Biblia Todo Logo
온라인 성경

- 광고 -




1 Pita 1:25 - BAṈARA KO VAIRU AMA LEVELEVEO

25 melai vo Baṉara ko Bazu ta noqola ko elou kiada keru,” kikovema. Ni ko ikio koa Uri ama Bazu ko lula ko pikairiako mekasi.

장을 참조하십시오 복사




1 Pita 1:25
23 교차 참조  

Tuvevo avole aṉata a bazuemela me, puliama kama supi vo Mosese ko Bazu kale ama quli ta kopa besiziovou, ti kobeta barolou miduku ni au ko paitopaito ni kiadama quli ko ruvuro.


Melai pui tapata tu ko au ni miduku ta ko ruvuro, melai puliama kama supi vo Mosese ko Bazu kale ama quli ta kopa besiziovou.


Puliako peuru ma peuru ereilo, inio vo Bazu ta obeta eve; vota o eve Baṉara sase, ni vota vo Baṉara tisoiko.


Ni voa Bazu ta maba o evake, ni vota o loivake eṉe kasi. Ni eṉeta ṉeda va keve voko ṉaṉaidara ko kokai sukatema ko roquano ni tuveano. Ko ikio koa ṉaṉaidara vo Mama vo pado Meqora okai evema.


Ako so keru aṉa abeta eva keru mekasi, aṉata lula a vatoeke tu a melai bazubazuevou me vo Jisu Karisito ni voko vou korosi topi ama ko kiada.


So inio vo Karisito ta o kuevi ni okai bazubazute Baṉara ko bule me pui Jiu amu mela kasi me vaṉa me eveni mela Baṉara kasi azo, ni so jari vota okai bazubazutake Baṉara ko bule se Jiu amu kasi se lula sipole ke eveni Baṉara kasi.


Ako aṉa inio matu zara kalala sole se vo Baṉara ko maba madu kasi azo. Melai vo Baṉara ta o katilake aṉa komia puaro; vota o katilake komia sake tu aṉa inio amai bazuekoa lala se pui Jiu amu vo Karisito ko aqasiele ama Uri ama Bazu, ko puliala opa roveovo ama podetiko.


ni koa tutututuki ama taku kale vota kasa o ikake voko bazu kale. Ko ikio koa Uri ama Bazu vo Baṉara animevo Pakio o katilema aṉa tu aqai bazubazuto.


Seta lula kekai nianiiani seko saevo kale ko Baṉara ko pesio ta uri ama, ni seta lula ke lainika Baṉara ko lekasa puo ko pizato poso.


Ni vo Baṉara ta kasa o ike se poropita madu kasi, ta seko bazubazuto ko iruruputo ta pui ke ṉaviko uri, melai kota meko ikio sole. Ako seta ke mela irurupute inio me so keru se kekai bazute keru lulavo ko tuveano ko meda ma viqako vairutu sea bazubazuto ko maba poso kasi, se kekai bazutani ko Uri ama Bazu vo Tabu ala Auvana ko tauvemo kale vo o kuevini aukale azo. Se mateana madu melai kekai matu zaria paqumuko komi quli.


Ako meta meda tova alilake sole, ni meko vairu ama saevo ta pui kopa purate ko vouma quli kale, melai kota ko kuevi ko quli pui ko vouvako quli kale azo. Ako meta me dova alilake vo Baṉara ko saevoma ni paito pide ama Bazu kale.


Melai meta kai zariomo ko bulebule ama ni tuvevo ama nianiiekato, omadeuvo se molele poso jari se kekai zariani ko susu, ako so inio meta me rapukou meko auvana kale ni me bakiovou.


Ni komi quli kale inio animeta me rovea uria tuvevo pueko se poropita madu kikevevo. Sole uri tu me luluekou se kikevevo, ako seko bazu ikio ko bokerimelako me tu meta me bitasikou ko uri ama nianiiekato ruqe ama kale azo, kota ko juke koko taloako kutumana kale jari sole, ni koa juke ta kobeta talolou ti kobeta raneovou, ko ikio, ti obeta vaitou vo Lekasa Jisu ni me maba vai nianiiovou vo Baṉara. Kota omadeuvo raneodola ko zakaremu kobeta talolou meko bulo poso kale jari sole.


Eṉeta ṉe mela rikita me saevo ko Bazu kale avo, voa Bazu, vo puliako komia peuru ma peuru ereilo o eveni kale avo. Ako eṉe inio ṉe viqe ni ṉe veveni ṉela ṉe ṉaviko vilu kale ni ṉe uria toiritoirive ni ṉe qamaveni ṉela eṉeko ṉase kale sole.


Ni vo eṉe ṉe veveni ni ṉeda va viqeni, vo inio mata ṉe melai bazueva me, tu meta omadeu lolopareo me ṉelati elou eṉe voko vai nianiio kale. Ni koa omadeu lolopareo animeko ta mata animevo Mama Baṉara ni vovo Meqora Jisu Karisito sate inio.


Ni aṉata mata a veake kala pado mateana vo o akazani okate vasi okale, noqola kama ni uri ama bazu sala tu o kaseko se miduku kale ke evani maba poso kasi, kiadama toutou poso kasi, se aza pesiomu, kiadama qoqono kale amu ni se azaaza tupu amu kasi.


우리를 팔로우하세요:

광고


광고