1 Pita 1:2 - BAṈARA KO VAIRU AMA LEVELEVEO

² Vo Baṉara animevo Mama ta o vatoeke lulavo ni o pitoemele me tu vo Tabu ala Auvana ta voko tabu ama qoqono mela o imelo, ni so inio vo Jisu Karisito ta bulebule o imele voko dara kale ni meta me zorive vo. Vo Baṉara ko roquano ni bule ta ko melai avoziovou me.

1 Pita 1:2 교차 참조

Matiu 24:22

Melai vo Baṉara ta lula o vatoeka tu puju o ikou koa matuma tapata ko taku, melai vota pui puju o ikou tea, puliala inio opa saevo. Melai voko pitopito ama maba poso ko tauvemo kale avo inio Baṉara ta puju o ikou koa taku.

Matiu 24:24

Ako se lipalipa kama Pakio vo Baṉara o pitoemeni kikelani ni se lipalipa kama poropita madu ta ke podakou, ni ke erekou aqasiele ama quli ni ṉavaṉavala kama quli tu ke saruemo se lula vo Baṉara o pitoemeni, kebe mai roveovou ta.

Matiu 24:31

Ni kala mateana ta o matu puzekou ko kuvili, ni aṉata a joroemou aṉako mateana madu komia peuru ma peuru kale, ni seta ke padoemou aṉako pitopito ama maba poso kiadama zaekale azo.”

Maka 13:20

Melai vo Baṉara ta lula o vatoeka tu puju o ikou koa matuma tapata ko taku, melai vota pui puju o ikou tea, puliala inio opa saevo. Melai voko pitopito ama maba poso ko tauvemo kale avo inio Baṉara ta puju o ikou koa taku.

Maka 13:22

Ako se lipalipa kama Pakio vo Baṉara o pitoemeni kikelani, ni se lipalipa kama poropita madu ta ke podakou ni ke erekou aqasiele ama quli ni ṉavaṉavala kama quli tu ke saruemo se vo Baṉara lula o pitoemeni, kebe mai roveovou ta.

Maka 13:27

Ni aṉata a joroemou aṉako mateana madu komia peuru ma peuru kale, ni seta ke padoemou aṉako pitopito ama maba poso kiadama zaekale azo,” kiolake.

Luke 18:7

Noi nio? Vo Baṉara ta pui opa titizimou se ruqe amu, seke niumaemani o ṉaviko madu se kevai titiani ipu ni ṉaniu tu o tauvemo, kio? Vota pui taukavole opa tauvemou se, kio?

Iruruputo 15:18

So inio kiolake vo Baṉara vo okai bazuteni ko matu lulavo.’ ”

Iruruputo 2:23

So keru vo o katiziovi keru meko pizato kale vo Baṉara ko vatolo ni korokoroti kale, meta mema luavive vo se kutumana kama maba madu ti seta ke mela vouvaevake vo korosi topi.

Iruruputo 20:32

“Ni erisaṉa aṉata a vaemela me vo Baṉara ko vailo kale tu voko tauvezato sama roquano ko bazubazu ta ko melati vailou me, ni ko pizatimelou me ni ko katimelou me koa reketekete vo Baṉara oma inainaekake kiadama voko tabu ama lotu maba poso.

Romu 1:5

Vo Jisu kale kude inio aṉata a qoe ko uri ama apositolo ko iruruputo tu rauraevo vo Karisito, tu ke odizio se maba poso kiadama toutou peuru ma peuru kale amu tu ke tuvevo puevo ni ke zorivo vo.

Romu 1:7

Aṉata a rikita mea kiada mela Romu peuru kale me evani mela kasi vo Baṉara o roquemelani kasi ni vo lula o nokaemelani tu o ṉaviko mela me elo. Vo Baṉara animevo Mama ni vo Lekasa Jisu Karisito ko pakiezato sama roquano ni bule ta ko elou me tona.

Romu 11:2

Vo Baṉara ta pui opa ṉamume o ṉaviko maba madu, se lula o pitoemeni koko tanitanila keru. Meta meqai nianiia Ilaija okai pesiovima quli, koko kasekako kale, so keru vo o olaquapute keru Baṉara kasi se Izireli qoqono mai buzaro kale:

Romu 11:28

Ako seta ke bikoirika ni ke vaeka ko Uri ama Bazu, ni kokale avo inio se Jiu amu ta vo Baṉara ko kana madu ke evake, me pui Jiu amu mela meme ṉeamukani mela koa Bazu kale avo. Melai Baṉara ta o pitoeme seko taite poso ni mata kokale avo inio vota o roquema se Jiu amu.

Romu 15:16

vo Jisu Karisito nabuluputo kale se pui Jiu amu ma koidipo kale. Aṉata a nabuluputa kala pado siama jari kai bazubazuto kale vo Baṉara kasi azo ko kuevako Uri ama Bazu, tu se pui Jiu amu ta koroto ama siqasiqa jari ke elou Baṉara kasi tu seta tabu ke elou vokasi vo Tabu ala Auvana kale.

Romu 16:19

Kiadama maba ta lula ke viqa meko sidopu sama iruruputo vo Jisu Karisito ko Uri ama Bazu kale, ni Sokale avo inio aṉata a mela zoleiva me. Aṉata a mela zaria me tu meta nianiio emo, uri ama quli kale, ni meta rurubiatana emo ruqe kasi azo.

Romu 16:26

melai erisaṉa inio kota kasa kota eva se poropita madu ko riki poso kale, ni vo saevola Baṉara ko soru ko lulueko kale kota lula zakaremu komai eva kiadama peuru ma peuru kale ama qoqono poso, tu kiadamu ta ke tuvevo puto ni ke zoripato.

Romu 8:13

Ako meta soa saevo me elou, ta meta meda vouvou. Melai vo Baṉara ko Auvana kale meta me vouvaekou ko sarueko ko iruruputo, ta meta meda saevou.

Romu 8:33

Ni lala inio kuiripato sana o imelo ala anime, vo Baṉara lula o pitoemeleni mela? Puliala! Ako vo Baṉara inio o sidopu puemela anime sole!

1 Koriniti 1:30

Ni vo Baṉara inio lula omadeu o melati ivani anime vo Jisu Karisito, ni vo Baṉara ta lula o katimela anime voko ṉisa nianiio vokale. Vokale inio animeta lula sidopu me eva vo Baṉara ko kelokelozato kale; ni vokale inio animeta vo Baṉara ko tabu ama maba poso me evani mela ni ruparupasia mela.

1 Koriniti 6:11

Kake mela me ta soa mela lulali. Melai erisaṉa meta lula saqasaqa me evani mela sarueko kale azo, ni meta lula Baṉara ko tabu ama maba poso me evani mela, ni meta lula sidopu me evani mela Baṉara ko kelokelozato kale animevo Lekasa Jisu Karisito mela voukale ni vo animevo Baṉara ko Tabu ama Auvana melai elo kale me. Taka papariomo ruqe ama iruruputo ko pauveko

2 Koriniti 10:5

eṉeta ṉe qoqotaeka kiadama lipalipa kama rauraraurailo koko tizaemake se maba poso tu pui kevai nianiio vo Baṉara; eṉeta ṉe lilika maba poso ko kerukeru tu seta kevai zoriko vo Karisito.

2 Koriniti 13:14

Vo Lekasa Jisu Karisito ko pakiezato sama roquano, ni Baṉara ko roquano, ni vo Tabu ala Auvana ko bairumuo ta ko elou me tona.

Kolosi 3:12

Me inio vo Baṉara ko mabamu mela, vo lula o pitoemeleni mela ni o roquemelani mela tu meta o ṉaviko me elo. So sole meta roquekiniomo meko tauvekinio kale, ni isuatomo, ni zarazaraimo, ni baisekiniomo, ni inobe emo.

2 Tesalonaika 2:13

A visi ni kaka poso, animevo Lekasa o roquemelani mela, eṉeta ṉe ilusiva vo Baṉara kiada keru mekale avo, ako so inio koko male sole. Ako vo Baṉara ta lula o pitoemele me peuru ma peuru ko tanitanila keru azo tu meta me bakio Tabu ala Auvana ko pizato kale, tu kota voko tabu ama maba poso ko imelo meko kai oqu kale voko tuveano.

2 Timoti 2:10

so sole aṉata a noqoiva pataito kiadama tapata kale tu a dauvemo vo Baṉara ko maba madu, tu seta ke kovo ko pakio ni noqola kama ṉaṉaidara Jisu Karisito kasi.

Taitasi 1:1

Aṉa Paula lala, Baṉara vo nabulu ni kala pado vo Jisu Karisito vo apositolo lala, ta a rikieka komia leta. Vo Baṉara ta o pitoele ni o soroele aṉa tu a dauveko voko maba poso ko oqu ni amai nianiiekiko se koa tuvevo ama nianiiekato, koko odiemo ama uri ama lotu saevo kale.

Hiburu 10:22

So sole animeta me qilou vo Baṉara ko sipole ni mevai oquvou vo Jisu Karisito ni me qativou animeko pado ama bulo, ako vo Jisu ko dara ikio bulebule ko ikema animeko pado ama bulo poso, tu meqai nianiio ta vo Baṉara ta lula o akoeka animeko sarueko, ni lula bulebule o imela anime kio.

Hiburu 11:28

Nio voko vai oqu kale vo Baṉara inio vota o taniekake ko Alokato ko Ṉojola kiadama sabere poso ko ereko kaqe, ni o bazuemake se Izireli amu tu ke vouvaeko ko sipi ko meqora ni ke pirupusaeko koko dara seko veutu tonama barabara topi, tu vo vouvato ko mateana ta pui o vouvaemou se Izireli amu ko kaka kama lasive meqora poso.

Hiburu 12:24

Meta lula meda baroa vo Jisu kasi vo o pizatikeni ko vairu ama leveleveo vo Baṉara o erekema maba poso kasi. Voko dara ikio koko pirupusaima, ko kasa ko ikako akoekato sama roquano tu anime kaqe, koko taka qulepako vo Ebolo ko dara vaitotola sama.

Hiburu 5:9

Baṉara ta lula o uria korotikake voko vatolo vokale kude saita inio vota sea kiadamu seke zoriveni vo ko noqola kama pakio ko raki o evake,

1 Pita 1:14

Ni meta zorivomo vo Baṉara mevo Mama, ni pui mata kai zario ruqe ama quli ko meme erekema ko paloasako taku kale, me puliako vai nianiio vo Baṉara.

1 Pita 1:19

Melai Baṉara ta o tabarimele me vo Karisito ko qulepo ama dara kale, voa siqasiqa Sipi ko Meqora jaria bulebule ala ni remedemede pide ala kale.

1 Pita 1:20

Ako vo Karisito inio o pitoini sole puliako komia peuru ma peuru ereilo, melai vota kasa o eva komia tovatovama taku kale mekale avo.

1 Pita 1:22

Meta lula bulebule me evani mela vo Baṉara ko tuveano ko zoriko kale, tu me roquemou meko lolo poso lipalipa pide ama roquano kale. So sole roquekiniomo muli tuvevo avole meko bulo kale.

1 Pita 2:9

Melai me inio voko pitopito ama qoqono mela, ni voko siama madu mela meva nabuluputani mela vo Aikovakova Baṉara, voko tabu ama maba poso mela, ni o ṉaviko jiku mela. Ni me inio vo Baṉara o pitoemeleni mela tu meqai bazutou koa aqasiele ama quli vo o mela erekema. Ako vota o nokaemele sole me kutumana kale azo o ṉaviko aqasiele ama zakaremu kale sole.

2 Pita 1:2

Baṉara ko pado ama pakiezato sama roquano ni bule ta o katimelou me meko vai nianiio kale vo Baṉara ni Jisu animevo Lekasa.

2 Jone 1:1

Aṉa lotu ko vilua pikopiko lala, ta a rikieka komia riki ṉoa pitopito ama rekoreko ṉa vo Karisito kalea laṉa kasi ni ṉoko meqora poso kasi: Aṉata tuvevo avole a roquemela mea kiada mela, ni pui aṉa a qiada melai sea kiadamu se kekai nianiiani ko tuvevo ama bazu melai ke roquemela me.

2 Jone 1:13

Noko pitopito ama visi vo Karisito kale ama ko meqora poso ta ke soroeka seko roquano ṉokasi. A baika.

Jiudi 1:2

Ni aṉata a melati vararaita me, tu baiseo, ni bule, ni roquano ta ko sukatou me tona.