1 Pita 1:6 - BAṈARA KO VAIRU AMA LEVELEVEO

⁶ Ni ko ikio ko matu zolemelako me. Esa puju ama taku kale erisaṉa inio azaazama tapata poso ta duki ko imela me, melai mebe kai zoleiva meko pakio.

1 Pita 1:6 교차 참조

Matiu 11:28

Kuemo mea kiada mela aṉa kasi, meme jairokani mela meko boriko meko duki ama bouro poso, tu aṉata a qatimelo ko mamazo.

Matiu 26:37

Ni vota o mati olake sea toni omuqa kale azo Pita, ni Jemisi ni Jone, Zebeti ko meqora kidi, ke kiadakoi. Ni Jisu ta matu upotuqu ota evake,

Matiu 5:12

Melai meta matu zoleimo, ako meko reketekete aukale ama ta matu ko elou sole. Ako koa omadeuvo inio lulavo ke imevo jari se poropita madu, ni vo Baṉara ta o katimake se poropita madu matuma reketekete, so sole vota mata o katimelou me matuma reketekete.

Luke 1:47

aṉako auvana ta ko zoleiva ako vo Baṉara ta aṉavo Pakio sole,

Luke 10:20

Melai meta pui kai zoleilo ko ziolo ko zorimelo me, melai meta zoleimo ako meko ṉi poso ta lula kota rikiziovi aukale tu meta Baṉara ko qoqono kalea mela sole,” kiolake.

Luke 2:10

Melai voa mateana ta eri kiolake sekasi, “Pui ṉalo! Aṉata meko uri ama bazu salala, koko kati kilo ama ko matuma zoleilo kiadama maba kasi.

Jone 16:22

So jari inio ko me, meta mainio upotuqu meda elou, melai aṉata tova a qilou ni aba mela lelou mata, ni meko bulo poso ta kokai sukatou ko zoleilo, koa zoleilo puliala opa tamela kovo ama me.

Jone 16:33

Aṉata so kiala mekasi tu meta me qovou ko bule meko saevo omadeu kati elo kale aṉako saevo. Komia ruqe ama peuru ma peuru kale ama maba poso ta ke katimelou me ko duki ni riṉoteṉote. Melai meta parani putomo! Ako aṉata lula koqo a ika komia ruqe ama peuru ma peuru ko pizato sole!” ma kiolake vo Jisu.

Iruruputo 14:22

Ni nioqako ziokale nioqata qo pizatimake seke liliziovini maba poso ni qo zuvarimake tu seta tuvevoa noqoilo ke elo seko oqu kale so sole eri kiqolake. “Animeta me doraekou kubo tapata poso koa keve kale, koko odiemelo ama anime vo Baṉara ko lekasa puo kale,” kiqolake.

Romu 12:12

Meta zoleimo meko kai keru kale ko kilo ama saevo, ni kaitiziomo meko tapata keru, ni vararaitomo kiada keru.

Romu 5:11

Pui koko kiada, melai animeta meqa zoleiva ko quli vo Baṉara o erekema vo animevo Lekasa Jisu Karisito kale, vo erisaṉa anime Baṉara ko baerebaere poso o imelani.

Romu 5:2

Vota lula o odiemela anime oqu kale vo Baṉara ko pakiezato sama roquano kasi, sai anime me evakoi. Sokale avo inio animeta meqa zoleiva ko animeko piza kama keru, tu kai zomano vo Baṉara ko ṉaṉaidara!

Romu 9:2

Aṉako upotuqu ta matu ti matuma ni aṉako bulo kale ama tola ta paito pide ama

2 Koriniti 4:17

Ni eṉeko komia silo ama ni puju ama tola poso ikio ko odieṉela eṉe matu ṉaṉaidara kama reketekete kale, koa matuma ni paito pide ama reketekete, ko silo jaria kelo ko ikako koa kiadama tapata poso.

2 Koriniti 6:10

eṉeta kama upotuqua ṉela, melai eṉeta ṉe zoleiva kiada keru; ni eṉeta ozaoza kaṉela inio, melai eṉeta batiro ṉe ima matu kubo madu; eṉeta pulia quli saṉela, melai koko tuveano ta eṉeta kiadama quli saṉela.

Qelesia 5:22

Melai vo Tabu ala Auvana o puratikako kalo ta eri ama, roquano, zoleilo, bule, pataito niumaniumato kale, baiseo, uri ama kalo, kerula elo,

Pilipai 2:26

Ako vota oka matu zaria tu o mela lelo sole mea kiada mela. Ni vota tiṉoliṉoli ota eva ako meta me viqe ta vota ota verepe sole.

Pilipai 3:3

Ako anime inio tuvevo avole vo Baṉara ko mela anime me ilusivani mela vo Baṉara voko Auvana kale ni anime meqai rauraivani mela animeko omadeu vati elo vo Jisu Karisito, ni pui me qerukeruekani mela ta Baṉara ta sidopu mela kiola animeko tupu kale ama saevo kale avo.

Pilipai 4:4

Ni meta zoleimo kiada keru, ako meta omadeu saevo me vati evani mela vo Lekasa Jisu sole. Ni aṉata mata eri kiala mekasi, meta matu zoleimo.

1 Tesalonaika 1:6

Meta me ṉeamuke ko Uri ama Bazu koa zoleilo sate, koko kuevako vo Tabu ala Auvana kasi azo, rouka mebe toraeke melai ko matuma tapata meko lulueko kale avo koa Bazu. Ni meta me lulueke eṉeko ni Lekasa Jisu ko kalo.

Jemisi 1:2

A lolo poso mela, meta zoleimo so keru kiadama tapata poso ko barou keru mekasi,

Jemisi 1:9

Vo ozaoza kala lotu maba ta o zoleilou, ako Baṉara ta o rauraeva vo sole,

Jemisi 4:9

Duki emo, ni ziaroreputomo, ni zialomo. Besiekomo meko niureo zialo kale, ni meko zoleilo ta upotuqu ko elo.

1 Pita 3:17

Ako uri tu animeta me dolailou sidopu ko ereko kale, vo Baṉara ko vatolo ko elou ta, melai maba pui uri tu tolailo ruqe ko ereko kale.

1 Pita 4:7

Koa taku kiadama quli ko ruvuro ko ta sipole, so sole meta inobe emo ni vailomo tu meta me roveovou vararaito.

1 Pita 5:10

Tuvevo meta me dolailou matu puju ama taku kale. Melai vo Baṉara ta o matu roquemelani me, ni vota lula o nokaemelani me tu meta meqai zomanou voko noqola kama ṉaṉaidara vo Karisito ko mela voukale. Ni meko tolailo ko tova vota o korotimelou me ni o zaubarimelou me, ni o pizatimelou ni o vinaemelou me.