1 Pita 1:11 - BAṈARA KO VAIRU AMA LEVELEVEO

¹¹ Ako vo Baṉara o soroeveni Pakio ko Auvana ta se poropita madu tona ko evake. Ni voa Auvana inio oma kasekeni se voa Pakio o kovo ama tola ni vou, ni voko ṉaṉaidara o kovo ama koa tolailo ni vou ko tova. Ni se poropita madu ta ke madoekake tu kekai nianiio vo Tabu ala Auvana oma kasekema quli ta noi keru ni lave ko taku kale inio ko ereilou.

1 Pita 1:11 교차 참조

Matiu 26:24

Ako aṉa maba a eveni lala ta soa vou inio a elo avo ko Tabu ama Riki kikovevo sole. Melai matu ruqe ama quli kio kovai barolou voa maba vo o saiqorilo ala aṉa maba a eveni lala, ni noni kaqe inio ota alile?” kiolake vo Jisu.

Luke 24:44

Ni vota eri kiolake sekasi, “Komi kio aṉa lula a melai bazuekema quli me so keru aṉa a melati eve keru me. Koa kiadama quli koko rikiziovima aṉa kolai ereivako Mosese ko Bazu kale, ni se poropita madu ko riki kale ni Devita ko kera kale ama ta tuvevo kota elou,” kiolake.

Jone 12:41

Aisea ta so kiove, ako vota o keve vo Jisu ko ṉaṉaidara, ni so inio vota o kasevake.

Iruruputo 16:7

Ni so keru se kekai baroi keru ko Maisia rana ko vado, seta ke madoekake tu seta ke zio Bitinia rana, melai Jisu vo Tabu ala Auvana ta pui o zariemake se.

Romu 8:9

Melai meta pui me jaeva ko meko tupu ko saevo ko kavani jari. Me inio me jaevani mela vo Baṉara ko Auvana ko melai bazuekako saevo kale, vo Baṉara ko Auvana tuvevo avole ko saeva meko saevo kale ta. Ako voa maba vo pui o koani vo Karisito ko Auvana ta pui vovo inio.

Qelesia 4:6

Ni meta vo Baṉara ko meqora poso mela. Sokale avo inio vo Baṉara ta o soroeke vovo Meqora ko Auvana animeko bulo poso kale. Ni voa Tabu ala Auvana kale inio meta eri kimela meko bulo ko vualavuala kale, “Mama, aṉavo Mama ṉa!” kimela.

2 Pita 1:21

Ako puliama se poropita madu ko bazu ikio kopa utu erei vo maba ko vatolo kale. Melai sea maba poso seke odiziani Tabu ala Auvana kale inio kekai pesiake vo Baṉara ko bazu.

Kelokelozato 19:10

Aṉata a loqunake voko kiti raki kasi tu a ilusivo vo kialake, melai vota eri kiolake aṉa kasi, “Pui ilusilo aṉa! Ako aṉata kala pado ṉokale ala nabulu lala inio, ni ṉoko lotu tamania kalea lala, ni seke kati inazani vo Jisu o puratikema tuveano kalea lala sole. Ilusiva vo Baṉara o kiada. Ako koa tuveano vo Jisu o puratikema ikio se poropita madu komai avoziako sole,” kiolake.