievema quli, omadeuvo anime me doraekako jari, melai vota pui opa sarueke.

Hiburu 9:28

So jari nio vo Karisito ta siqasiqa o eve o ṉavi omadeu taku pala tu vota ota ma akoeko kubo maba madu ko sarueko poso, ni vota mata o vaitou komia peuru ma peuru kale omuqama pado taku kale. Koa taku kale vota pui opa kilou akoekole ko sarueko poso, melai vota o kilou pakiemole voko maba madu, seke tarevani vo.

1 Jone 2:1

A meqora poso mela, aṉata a rikieva nea riki mekasi tu meta pui me erekou ko sarueko. Melai animeta sarueko me erekou, ta Jisu Karisito inio o tauvemelou. Ako vo inio sidopu ala sole o roveani mela pesio animeko kio kale, vo Mama Baṉara kasi.

1 Jone 3:5

Ni meta meqai nianiia ta Karisito ta o kuevi tu o ṉamuko ko sarueko ni vota sarueko pide ala.

Kelokelozato 14:5

Seta maba puliaka taku kepa lipalipate ni seta saruilo pide amu.