1 Pita 1:18 - BAṈARA KO VAIRU AMA LEVELEVEO

¹⁸ Ako meta meqai nianiia ta meta kalo pidea saevo me eveni mela meko taite poso ke kaevo jari lulavo. Melai vo Baṉara ta o pakiemele me. Vota o tabarimele me ni o rupasimele me meko taite poso ke erekema jari ama kalo kale azo. Ni ko quli me ko rupasimelema quli ta pui ko quli ko niaqariako quli kale omadeuvo siliva ni qolo.

1 Pita 1:18 교차 참조

Maka 8:37

Pulia quli ta opa katikou tu o kovo ko noqola kama saevo.

Romu 1:21

Seta kevai nianiia vo Baṉara, melai seta pui ke rauraeva vo ni ke ilusiva vo voko malezivako raurailo kale, ako ko utube ama kerukeru poso ta niuniala ni kutumana kota ma ika seko bulo poso sole.

1 Koriniti 3:20

ni mata kama pado zaekale ta so kikola, “Vo Baṉara ta okai nianiia ko se nianiiomu ko kerukeru ta utube ama ikio.”

1 Koriniti 6:20

Ako meta lula o tatabaraemeleni mela vovo Meqora ko voukale. So sole meta vai ilusikomo vo Baṉara meko saevo.

1 Koriniti 7:23

Baṉara ta lula o tatabaraemele me kama pado tatabara kale, tu meta pui maba ko mabaku poso me elo.

Qelesia 1:4

Vo Jisu inio o katimeleni anime voko saevo tu o akoeko animeko boutare ni o rupasimelo anime komia peuru ma peuru anime meqai evako ko ruqe ama pizato poso kale azo, ako so inio vo Baṉara ko vatolo kikovevo sole.

Epesasi 4:17

Vo Lekasa Jisu ko ṉikale aṉata a melai bazueka komi quli, ni a balauvimela, tu meta pui mata me dova luluekou se pui ke tuvevo putani ko saevo jari ama saevo. Ako seko kerukeru ta utube ama sole,

Taitasi 2:14

Vota o katiziovi tu o vou anime kaqe, tu o mela tabariko animeko rupasio kiadama ruqe kale azo ni o saqaemelo anime tu o ṉaviko qoqono mela me elo ni dikidauputole me ereko ko uri.

Hiburu 9:12

So keru vo Karisito okai amaqeovi keru omadeu pado taku kale ko malezikako kiadama taku koa Matu Tabu ama Zae ta pui opa borike ko bulumakau ni qouti ko dara tu o ereko kama pado siqasiqa, melai vota o borike o ṉaviko dara ni kokale animeta me qoe ko noqola kama pakio animeko sarueko poso kale azo.

1 Pita 1:7

Ako komia tapata poso ta ko kasa pueka sole meko oqu ko rurubiatana. Ni komia oqu ko bulebule ta kokai paloasa qolo ko bulebule. Ako qolo ta ko kasa puiva koko bulebule uza kale melai ko qolo ta kota niumailou. Melai meko oqu ko bulebule kale inio vo Baṉara ta o ilusimelou me ni o ṉaṉaidara puemelou ni o rauraemelou so keru Jisu Karisito mata o vaitou keru.

1 Pita 4:3

Ako lula koko paloasako taku kale meta me niumaeke matu kubo taku kutumana kamu ke erekako kalo kale. Meta meqai ṉamuke ko taku ko pauvezato, ni tupu kale ama viluloqu, ni kiada keru me japosapoita ko piza kama ju. Ni meta me ereke ko olavo ama ni ruqeruqe ama kalo ni me ilusike ko beku meko kuvaruvaru ama kalo kale.

1 Jone 3:5

Ni meta meqai nianiia ta Karisito ta o kuevi tu o ṉamuko ko sarueko ni vota sarueko pide ala.