1 Pita 1:22 - BAṈARA KO VAIRU AMA LEVELEVEO

²² Meta lula bulebule me evani mela vo Baṉara ko tuveano ko zoriko kale, tu me roquemou meko lolo poso lipalipa pide ama roquano kale. So sole roquekiniomo muli tuvevo avole meko bulo kale.

1 Pita 1:22 교차 참조

Jone 15:17

So sole aṉata a bazuemela me, tu roquekiniomo muli.”

Jone 15:3

Ni vota lula o puputimele jari me koa bazubazu kale aṉa lula a qasekema mekasi.

Jone 17:17

So sole ṉota ṉo ṉaviko madu ima se ṉoko tuvevo ama bazu kale, ako ṉoko pesio ta tuvevo ama sole.

Jone 17:19

Seko kio kale avo inio aṉata a qatizia ṉokasi, tu se melai ke luluekou aṉa a qavani ni tuvevo avole ke katiziovou ṉokasi.

Iruruputo 15:9

Vota pui edolovoa puariko opa eve anime kasi ni sekasi, ni vota ota ma akoekake seko sarueko poso ako seta ke tuvevo putake sole.

Iruruputo 6:7

Nio vo Baṉara ko bazubazu ta kobeta olake pailailo. Ni seke tuvevo putani ko ataataiti Jerusalema ke eveni ta matu kubo kota evake, ni matu kubo siama madu ta ke tuvevo putake koa taku.

Romu 1:5

Vo Jisu kale kude inio aṉata a qoe ko uri ama apositolo ko iruruputo tu rauraevo vo Karisito, tu ke odizio se maba poso kiadama toutou peuru ma peuru kale amu tu ke tuvevo puevo ni ke zorivo vo.

Romu 2:8

Se kiadailo ko maba poso ni ke vaekani ko sidopu, tu seta ke ereko ko ruqe ama kalo, se inio komai voreziovo amu ko Baṉara ko iqailo.

Romu 8:13

Ako meta soa saevo me elou, ta meta meda vouvou. Melai vo Baṉara ko Auvana kale meta me vouvaekou ko sarueko ko iruruputo, ta meta meda saevou.

2 Koriniti 6:6

Eṉeta lula kasa ṉe ika eṉeko va nabuluputo vo Baṉara eṉeko bulebule ama saevo kale, ni eṉeko nianiio ni paṉao ni eṉeko puaropuaro kale, vo Tabu ala Auvana kale, eṉeko tuvevo ama roquano kale,

Qelesia 3:1

Me sarube ama Qelesia mu mela! Meta kake inio kebe matu uria lipalipaemela! Ako meta mebe uria viqeni mela inio sole vo Jisu Karisito o erekema quli voko voukale korosi topi.

Qelesia 5:5

Melai eṉeta oqu kale, ni eṉeko tuvevo puto sama kerukeru kale ni vo Tabu ala Auvana ko zuvarato kale inio eṉeta ṉebe tareka vo Baṉara ko sidopu iṉelo eṉe.

Qelesia 5:7

Meta matu uria zio mebeta eve meko vai oqu vo Karisito meko matuma madolo kale, sole lala inio o dokolimele meko lulueko kale ko tuvevo ama keve?

Epesasi 4:3

Ni meta omadeu emo vo Tabu ala Auvana ko bule kale, ni meta matu madoekomo ni omadeu beta zio emo voko bule kale. So inio voko bule ta omadeu ko imelou me.

Pilipai 1:9

Ni aṉata a melati vararaita me tu meko roquano ta ko rapukou matuvole, tu meta me qovou ko tuvevo ama nianiio meko roquano kale.

1 Tesalonaika 3:12

Animevo Lekasa inio o rapukikou meko roquekinio me ṉavio kude ni meko roquemo kiadama maba poso, tu kota ko kati ijatinia puekiniou eṉe ṉe imelania roquemelo me.

2 Tesalonaika 1:3

Ṉe visi poso ni ṉe qaka poso mela, eṉeta ṉe ilusiva vo Baṉara kiada keru mekale avo. Ni kota sidopu tu eṉeta ṉe ereko koa kalo ako meko vai oqu vo Baṉara ta kota rapuka sole ni meko roquekinio melai kobeta ola rapuko sole.

2 Tesalonaika 2:13

A visi ni kaka poso, animevo Lekasa o roquemelani mela, eṉeta ṉe ilusiva vo Baṉara kiada keru mekale avo, ako so inio koko male sole. Ako vo Baṉara ta lula o pitoemele me peuru ma peuru ko tanitanila keru azo tu meta me bakio Tabu ala Auvana ko pizato kale, tu kota voko tabu ama maba poso ko imelo meko kai oqu kale voko tuveano.

1 Timoti 1:3

Aṉata aṉa zaria ṉo tu beta eve Epesasi peuru kale, lula ṉati kiavevo jari so keru aṉa Masedonia peuru poso kale a qeve keru. Ako kama maba poso ta kebe kai nianiiekata sai ko lipalipa kama lotu ko bazu poso; tu ṉota maba dokolimo eve se.

1 Timoti 1:5

Aṉata a bazueṉa ṉo tu dokolima se, ako aṉata aqa zaria tu sea lotu qoqono ta ke roquekinio rurubiatana kama bulo kale, ni uri ama vatolo kale, ni tuvevo ama oqu kale.

1 Timoti 4:12

Ṉota pui zarievo kala tu vota o zaraeṉo ṉo ṉoko vairu beta elo kale avo, melai ṉota kala kevepito eve seke tuvevo putani kasi, ṉoko pesio kale, ni ṉoko kalo kale, ni ṉoko roquano kale, ni oqu, ni ṉoko bulebule ama saevo kale.

1 Timoti 5:2

ni se qole rekoreko poso ta ṉo niania poso jari, ni se vairu ama rekoreko poso ta ṉo jaqi poso jaria roquemo ni mati vailo eve kiadama ṉoko bulebule ama kalo sate.

2 Timoti 1:14

Vo Tabu ala Auvana ko pizato kale, vo obeta evani anime tona, ṉota kati vaile ko Uri ama Bazu ko tuveano, vo Baṉara ṉai keru kale lula o vaekako ṉoko ṉase topi.

Hiburu 11:8

Vo Ebarahami ta ovai oqui vo Baṉara ni vota o zorive vo so keru vo Baṉara o nokaeve keru tu vota o tanito talio tu o zio kama pado peuru kale vo Baṉara o kativo ama ka kiolako tu vota o ṉeamuko ko. Vota o vaekake voko ṉisa peuru kai nianiio pideakoi sai vo o ziovoa koi ka kiolakoi.

Hiburu 13:1

Mea lotu tamania me evani mela vo Karisito kale, meta pui epezo roquekinio.

Hiburu 5:9

Baṉara ta lula o uria korotikake voko vatolo vokale kude saita inio vota sea kiadamu seke zoriveni vo ko noqola kama pakio ko raki o evake,

Hiburu 6:10

Ako vo Baṉara ta matu sidopu ala kiadamu kasi. Vota pui ukaka opa ikou meko iruruputo ni ko meme buratikema roquano meko tauvemo kale lula ni erisaṉa vo Baṉara ko qoqono voko ṉikale.

Hiburu 9:14

Melai vo Jisu ko dara ko pizato ta kokai paloasa soama biaṉa poso ko dara tu bulebule ko imo se maba poso. Ako vo Jisu ta maba sidopu ala siqasiqa o evake Baṉara kasi o ṉavi anime kaqe vo noqola kala Tabu ala Auvana ko pizato kale, so sole vota bulebule o ika animeko bulo poso tu animeta pui me lulueko ko utube ama iruruputo koko melati ziovo ama auvana kale ama voukale, tu animeta meva nabuluputo ni me luluevo vo saevola Baṉara.

Jemisi 1:21

So sole meta vaekomo kiadama kuna kama kalo ni kiadama ruqe ama iruruputo. Katiziomo Baṉara kasi ni ṉeamukomo ko bazu vo o papakako meko bulo kale, koko roveako pakiemelo me.

Jemisi 4:8

Kuemo Baṉara ko sipole, ni vota o kilou meko sipole. Meta liliziomo meko sarueko poso kale azo, me sarueko poso samela! Rurubiatana ikomo meko bulo poso, mea maba poso mela me meqai lipalipaitani mela ko sidopu!

1 Pita 1:2

Vo Baṉara animevo Mama ta o vatoeke lulavo ni o pitoemele me tu vo Tabu ala Auvana ta voko tabu ama qoqono mela o imelo, ni so inio vo Jisu Karisito ta bulebule o imele voko dara kale ni meta me zorive vo. Vo Baṉara ko roquano ni bule ta ko melai avoziovou me.

1 Pita 2:17

Meta meda ma paṉaovou kiadama maba madu, ni me roquemou seke luluevani vo Jisu, ni meda va matu paṉaovou vo Baṉara kiadamu kasi azo, ni meda va paṉaovou vo aikovakova.

1 Pita 3:1

Ni koa omadeuma kalo kale inio me rekoreko poso mela ta me zorimou meko lasive poso. So inio meko lasive poso ta pui kebe tuvevo puekou vo Baṉara ko Bazu melai meko uri ama kalo kale inio meta me lilimou se tu seta ke zorikou vo Baṉara ko Bazu, pulia quli mebe kasekou melai.

1 Pita 3:20

Ni se inio ko se pui kepa zoriveni vo Baṉara Noa ko taku keru. Vo Baṉara ta matu inobea taremo o evake Noa obeta orumata keru ko vaka melai seta pui ke zorivake. Ni pui kubo madu inio se melai siotolu madu ke kiada inio ke amaqeake koa vaka kale ni ke pakiovi koa jukale.

1 Pita 3:8

Ni tovatovama aṉako pesio kale, aṉata eri kiala mekasi. Mea kiada mela ta omadeu elo emo bule kale. Madoekomo tu mati lainikomo edolomu ko duki ni zoleilo me ṉavio kude. Ni tamania jaria roquekinio emo. Ni tauvekiniomo ni pui aikailo me ṉavio kude.

1 Pita 4:17

Ako vo Baṉara ko titizato ko taku ta sipole kota barolou, ni vo Baṉara ko maba madu mela inio kuleto me ditiziovou. Ni koa titizato ta ko taniziovou anime voko maba madu mela kasi, so sole se pui ke zorikani vo Baṉara ko Uri ama Bazu ta maba ṉaloṉaloa tapata ke elou koa titizato komai barolou keru se.

1 Pita 4:8

Melai ko matu qulepako quli ta roquekiniomo muli meko pado ama bulo kale. So inio meta me mati odouvikiniou kiada keru meko lolo poso seke sarueko amu mekasi.

2 Pita 1:7

ni meko baisemo meko lotu tamania madu, ni ko roquano.

1 Jone 3:11

Komi kio koa bazu anime me viqema koko tanitanila keru azo: animeta me roquekinio muli.

1 Jone 3:23

Ni komi quli kio vo Baṉara o melai bazuekako: animeta tuvevo me ivo vovo Meqora Jisu Karisito ni me roquekinio muli omadeuvo vo Jisu melati kiovevo jari.

1 Jone 4:12

Ako puliala maba inio o veani sole vo Baṉara. Melai animeta me roquekiniou, nio vo Baṉara ta o elou anime tona. Ni animeta me roquekiniou muli, inio voko roquano ta ko maba puratou animeko kalo kale.

1 Jone 4:20

Ni kala ta eri kiovou, “Aṉata a roqueva vo Baṉara” kiovou, ni ovai kaikuapou vovo lolo, ta vota lipalipa kala. Ako noni kale inio vota o roquevou vo Baṉara vo pui o veani, ni ovai kaikuapou vo vovo lolo obe veani o vilu kale? Puliala inio so opa roveovou sole!

1 Jone 4:7

A baerebaere poso, animeta me roquekinio muli, ako roquano ta vo Baṉara kasi azo ko kuevako ikio sole. Ni voa maba vo o roquanani ta vo Baṉara vo meqora ni vo inio ovai nianiiani vo Baṉara.

Kelokelozato 2:4

Melai ko aṉa pui ko zolelako quli mekasi ama ta eri nio: meta pui me roquela aṉa erisaṉa omadeuvo kulekuleto me roquele aṉa jari.