1 Pita 1:23 - BAṈARA KO VAIRU AMA LEVELEVEO

²³ Ako meta meda tova alilake sole, ni meko vairu ama saevo ta pui kopa purate ko vouma quli kale, melai kota ko kuevi ko quli pui ko vouvako quli kale azo. Ako meta me dova alilake vo Baṉara ko saevoma ni paito pide ama Bazu kale.

1 Pita 1:23 교차 참조

Matiu 24:35

Au ni miduku ta kota ruvurou melai aṉako bazubazu ta maba pui ti pui kopa ruvurou,” kiolake.

Luke 8:11

Ni vo Jisu ta obeta olake pesio ni eri kiolake, “Komi kio koa podepodeti pesio ko kio ni kalo. Koa rui ta vo Baṉara ko bazu.

Jone 1:13

Seko Baṉara ko meqora poso elo ta pui dara ni tupu kale ama alilo kale pala, ni pui kala miduku kale ala mama ko alilimo kale, melai vo Baṉara inio sevo Mama.

Jone 1:3

Vokale kude inio Baṉara ta o ereke kiadama quli; ni koa kiadama quli ta ko erei voa Bazu kale kude peuru ma peuru ko tanitanila keru.

Jone 3:3

Nio Jisu ta o vati tiorikake vo, “Tuvevo avole aṉata a bazueṉa ṉo, puliala maba ta opa roveovou kelo vo Baṉara ko lekasa puo puliako vo mata tova alilo,” kiolake.

Jone 3:5

Nio Jisu ta o vati tiorikake vo, “Tuvevo avole aṉata a bazueṉa ṉo, puliala kala pado maba ta opa roveovou kai amaqeo vo Baṉara ko lekasa puo vo pui nio o alilani ju ni Baṉara vo Auvana kale.

Jone 6:63

Vo Baṉara vo Tabu ala Auvana inio o saevizatani, maba ko pizato ta puliama saevizato sama. Koa pesio poso aṉa lula a qasekako mekasi ta pizato sama tu kota ko vati kilo vo Baṉara vo saevizato sala Auvana.

Romu 1:23

ako seta kekai besieka vo noqola kala Baṉara ko ilusato, seko beku poso ke erekako omadeuvo vo puju ama saevo sala maba jari amu, ma koko akazako biaṉabiaṉa poso ma ko ariku kiti ama biaṉa poso ma koko vaerako ni koko rajaivako biaṉa ko ilusiko kale.

Hiburu 4:12

Ako vo Baṉara ko pesio ta saevoma ni piza kama, ni kota kokai paloasa ko omuqa rana ivoivo ama benisi ko ivo. Kota tutumazi avole ko jataeka omele ama saevo ni auvana maba ko saevo kale ama. Kota kasa ko ika vo maba ko mutamuta kama vatolo ni kerukeru poso voko bulo kale ama.

Jemisi 1:18

O ṉaviko vatolo kale vota o saevimela anime tuvevo ama bazu kale, tu animeta me qovou ko raura kama zae kiadama quli vo o erekema kasi azo.

1 Pita 1:25

melai vo Baṉara ko Bazu ta noqola ko elou kiada keru,” kikovema. Ni ko ikio koa Uri ama Bazu ko lula ko pikairiako mekasi.

1 Pita 1:3

Animeta me ilusivo vo Baṉara, vo animevo Lekasa Jisu Karisito vo Mama. Ako voko matuma akoekato sama roquano kale inio vota o katimele anime vairu ama saevo. Ni so jari vota o katimele piza kama tuvevo puto sama kerukeru tu animeta me qovo ko noqola kama saevo, koa piza kama tuvevo puto sama kerukeru o katimelema vo Jisu Karisito ko mata saevo kale voukale azo.

1 Jone 3:9

Vo Baṉara ko meqora poso lula ke evani ta pui kiada keru ke erekani ko sarueko, ako koa vairu ama saevo vo Baṉara o katimako ta se tona, ni seta lula Baṉara ko meqora poso ke evani sole.

1 Jone 5:18

Ni animeta meqai nianiia ta se lula Baṉara ko meqora poso ke evani ta pui kebeta olani ereko ko boutare. Ako vo Baṉara vo Meqora ta o mati vaila sole, ni vo Setani ta pui opa niumaemou se.