1 Pita 2:19 - BAṈARA KO VAIRU AMA LEVELEVEO

¹⁹ Ako so keru maba poso ke naquemelou keru me, melai meta pulia quli lula meba sarueke, ni meta meqai pataitou seko naquemelo meko uria kai nianiio kale vo Baṉara ko vatolo, inio vo Baṉara ta mauru o imelou me.

1 Pita 2:19 교차 참조

Luke 6:32

“Ako meta me roquemou pala seke roquemelani me, nio meta pui meba kovou ko mauruto. Ako se ruqe amu melai ke roquema seke roquemani se sole!

Jone 15:21

Seta ke melai erekou me koa kalo aṉa kale avo sole, ako seta pui kevai nianiia vo aṉa o soroeleni sole.

Iruruputo 11:23

Ni so keru vo o baroi keru sai vota o keake vo Baṉara o imania mauru imo se maba poso, sole vota ota zoleike ni omai titiake se tu seta pataitole kevai oqu vo Lekasa seko pado ama bulo poso kale.

Romu 13:5

Kokale avo meta zorimomo se qavuna madu pui vo Baṉara ko koqotato ko tipaeko ko kio kale avo, melai meko uri ama vatolo lulueko kale.

1 Koriniti 15:10

Melai vo Baṉara ko pakiezato sama roquano kale ta apositolo inio o ila aṉa, ni voko apositolo ilo aṉa ta kalo sama. Ako aṉata a matu iruruputa ni aṉata aqai paloasa mata sea kiadama apositolo madu ko iruruputo sole. Melai koko maba tuveano ta kota pui aṉako pizato kale inio aṉata a ereka koa iruruputo, melai vo Baṉara ko pakiezato sama roquano kale ko kuevako pizato ikio.

2 Koriniti 1:12

Aṉata ada zoleiva ako aṉako kerukeru kale aṉa a qaevo komia peuru ma peuru kale ni mekasi ta matu tuvevo ama ni sidopu ama vo Baṉara ko vailo kale. Pui peuru ma peuru ko lipalipa kama nianiio kio aba lulueke aṉako kalo kale, melai vo Baṉara ko pakiezato sama roquano ikio kasa ama ikake se maba poso aṉako kalo kale.

2 Koriniti 8:1

A qaka ni visi poso mela, eṉeta ṉe mela zaria me tu meta kai nianiiomo vo Baṉara ta lula kasa o ika voko roquano koa kiadama Masedonia peuru poso kale ama lotu qoqono poso kale.

2 Timoti 1:12

ni Sokale avo inio aṉata a doraeka komia erisaṉama tapata. Melai aṉata abeta pataita aṉako oqu kale, ako aṉata avai nianiia sole vo aṉa avai keruani, ni a duvevo pueka ta voko matuma pizato kale vota o kati vailou ko lula aṉa a erekako iruruputo vokasi ti kobeta barolou koa matuma Titizato ko Ṉaniu.

Hiburu 10:2

Ako seke ilusivani vo Baṉara ta tuvevo avole lula bulebule ke eva seko sarueko poso kale azo tea, seta pui nio kepa lainikou seko sarueko, ni kiadama siqato poso melai kota epezo inio.

1 Pita 2:20

Ako meta ruqe me erekou, ti ke ruterutemelou, ni meta inobe meqa elou meko tolailo, ta pulia quli ko kio kale kepa melai rauraekou me. Melai meta uri ama quli ko ereko kale ke rutemelou ni inobe meqa elou meko tolailo, ta ko ikio ko zolevako vo Baṉara.

1 Pita 4:15

Ni meta pui ereko ko vouvato, ni kuilo, ni boutare poso, ni pui tamai utu ato edolomu ko iruruputo, tu kai titizio ni taka kovo koko besibesi.