1 Pita 1:12 - BAṈARA KO VAIRU AMA LEVELEVEO

¹² Ni vo Baṉara ta kasa o ike se poropita madu kasi, ta seko bazubazuto ko iruruputo ta pui ke ṉaviko uri, melai kota meko ikio sole. Ako seta ke mela irurupute inio me so keru se kekai bazute keru lulavo ko tuveano ko meda ma viqako vairutu sea bazubazuto ko maba poso kasi, se kekai bazutani ko Uri ama Bazu vo Tabu ala Auvana ko tauvemo kale vo o kuevini aukale azo. Se mateana madu melai kekai matu zaria paqumuko komi quli.

1 Pita 1:12 교차 참조

Matiu 11:25

Nio koa taku keru inio Jisu ta eri kiolake, “Mama, au ni miduku ko Lekasa ṉa! Aṉata a qaseka aṉako uriavo ṉokasi, ako ṉota lula kasa ṉoma ika se lezumato pide amu kasi ko quli ṉo ṉoda ma mutakako se nianiiomu ni seke lezumatani.

Matiu 11:27

“Aṉavo Mama ta lula o katile aṉa kiadama nianiio ni pizato. Puliala ta olai nianiia aṉa vovo Meqora lala inio kio, melai aṉavo Mama o kiada inio olai nianiia aṉa, ni puliala ta ovai nianiia aṉavo Mama melai aṉa vovo Meqora lala inio avai nianiia vo ni sea poso aṉa vovo Meqora lala a bitoemani tu kasa a ivo vo.

Matiu 16:17

Nio Jisu ta o vati tiorikake vo Saimone ni eri kiolake, “Matu uri ṉo kiṉolani, Saimone, Jone vo meqora ṉa. Komia tuveano ta pui maba kasi azo ko kuevako, melai kota aṉavo Mama aukale ala o katiṉako ṉo,” kiolake vo Jisu.

Maka 16:15

Nio Jisu ta eri ma kiolake se, “Meta me ziovou kiadama peuru poso kale komia peuru ma peuru kale ni meqai bazutou aṉako Uri ama Bazu kiadama maba poso kasi.

Luke 15:10

Aṉata a bazuemela, omadeuvo so jari nio vo Baṉara ko mateana madu ta keva zoleiva voa omadeu maba sarueko sala vo o liliziani,” kiolake vo Jisu.

Luke 2:26

ni vo Tabu ala Auvana ta ovai puratikake vo ta vota pui opa vouvou melai vota o velou kuleto vo Baṉara o soroevo ala Pakio.

Luke 9:6

Ni se disaipeli madu ta ke zolaike ni ke taliake kiadama zavaṉa poso kale. Ni seta kekai bazubazutake ko Uri ama Bazu ni ke urikimake se maba poso kiadakiadakoi.

Jone 15:26

“Melai so keru voa Tauvezato o kilou keru, vo aṉa a joroevo ala mekasi vo Mama kasi azo, inio vota olai bazubazutou aṉa. Vo inio voa Tabu ala Auvana vo kasa o iko ala vo Baṉara ko tuveano.

Iruruputo 10:44

Ni so keru Pita obeta pesipesita keru inio vo Tabu ala Auvana ta ota podolo saqoro omai evake sea kiadamu seke didiekeni voko bazubazu.

Iruruputo 16:10

Eria kelo o evake vo Paula koa kelokelozato, ti ṉebeta zarizari a ke inio tu ṉe zio Masedonia, ako eṉeta ṉeqai nianiiake ta vo Baṉara inio o nokaeṉela eṉe tu ṉeqai bazubazuto ko Uri ama Bazu sai ke evani maba poso kasi kiṉelake sole.

Iruruputo 2:33

Vovo Mama Baṉara ta o koivieve vo Jisu aukale ni vota o papueve vo o ṉavi Baṉara ko palo rana vasia rana, ni vo Jisu ta o voake vokasi azo vo Tabu ala Auvana vo lula ova kaseveni tu o kativo. Ko erisaṉa meme qeako ni me viqako quli, ko ikio vo Jisu ko katizato vo eṉe tona o ṉelai raibikake.

Iruruputo 4:31

Ni so keru seke paika keru vararaito, koa zae seke kai padoivake ta kota nuvinuvitake. Ni vo Tabu ala Auvana ko pizato ta komai sukatake sea kiadamu ni seta ke taniekake kai bazubazuto vo Baṉara ko bazubazu parani putole.

Iruruputo 4:8

Sai nio vo Tabu ala Auvana ko pizato ta kovai sukatake vo Pita, ni eri ma kiolake, “Me Izireli qoqono ko vilua pikopiko ni lotu lekasa poso mela!

Iruruputo 8:25

Nio Pita ni Jone ta qo pikairikake qo ṉavi qo kevema quli vo Jisu o erekema ni qokai bazubazutake Lekasa ko bazubazu, ni koko tova inio nioqata qota vaitake Jerusalema. Ni nioqako zio keru sai nioqata qokai bazubazutake ko Uri ama Bazu Jisu ko kubo Sameria ma peuru poso kale.

Romu 1:15

Sokale avo inio aṉata aqa matu zaria so jaria kai bazuto komia Uri ama Bazu me Romu peuru kale me evani mela kasi.

Romu 1:17

Ako ko Uri ama Bazu ta kasa ko ika vo Baṉara ko sidopu imo se maba poso o ṉaviko vilu kasa: kota oqu ko kiada kale inio. Omadeuvo ko Tabu ama Riki kikovevo jari, “Voa maba voko oqu kale sidopu va kiolani vo Baṉara, vo o kiada inio o saevou.”

Romu 10:15

Ni noni ko kalou inio ko bazu ta ko kaseilou puliala bazubazuto ko maba o soroilou ta? Omadeuvo ko Tabu ama Riki kikovevo jari, “Matu zolezole ama quli anime kasi seko kati kilo ko Uri ama Bazu!” kikolako.

Romu 15:19

ni aqasiele ama iruruputo ni urikato ko pizato kale, ni vo Baṉara ko Auvana ko pizato kale. So inio kiadama talio kale Jerusalema azo ti ko baroa Ilirikamu peuru kale, aṉata lula aqai bazubazuta ko Uri ama Bazu Karisito ko kasevako.

1 Koriniti 2:10

Melai vo Baṉara ta lula kasa o mela ika koa bazu anime voko Auvana kale. Ako voko Auvana ta kokai nianiia kiadama quli ni so jari vo Baṉara ko repaso ama vatolo poso melai kokai nianiia.

2 Koriniti 1:22

vo lula o mamola puemelani anime ta animeta voko mela, ni vo o katimelani anime voko Tabu ama Auvana animeko bulo kale tu kota omadeuvo koko mamola jari ko elo tu ko melai kerukerueko kiadama mauruto vo tova o katimelo ama anime.

2 Koriniti 6:6

Eṉeta lula kasa ṉe ika eṉeko va nabuluputo vo Baṉara eṉeko bulebule ama saevo kale, ni eṉeko nianiio ni paṉao ni eṉeko puaropuaro kale, vo Tabu ala Auvana kale, eṉeko tuvevo ama roquano kale,

Qelesia 1:12

Ni kota pui maba kasi azo a qoako, ni pui kala o lati nianiiekikako ikio. Melai komi ta vo Jisu Karisito kasa ola ikema.

Qelesia 1:16

tu kasa ola ivo vovo Meqora, tu aṉata aqai bazubazutou voko Uri ama Bazu se pui Jiu amu kasi. Melai aṉata puliala maba kasi azo aba koe ko tauvezato sama nianiiekato.

Epesasi 3:10

Ako voko zario ta erisaṉa pado inio kiadama mateana madu ni kiadama ko lekasa puako ziolo poso ta melou vo Jisu ko lotu qoqono, nio kekai nianiiovou vo Baṉara ko nianiio kiadama quli kale.

1 Tesalonaika 2:9

Eṉeko visi poso mela, meta me qerukeruekou inio eṉeko matuma iruruputo mekasi ama. Ako eṉeta ṉe irurupute ipu ni ṉaniu tu eṉeta pui matu riteraite ṉe imelo me eṉeko kai bazubazuto kale mekasi ko Uri ama Bazu vo Baṉara kasi azo ama.

1 Timoti 3:16

Puliala maba ta opa roveovou taka zolio ko animeko oqu ko omele ama tuveano ta matu saqoroma, ko eri: Vo Karisito ta kasa o eve maba ko tupu tona, Tabu ala Auvana ta ota vai bazute voko tuveano ta vo inio animevo Lekasa, ni mateana madu melai ke veake vo. Vota lula kevai bazubazute peuru ma peuru, ni vota tuvevo ke ive peuru ma peuru, vo Baṉara o koivieveni aukale ama peuru kale.

Hiburu 11:13

Kiadama sea qole ama maba poso ta kevai oqui vo Baṉara ti kobeta baroi seko saevo poso ko paito keru. Seta pui nio ke koake vo Baṉara oma inainaekema quli, melai seta ke gelekake vaṉʼazo ni keka zoleike, ni seta pui keta ka kamiziake maba madu kio, se puliama zae samu komia peuru ma peuru kale.

Hiburu 2:4

Koa taku kale vo Baṉara ta o mati vinaekake ko voko pizato kale, voko ereko kale kiadama aqasiele ama iruruputo ni voko puariko kale azaazama iruruputo ko pizato Tabu ala Auvana kasi azo ko kuevako o ṉaviko vatolo kale.

Hiburu 4:2

Ako animeta lula me viqa ko Uri ama Bazu, lulavo kemai bazuekema jari ama. Seta ke viqe koa bazu, melai kota pui kopa tauveme se, ako so keru seke viqe keru ko, ta pui kepa ṉeamuke ni pui kepa kai oqui sole.

1 Pita 1:25

melai vo Baṉara ko Bazu ta noqola ko elou kiada keru,” kikovema. Ni ko ikio koa Uri ama Bazu ko lula ko pikairiako mekasi.

1 Pita 4:6

Sokale avo inio ko Uri ama Bazu ta ko pikairiovi se voumu kasi melai, tu koa Uri ama Bazu koko pikairiovima sekasi ta ko bokerimo se tu ke saevo auvana kale ama saevo vo Baṉara ko saevo jari ama, rouka seko voukale seta kebeta titiziake kiadama maba poso jari melai.

Kelokelozato 5:11

Ni mata a lilitakea lala inio ada ma dimanake se kubo vuro milioni mateana madu! Seta ke lojoake koa papupapu, ni koa ariku saevoma biaṉa poso ni lekasa poso ko levoano