1 Pita 2:20 - BAṈARA KO VAIRU AMA LEVELEVEO

²⁰ Ako meta ruqe me erekou, ti ke ruterutemelou, ni meta inobe meqa elou meko tolailo, ta pulia quli ko kio kale kepa melai rauraekou me. Melai meta uri ama quli ko ereko kale ke rutemelou ni inobe meqa elou meko tolailo, ta ko ikio ko zolevako vo Baṉara.

1 Pita 2:20 교차 참조

Matiu 26:67

Nio kake ta keta vai supatake vo Jisu ko loilo, ni ke pazovake, ni kake ta ke qurativake vo seko tava pazoko kale voko loilo ke ṉase saresare kale

Matiu 5:47

Ni meta me mati baeremuilou meko baerebaere poso ke kiada kimevou, melai kota pulia quli jari, ako se kutumana kamu melai keta rovea ereko sole so jari.

Maka 14:65

Nio kake ta keva supatake vo, ni keta va lupikake voko vilu ni ke pazovake, ni eri kikelake, “Kaseva lala inio o pazoṉa!” kikelake. Ni se vailo ko maba madu ta ke vati olake ni ke pazovake.

Luke 6:32

“Ako meta me roquemou pala seke roquemelani me, nio meta pui meba kovou ko mauruto. Ako se ruqe amu melai ke roquema seke roquemani se sole!

1 Koriniti 4:11

Ti kobeta baroa komia taku kale melai eṉeta ṉeda luapa ni ṉeda rokauva ni ruaja suma kale ṉe qiazaita ni maba madu ta ke pazoṉela, ni eṉeta puliama ṉisa pade saṉela,

Qelesia 4:18

Ni kota uri tu zarizari elo uri ama quli kale, ni kiada keru ti so me qalou, melai pui aṉa mekasi abeta eva keru ko kiada.

Epesasi 5:10

Ni meta madoekomo tu kai nianiimo loma quli kio ko zolevo ama vo Baṉara.

Pilipai 4:18

Ni erisaṉa aṉata a qoa kiadama quli ko me mela soroekako quli ni kota ko korotila aṉa. Ako vo Epaparoditasi ta lula olai baroekika sole kiadama meko puaro poso. Ni kota kama uria tui ama siqasiqa jari vo Baṉara kasi, ni vo Baṉara ta o koa ni oka zoleiva koa meko puaro.

1 Pita 2:19

Ako so keru maba poso ke naquemelou keru me, melai meta pulia quli lula meba sarueke, ni meta meqai pataitou seko naquemelo meko uria kai nianiio kale vo Baṉara ko vatolo, inio vo Baṉara ta mauru o imelou me.

1 Pita 3:14

Melai seta tapata ke imelou meko sidopu ko ereko kale avo ta, meta matu maurumaurua mela inio. Vo poropita Aisea kiovevo jari, “Meta pui meda va ṉalou kala, ni pui tiṉoliṉoli me elou.”

1 Pita 3:17

Ako uri tu animeta me dolailou sidopu ko ereko kale, vo Baṉara ko vatolo ko elou ta, melai maba pui uri tu tolailo ruqe ko ereko kale.