1 Pita 2:1 - BAṈARA KO VAIRU AMA LEVELEVEO

¹ So sole meta vaekomo kiadama meko ruqeruqe ama kalo ni lipalipato. Ni meta pui se kekai lipalipaitani ko sidopu jari kalo. Ni pui me qonoilou ni pui me ruqe kasemou se edolomu. Meta me vaekou koa kiadama quli meko saevo kale azo.

1 Pita 2:1 교차 참조

Matiu 15:7

Me lipalipa kamela! Ko quli vo Baṉara ovai bazuekema vo poropita Aisea tu o rikieko mekale avo ta tuvevo ama,

Matiu 23:28

So jari pado inio me, meko kupekupe ta memai lipaeka meko uri ama kalo ko ereko kiadama maba poso, melai meko omele ta lipalipa kama kerukeru, ni Baṉara ko Bazu ko pazoko,” ma kiolake vo Jisu.

Matiu 24:51

Ni vovo lekasa ta matuma koqotato o kativou tu vota okai zomanou se kekai lipalipaitani ko sidopu ke kovo ama koqotato. Nio sai nio seke zialoa koi ni taka ke roinaroinaekoa koi,” kiolake vo Jisu.

Matiu 7:5

Ṉoa lipalipa kalaṉa! Kazieka kuleto ṉo ṉaviko vilu kale ama kobukobu, saita inio ṉota ṉo qelou ni ṉo qaziekou ṉovo lolo ko vilu kale ama vuruvuru.

Maka 12:15

Melai Jisu ta lula obe tamai nianiia seko ruqe ama vatolo, sole vota eri ma kiolake, “Meta mela zaria pala inio madoelo aṉa! Kati kuemoni ka pado koa siliva seleni tu a qelo,” kiolake.

Luke 11:44

Matu ruqe ama quli kio ko melai barolou me! Meta omadeuvo ko moimamoimari ama niami jaria mela, ko maba madu pui kai nianiio kale kekai lojoako seke talia keru. Ako maba poso ta pui kekai nianiia ko sapeoma quli niami kale ama, ni so jari pui kekai nianiia ko ruqe ama quli meko bulo kale ama sole!”

Luke 12:1

So maqa inio kubo vuro maba ta ke padoivake, ni seta keta matu ibaibaekiniake ni keta jutujutuekiniake, nio eri kiolake vo Jisu kuleto voko disaipeli madu kasi, “Tama balauvomo se Parese madu, ako seta lipalipa kamu sole.

Luke 6:42

Ṉota pui eri kio ṉovo lolo kasi, ‘Zariela tu aṉata ada ṉa kazieko ṉoko vilu kale ama vuruvuru,’ kiṉovou, melai ṉo ṉaviko vilu kale ta ikoana matuma kobukobu! Noa lipalipa kala ṉa! Kazieka kuleto ṉo ṉaviko vilu kale ama kobukobu, saita inio ṉota ṉo qelou ni ṉo qaziekou ṉovo lolo ko vilu kale ama vuruvuru,” kiolake.

Jone 1:47

Ni so keru Jisu o vea keru vo Nataniala obeta kueva keru vokasi, inio vota eri kiolake vokale avo, “Nei nio vo ṉisa Izireli ala maba, puliama vai vailizato sala!” kiolake.

Romu 1:29

So sole kubo azaazama ruqe poso ta komai sukata, ruqe, muino, sebito, konoilo, vouvato, pazokinio, lipalipato ni kideipo; maba vai pesio

1 Koriniti 14:20

A qaka ni visi poso mela, meta pui meqora jari elo meko kerukeru kale; meta molele poso jari emo meko sidopu kale tu pui ereko ko ruqe, melai meta rapukomo meko kerukeru kale.

1 Koriniti 5:8

So sole animeta me male kai zoleilo vo Karisito ko vou anime kaqe se kekai zoleiva jari seko Alokato ko ṉojola. Omadeuvo seta ke kie ko isiti pide ama bereti jari animeta me male tu sidopu me elo ni me qaseko ko tuveano, ni pui me ereko ko ruqe ni sarueko.

2 Koriniti 12:20

Aṉata ada ṉava aṉako barolo keru sai tu kelo kama edolovo elo meko, aṉa pui a mela zariani jari me, ni meta me qelou aṉako edolovo elo, pui meko aṉa la zario tu so jari a elo. Aṉata ada ṉava tu aṉata a qelou kama aivekinio ni konoekinio, korakorailo ni kiadailo, kama tirazo ni maba kai pesio, aikailo ni birebire elo.

Epesasi 4:31

So sole meta vaekomo kiadama pasopasoilo ni korakorailo ni bomuilo ni karaṉo ni ruqe kasemo edolomu. Ni meta pui mata me erekou kama kideipo sama quli.

1 Tesalonaika 2:3

So keru eṉe ṉe bazubazute keru mekasi eṉeko bazubazuto ta pui kama sarusaru ama quli topi ama, ni pui kama eṉeko pazopazoilo sama kerukeru sate, ni pui eṉeko kama ubeubemelo kale ama.

1 Timoti 3:11

Seko reko poso melai uri ama kalo saṉa ke elou ni pui kekai pesiovou ko maba, ni seta pui ke matu nozuekou ko piza kama ju melai seta kiadavoa kerula kamu ke elo.

Taitasi 2:3

Omadeuvo jari ṉota bazuema se qole ama reko poso tu ke ereko uri ama kalo koko malezimo ama sea rekoreko se Baṉara ko maba madu. Seta pui kekai pesiovou ko maba ni pui piza kama ju ko mabaku ke elo. Seta kekai nianiiekatou ko uri ama kalo,

Hiburu 12:1

Sea matu kubo animeko taite poso se kekai bazuteni seko oqu ta inisiana animeko levoano kale, so sole animeta me ṉamukou kiadama quli koko tizaemelako anime, ni ko sarueko poso koko matu raitimelako anime, tu pataito kale animeta mebeta zomano animeko rereo kale ama voziekinio kale ko animeko kuleto ko inainaivako.

Jemisi 1:21

So sole meta vaekomo kiadama kuna kama kalo ni kiadama ruqe ama iruruputo. Katiziomo Baṉara kasi ni ṉeamukomo ko bazu vo o papakako meko bulo kale, koko roveako pakiemelo me.

Jemisi 3:14

Melai meta me dukiekou bulo kale ko konoilo ni muino, ta meta pui aikailo sidopu kai lipalipaito kale.

Jemisi 4:11

Meta pui kuirikinio me ṉavio kude, me aṉako tamania kalea mela. Ako vo kuiripato saṉa o ivani kala lotu maba ma o titizivani, vota kuiripato saṉa o ika ko Tabu ama Bazu ni vota o titizika. Ni meta me ditizikou ko Tabu ama Bazu, ta me inio ko me pui me zorikani mela ko Bazu, ni me inio me ditizikani mela ko.

Jemisi 4:5

Pui lipato iko ko tuveano Tabu ama Riki topi ama ko so kikolako, “Vo maba ko auvana vo Baṉara lula o vaekema anime tona ta kokai sukata ko ṉaloṉalo ama vatolo.”

Jemisi 5:9

A lolo poso mela, meta pui ṉuruṉuruekinio me ṉavio kude, so inio vo Baṉara ta pui o titizimelou me. Vo Titizato ko Maba ta sipole, vota obeta inainaova tu kasa o elo.

1 Pita 2:16

Ni meta saevomo ruparupasi ama maba poso jari; melai meta pui eri kimevou, “Eṉeta ruparupasia ṉela, so sole ṉe rovea ereko ko ruqe.” Melai meta vo Baṉara ko mabaku emo.

1 Pita 2:22

Ako vota puliama sarueko sala ni pui o lipalipatani sole.

1 Pita 3:10

Ako ko Tabu ama Riki kikovevo ta eri nio sole, “Kala ta oka zariovou zoleilo voko saevo kale, ni oka zariovou kovo uri ama taku, ta vota pui o ruqe pesiovou ni pui o lipalipatou.

1 Pita 4:2

So sole vairutu azo, meko miduku kale ama saevo kale meta odiziomo vo Baṉara ko vatolo kale, melai pui me ṉaviko zario kale, koko odiemelako ruqe kasi.

1 Pita 4:4

Melai erisaṉa se kutumana kamu ta ke melai vuzeiva me, ako meta pui memai zomana sole se koa ruqe ama kalo poso seke erekako kale, ni so inio seta ke ruqeruqe kasemela me.

Kelokelozato 14:5

Seta maba puliaka taku kepa lipalipate ni seta saruilo pide amu.