11 A baerebaere poso, erisaṉa meta pui komia ruqe ama peuru ma peuru ko kunialea mela. So inio aṉata a mela zaivota me tu meda ka balauvou meko tupu kokai zariako ereko, ako komi quli ta ko kati kanaekimou sole meko auvana poso.
Ni Jisu ta mata eri kiolake, “Meta vailomo! Pui kai mumuasa puilo ko ṉojola ni nozueko ko piza kama ju ni tiṉoliṉoli kai elo komia taku ama saevo ko quli, ako pui uri tu koa matuma ṉaniu ta taukavole ko melai baro
Melai animeta me rikieko kama pado leta sekasi tu me bazuemo tu seta pui ke kuo ko sailao ko lula ko katiziako beku poso kasi, ako kota tabu tu kuo sole; tu ke balauvo ke ṉavio kude pauvezato ereko kale azo; ni seta pui ke kuo ke rouraekako biaṉa ni dara.
meko pui kuo koa sailao ko lula ko katiziako beku poso kasi; ni pui kuo ko dara; ni pui kuo ke rouraekako biaṉa poso; ni balauvomo me ṉavi meko pauvezato ereko kale azo. “Meta me qati vailou komi quli poso inio meta uri ama iruruputo me erekou. “Meta emo sai vo Lekasa Jisu ko roquano kale.”
So sole, me aṉako tamania kalea mela, vo Baṉara ko matuma roquano ko kio kale avo aṉata a melai titia me, tu meta kativomo vo Baṉara meko saevo, saevoma siqasiqa jari, ni tabu emo vo va nabuluputo kale voko zolevo kale. Ko ikio koa tuvevo ama ilusato ko meme qativo ama vo.
Melai aṉata a qea edoloma bazu aṉako saevo kale ama koko pazokake koa aṉako kerukeru ko tuvevo ko ikako bazu. Kota ko piriela aṉa sarueko ko bazu kale koko iruruputako aṉako tupu kale.
So inio eṉeta vo Karisito o soroeṉeleni ṉela, eṉe ṉevai bazutani ṉela vo, omadeuvo eṉeko bauta kale inio obe pasepasemela vo Baṉara eṉe kale kude. So sole eṉeta ṉe mela titia me vo Karisito ko ṉikale, tu meta vo Baṉara ko baerebaere poso emo voko kanaekivo kale azo!
Vo Baṉara ko tauvezato kale eṉeta ṉe basema se maba poso tu ke vati odouvikinio vo. Ni eṉeta ṉe basemela me me lula me qoani mela vo Baṉara ko pakiezato sama roquano tu meta pui me niumaekou ko.
A lolo poso mela, ta vo Baṉara ta lula leveleveo o mela ika anime ta vota animevo Mama ni vota anime sate o elou. So sole erisaṉa animeta me epezou ereko kiadama ruqe ko anime kaqa ko imelako vo Baṉara ko vilu kasa, ni animeta tuvevoa tabu me elou animeko tava paṉao kale vo Baṉara.
Ni anime vo Jisu Karisito ko maba madu mela ta lula me vaekani mela animeko bulo kale ama ruqe ama kerukeru kokai zariako kalo ni saevo, omadeuvo animeta me batoeka jari koa kalo ni saevo korosi topi.
So sole erisaṉa me pui Jiu amu mela ta pui me ṉada raneani mela ni pui sorola mela. Melai meta vo Baṉara ko tabu ama qoqono kalea mela ni meta vo Baṉara ko saidi kalea mela.
Aṉata vo Karisito vo lala, ni sokale avo inio aṉata a biriziovi. Ni vo animevo Lekasa ta o pitoemele me tu meta voko maba poso mela me elo. So inio aṉata a mela matu titia me tu meta saevomo vo Lekasa ko maba poso mela ko malezi-melako saevo kale.
Ṉota taka soqoi se vaini amu ko ruqe ama kalo, se keka matu zariani ko pui ko korotako quli poso, ni vinaeka lulueko ko sidopu, ni oqu, ni roquano, ni bule, seke ilusivani vo Baṉara saqasaqa kama bulo samu sase.
Kiadama sea qole ama maba poso ta kevai oqui vo Baṉara ti kobeta baroi seko saevo poso ko paito keru. Seta pui nio ke koake vo Baṉara oma inainaekema quli, melai seta ke gelekake vaṉʼazo ni keka zoleike, ni seta pui keta ka kamiziake maba madu kio, se puliama zae samu komia peuru ma peuru kale.
Aṉa Pita lala, vo Jisu Karisito vo apositolo lala, ta a joroeka komia riki mekasi, vo Baṉara ko pitopito ama qoqono mela kasi meme vaekeni mela meko peuru poso, ni me birebireini mela Ponitasi rana ni Qelesia rana, ni Kapadosia rana ni Eisia rana ni Bitinia rana.
Ako so keru meme vararaita keru Baṉara kasi ta Mama inio va kimela. Ni nea Mama inio omadeuma podepodeti kale o titiziko ala animea kiada mela ko iruruputo. So sole komia puju ama taku meme elou keru komia miduku kale meta meda va paṉaovou vo.
A baerebaere poso mela, meta pui meqai ṉavailou ko matu tola ko imelako tapata poso meme doraekako, ako komi quli ta ko madoeka inio sole meko oqu. So sole meta pui eri kimevou, kama quli vairu ama quli kio kota ereiva, ta pui kimevou.
So sole vairutu azo, meko miduku kale ama saevo kale meta odiziomo vo Baṉara ko vatolo kale, melai pui me ṉaviko zario kale, koko odiemelako ruqe kasi.
A roquemelani baerebaere poso mela, komi kio aṉako omuqama riki a rikiekako mekasi. Aṉata a rikieka komia omuqa riki tu a zaubarimelo me tu meta sidopu me elou meko kerukeru kale.
