1 Pita 1:7 - BAṈARA KO VAIRU AMA LEVELEVEO

⁷ Ako komia tapata poso ta ko kasa pueka sole meko oqu ko rurubiatana. Ni komia oqu ko bulebule ta kokai paloasa qolo ko bulebule. Ako qolo ta ko kasa puiva koko bulebule uza kale melai ko qolo ta kota niumailou. Melai meko oqu ko bulebule kale inio vo Baṉara ta o ilusimelou me ni o ṉaṉaidara puemelou ni o rauraemelou so keru Jisu Karisito mata o vaitou keru.

1 Pita 1:7 교차 참조

Matiu 19:28

Nio vo Jisu ta eri kiolake sekasi, “Aṉata a bazuemela me, tovama ṉaniu kale aṉa maba a eveni lala a bapuvou keru aṉako ṉaṉaidara kama lekasa puo ko papupapu topi nio me aṉako toni omuqa lulupato ko maba poso mela melai me bapuvou aṉa sate me ṉaviko papupapu topi, ni mema lekasa puovou koa toni omuqa toutou Izireli.

Matiu 25:21

Nio nea lekasa ta eri kiolake vokasi, ‘Matu uria laṉa ni sidopu ala nabulu ṉa, ṉota uri ṉo ereka silo ama iruruputo kale, sole aṉata raura a iṉou ṉo matuma iruruputo kale. Kua tu zomane aṉako ṉojola kale ni zolei aṉa sate,’ kiolake.

Matiu 25:23

Nio nea lekasa ta eri kiolake vokasi, ‘Matu uria laṉa ni sidopu ala nabulu ṉa, ṉota uri ṉo ereka silo ama iruruputo kale, sole aṉata raura a iṉou ṉo matuma iruruputo kale. Kua tu zomane aṉako ṉojola kale ni zolei aṉa sate,’ kiolake.

Luke 12:33

Meta kai tatabaraomo meko lomaloma poso ni katimomo koko seleni se ozaoza kamu. Koa keve kale meta erekomo kama noqola vesa seleni ko, ko pui kopa purailo ama, ni vailikomo ko aukale ama batiro, tu se kuilokuilo amu ta pui ke kovou, ni puliama kokorosi kopa niumaekou.

Luke 17:30

So jari pado inio ko kalo avo aṉa maba a eveni lala kasa a elou keru.

Jone 12:26

Vo oka zariani la nabuluputo aṉa ta o luluelo aṉa, tu voa aṉavo nabulu ta o elou aṉa sase sai aṉa a eloa koi. Ni aṉavo Mama ta o rauraevou vo vo ola nabuluputo ala aṉa,” kiolake.

Jone 5:44

Meta meqa zaria rauraekinio me ṉavio kude, melai meta pui me erekani mela ko quli vo tuvevo ala Baṉara okai rauraemelo ama me, nio noni kale inio meta me roveovou tuvevo puelo aṉa?

Iruruputo 8:20

Melai Pita ta o vati tiorikake vo ni eri va kiolake, “Ṉo ni ṉoko seleni ta olako heli kale, ako ṉota ṉo qerukeruta ta ṉota ṉo roveovou tatabaraeko vo Baṉara ko katizato seleni kale kiṉola inio kio!

Romu 2:10

Melai vo Baṉara ta o puarikou ko ṉaṉaidara, raurailo, ni bule se uri ke erekani kasi, Jiu amu kasi kuleto ni so jari se pui Jiu amu kasi.

Romu 2:29

Melai vo tuvevo ala Jiu ta vo Jiu o evani bulo kale inio, ni koa tuvevo ama moveilo sala voko bulo kale ni auvana kale, ni ko ikio vo Baṉara ko Auvana ko erekako, pui Mosese ko Bazu ko erekako. Voa maba soala inio o koa ko raurailo vo Baṉara kasi azo ama, pui maba kasi azo.

Romu 2:7

Seke erekani ko uri ta koa kalo kale inio seta ke zuatika ko ṉaṉaidara, ni raurailo, ni noqola kama saevo, ni se inio vo Baṉara o katimo amu koa noqola kama saevo.

Romu 8:19

Kiadama quli koko ereima ta ko matu tareka vo Baṉara ko kasa imo voko meqora poso.

1 Koriniti 3:13

Ni kiadama maba poso ko iruruputo ko kalo ta ko keazailou so keru vo Karisito ko Ṉaniu kale kasa ko elou keru. Ako koa Ṉaniu kale ko uza ta ko madoekou koa iruruputo ko tuvevo ama epa ni koko male avo.

1 Koriniti 4:5

So sole meta pui me ditizatou puliako koko tutututuki ama taku baro. Ko tuvevo ama titizato ta ko ereilou so keru animevo Lekasa o kilou keru. Vo inio zakaremu o iko ala se maba poso ko mutamuta kale ama kerukeru ni vatolo. Ni animea kiada mela ta meqai okotou kovo animeko male ama ilusato Baṉara kasi azo.

Jemisi 1:12

O zoleiva tisoiko voa maba vo o pataitani voko oqu kale tapata ko taku keru, ako voko pataito kale soama tapata keru, vota o kovou ko saevo, koa reketekete vo Baṉara lula oma inainaekako seke roquevani vo.

1 Pita 1:13

So sole meta uria inainaomo meko kerukeru kale tu me luluevou vo Lekasa Jisu, ni kati vailomo me ṉaviko saevo, ni vinaekomo kerukerueko koa pakiezato sama roquano vo Jisu Karisito o katimelo ama voko vaito keru.

1 Pita 1:5

Kota me kaqe, vo Baṉara ko pizato ko melati vailani mela meko oqu kale. Voko pizato ta ko melati uria vailou me ti kobeta barolou meko pakio. Koa pakio ikio ko mela inainaivako ni kasa ko elo ama komia peuru ma peuru ko paitopaito kale ama taku kale.

1 Pita 2:4

Vo Lekasa Jisu inio kala saevola lado jari ala, ni vo inio se maba poso komia peuru ma peuru kale amu pui kepa vai zarini. Melai vo inio voa lado vo Baṉara o pitoeveni ako vota matu qulepo ala vokasi sole. So sole meta kuemo vokasi.

1 Pita 2:7

Nea lado ta o matu tauvemela me tuvevo me ivani mela, melai se pui tuvevo ke ivani kasi ta eri nio: “Voa lado se orumato ko maba madu pui kepa vai zarini, vo inio erisaṉa voa qulepo ala lado o evani.”

1 Pita 4:12

A baerebaere poso mela, meta pui meqai ṉavailou ko matu tola ko imelako tapata poso meme doraekako, ako komi quli ta ko madoeka inio sole meko oqu. So sole meta pui eri kimevou, kama quli vairu ama quli kio kota ereiva, ta pui kimevou.

1 Pita 4:13

Melai meta zoleimo ako meta me qoa sole vo Karisito o koema tola jari ama tola. So inio meta me matu zoleilou so keru vo Karisito o vaitou keru voko pizato ni ṉaṉaidara sate.

1 Pita 5:1

Me lotu qoqono ko vilua pikopiko madu mela, aṉata aqa zaria melai bazueko me kama quli aṉako pado ama bulo sate. Ako aṉa melai kala vilua pikopiko lala ni aṉa inio a qeveni lala vo Karisito ko tola ni vou sole. Ni aṉa inio mata aqai zomanoa lala voko ṉaṉaidara vo Karisito o vaitou keru. Nio aṉa inio a bazuemela me

2 Pita 1:1

Aṉa Saimone Pita lala vo Jisu Karisito vo nabulu ni apositolo lala. Aṉata a joroeka aṉako riki mekasi, me matu qulepo ama oqu samela kasi eṉe ṉe qoema oqu jari ama. Ni meta me ṉeamuka koa oqu ako animevo Baṉara ni Pakio Jisu Karisito ta ijatiniavo o kavani ni sidopu ala sole.

2 Pita 1:4

inio vota o katimele voko matuma ni aqasiele ama puaro poso vo leveleveo o mela ikema. Ni koa puaro poso kale inio me roveovou zomano vo Baṉara o kavani jaria kalo. So inio peuru ma peuru kale ama ruqe ama zario poso ta pui ko niumaemelou me.

2 Pita 3:14

So sole lolo poso, me darekou keru koa ṉaniu ta matu madoekomo tu bulebule ni sarueko pide emo vo Baṉara ko vilu kasa ni vati odouvikiniomo vo Baṉara.

Jiudi 1:24

Erisaṉa vokasi o roveani melati vailo kiadama pialo kale azo, tu o lojoemelo me remeremedu pidea mela voko ṉaṉaidara ko tanama kale zolezolea mela;

Kelokelozato 1:7

Keatini, vota ota kilou lei poso kale! Sea kiadamu peuru ma peuru kale amu ta ke velou vo, seke vouvaeveni melai ke velou vo. Ni kiadama maba poso miduku kale amu ta duki keva elou vo. Kota tuvevo ko elou! Emeni.

Kelokelozato 2:10

Meta pui taka ṉalo koa tapata poso koko kilo ama mekasi. Ako keatini! Vo Setani ta o kilou madoemelole me ni kake mela meta ke vaemelou pirito pade kale, ni koa meko tapata poso ta toni ṉaniu kale inio kobeta ziovou. Melai meta lai oqumo aṉa, ti kobeta barou seko vouvaemelo melai, nio aṉata a qatimelou me koa noqola kama saevo, omadeuvo seke kuleani voziekinio kale ta ke koa seko tarapae jari.

Kelokelozato 3:10

Meta lula me zorika aṉako bazu meko inobea pataito kai elo ko naqunaquto kale, so sole aṉata a bakiemelou me kiadama tapata kale azo koko kuevako peuru ma peuru kale amu tona, tu kota ko madoemo kiadama maba madu se miduku kale ke evani.

Kelokelozato 3:18

Aṉata a uria bazuemela me tu meta tatabaraekomo ko qolo aṉa kasi azo, koa bulebule ama qolo, tu meta au kalea batiro emo. Ni so jari meta tatabaraekomo ko tapo suma tu kai kiazaekomo meko quraqurati ama lava pide elo. Ni so jari meta tatabaraekomo kama meresini tu kai raibikomo meko vilu, so inio meta me roveovou kelokelozato.