1 Pita 2:21 - BAṈARA KO VAIRU AMA LEVELEVEO

²¹ Ni ko ikio vo Baṉara o melati nokaekema tu me erekou, ako vo Karisito ta o mela tolai me sole Ni vota o katimele kama podepodeti tu meta me luluekou vo o kaevo.

1 Pita 2:21 교차 참조

Matiu 10:38

Ni vo pui oka zariovo ala tolailo aṉako luluelo kale omadeuvo vo maba vo o borikani o ṉaviko korosi vo okai vouvo ama, vota pui o maleizika aṉavo disaipeli elo.

Matiu 11:29

Meta lekasa puelomo aṉa, tu aṉata a nianiiekimelo me, ako aṉata a zarazaraivani lala ni inobea lala auvana kale sole, ni meta me qovou ko mamazo.

Matiu 16:24

Nio Jisu ta eri ma kiolake voko disaipeli madu, “Vo oka zariani luluelo aṉa ta vota pui o kerukeruilou o ṉavi o kiada melai vota o tolailou aṉako luluelo kale omadeuvo vo maba vo o borikani jari o ṉaviko korosi, vo okai vouvo ama.

Luke 24:26

Noi nio pui qe paqumuka kota ko malezika tu vo Baṉara o pitoevani Pakio ta tapata o toraeka ni o vouva saita inio vota okai amaqeovou voko ṉaṉaidara?”

Jone 13:15

So inio aṉata a qatimelala me kama pado mamola tu meta me erekou muli omadeuvo aṉa a mela erekalama jari me.

Jone 16:33

Aṉata so kiala mekasi tu meta me qovou ko bule meko saevo omadeu kati elo kale aṉako saevo. Komia ruqe ama peuru ma peuru kale ama maba poso ta ke katimelou me ko duki ni riṉoteṉote. Melai meta parani putomo! Ako aṉata lula koqo a ika komia ruqe ama peuru ma peuru ko pizato sole!” ma kiolake vo Jisu.

Iruruputo 14:22

Ni nioqako ziokale nioqata qo pizatimake seke liliziovini maba poso ni qo zuvarimake tu seta tuvevoa noqoilo ke elo seko oqu kale so sole eri kiqolake. “Animeta me doraekou kubo tapata poso koa keve kale, koko odiemelo ama anime vo Baṉara ko lekasa puo kale,” kiqolake.

Iruruputo 17:3

ni vota o rupasikake ko kikolani ni omai uria bazuekake koko tuveano vo Baṉara o soroevo ala va kioveni Pakio ko tolailo ni voko mata saevo voukale azo ta ko pidokiovi seko Tabu ama Buka kale. Vota eri kiolake, “Nea Jisu vo aṉa a qasevani mekasi, vo inio vo Baṉara o soroeveni Pakio,” kiolake vo Paula.

Iruruputo 9:16

Ni aṉa a ṉavi inio kasa ava ikou kiadama koa tola poso vo o kovo ama aṉako ṉi ko kio kale avo,” kiolake.

Romu 8:29

Anime vo Baṉara lula o pitoemelani ta o edolimelake tu animeta vovo Meqora Jisu jari me elo, nio voa Meqora ta kubo tamania poso vo kaka kala Meqora o elo.

1 Koriniti 11:1

Meta luluekomo aṉako kalo omadeuvo aṉa a lulueva jari vo Karisito.

Epesasi 5:2

Ni saevomo roquano kale, ni roquemomo edolomu, omadeuvo vo Karisito ta o roquemele anime jari ni vota pui opa kaitiziovi tu o vou anime kaqe. So inio vota matu uria tui ala katizato ni siqasiqa o eveni Baṉara kasi.

Pilipai 2:5

Ni meko saevo kale meta kerukerutomo ni kamo vo Jisu Karisito o kaevo jari.

1 Tesalonaika 3:3

tu puliala me azo ta o vaekou voko oqu komia niumaniumato poso kale avo. Meta me uria paqumuka me ṉavi koa niumaniumato soama ta vo Baṉara ko vatolo ikio tu anime kaqe.

1 Tesalonaika 4:2

Ako meta meqai nianiiani mela inio koa bazu poso ko eṉe lula ṉe qatimelako me vo Lekasa Jisu ko ṉikale.

2 Timoti 3:12

Ako kiadamu seke madoekani tu ke uria luluevo vo Jisu Karisito seko sidopu ama kalo kale ta ke toraekou ko naqunaquto,

Hiburu 2:10

Baṉara inio o ereke kiadama quli ni o kati vaila, so sole ko male vota o okotikake vo Jisu ko sidopu voko tolaevo kale, tu voko meqora poso mela ta kubo mela me elou voko ṉaṉaidara kale. Ako vo Jisu inio vo o odiemelani anime pakiezato kale.

1 Pita 1:20

Ako vo Karisito inio o pitoini sole puliako komia peuru ma peuru ereilo, melai vota kasa o eva komia tovatovama taku kale mekale avo.

1 Pita 2:24

Ako o ṉavi Karisito inio o mela borike animeko sarueko poso voko tolailo ni voukale korosi topi. Vota o ereke ko quli tu animeta me vaekou sarueko sama saevo ni me daniekou kai saevo ko sidopu. Ako voko tabi kale inio meta me urike sole tupu ni auvana kale.

1 Pita 3:18

Ako vo Karisito ta sidopu ala melai vota o mela vovi animea ruqea mela omadeu taku ko kiada ni vota o mela vovi anime tu o odiemelo anime Baṉara kasi. Ni vota ke vouvaeve tupu ko saevo kale melai ota saeve auvana kale.

1 Pita 3:9

Ni kala ta o saruekou mekasi, ta meta pui me besiekou ko sarueko vokasi, ni kala ta o ruqe kasemelou me, melai meta pui mevai besiekou tu me ruqe kasevou vo. Melai meta uri ama pesio kale me mati pesiovou soama maba poso, ako me inio me nokaivani mela sole tu koa kalo kale me qovou vo Baṉara ko mauruto.

1 Pita 4:1

Vo Karisito ta o tolai voko tupu kale, so sole me melai pizatomo koa omadeuma kerukeru vo Karisito ko jari ama kale, ako vo lula o tolaivani tupu kale ta pui opa erekou ko sarueko sole.

1 Pita 4:13

Melai meta zoleimo ako meta me qoa sole vo Karisito o koema tola jari ama tola. So inio meta me matu zoleilou so keru vo Karisito o vaitou keru voko pizato ni ṉaṉaidara sate.

1 Jone 2:6

Ni kala ta eri kiovou, vota o eva Baṉara tona kiovou, ta voko kalo ta Jisu ko kalo jari o ikou.

1 Jone 3:16

Ni eri nio anime meqai nianiiani ko tuvevo ama roquano: vo Jisu ta pui opa kaitike o ṉaviko saevo voko mela voukale anime. So sole anime melai me qatimo animeko saevo animeko baerebaere poso.

Kelokelozato 12:11

Seta lula ke koqotaevo vo, vo Sipi Meqora ko vou ko dara kale ni se kekai bazutema tuveano kale, ni seta pui kepa katiziovi tu ke vou.