1 Pita 1:10 - BAṈARA KO VAIRU AMA LEVELEVEO

¹⁰ Se poropita madu ta ke uria vailike ni ke madoeke kai nianiio komia pakio ko kalo. Se inio seke pidokikeni ko pakiezato sama roquano koko kuevako mekasi.

1 Pita 1:10 교차 참조

Matiu 13:17

Melai tuvevo avole aṉata a bazuemela me, ko quli kubo poropita madu ni se Baṉara ko maba madu kekai zariovima kelo ikio meta me qea, melai seta pui kepa roveovi kelo, ni se kekai zariovima viqo ikio meta me viqa, melai seta pui kepa roveovi viqo,” kiolake.

Matiu 26:24

Ako aṉa maba a eveni lala ta soa vou inio a elo avo ko Tabu ama Riki kikovevo sole. Melai matu ruqe ama quli kio kovai barolou voa maba vo o saiqorilo ala aṉa maba a eveni lala, ni noni kaqe inio ota alile?” kiolake vo Jisu.

Luke 10:24

Ako aṉata a bazuemela me, ko quli kubo poropita madu ni se aikovakova poso kekai zariovima kelo ikio meta me qea, melai seta pui kepa roveovi kelo, ni se kekai zariovima viqo ikio meta me viqa, melai seta pui kepa roveovi viqo,” kiolake.

Luke 24:44

Ni vota eri kiolake sekasi, “Komi kio aṉa lula a melai bazuekema quli me so keru aṉa a melati eve keru me. Koa kiadama quli koko rikiziovima aṉa kolai ereivako Mosese ko Bazu kale, ni se poropita madu ko riki kale ni Devita ko kera kale ama ta tuvevo kota elou,” kiolake.

Jone 5:39

Meta me lezumuka ko Tabu ama Riki kikolani, ako meta eri kimela ta kokale inio me qovou ko noqola kama saevo kimela sole. Maba ko ikio koa Tabu ama Riki ko kolai bazutako aṉa,

Jone 7:52

Nio seta ke vati tiorikake vo, “Ṉo melai Qalili rana lana, kio? Lezumuka ko Tabu ama Riki ni ṉota ṉo baqumukou ko puliala poropita ta o purata Qalili kio, nea maba o kuevikoi kazo,” kikelake.

Iruruputo 10:43

Kiadama poropita madu ta kevai bazute vo, ni ke kaseke ta sea kiadamu seke tuvevo puevo amu vo ta kota ma akoilou seko sarueko poso vo Jisu kale kude,” kiolake.

Iruruputo 17:11

Ni saizama maba poso ta uri ama kerukeru samu pui se Tesalonaika mu jaria ruqe amu. So inio seta ke matu uria didiekake ko bazubazu, ni kiadama ṉaniu seta ke tiromikake ko Tabu ama Riki tu keta ka kelo vo Paula ni Sailasi kiqolani koko tuveano kikelake sole.

Iruruputo 28:23

So sole seta ke takumukake ko ṉaniu Paula sate, ni matuma vaki ta ke kuevake koa ṉaniu kale sai vo Paula o evakoi. Nio vikale azo ti kobeta baroake ipu kale vota zakaremu omai ikake vo Baṉara ko lekasa puo voko bazubazu kale, ni vota matuma pesipesi o mati erekake se voko zakaremu pueko kale Mosese ko Bazu ni poropita madu ko riki ko kasekako quli, tu tuvevo ke ivo vo Jisu.

Iruruputo 7:52

Sea lulavo ama poropita madu ta maba sea kiadamu ti ke toraeke ko niumaniumato meko taite poso kasi, ni se Baṉara ko bazu ke kati kuevini maba madu ta ke vouvaeme, seke kasekeni lulavo vovo sidopu ala Nabulu ko kilo. Ni erisaṉa meta lula me jaiqoriva vo ni me vouvaeva vo.

Hiburu 11:13

Kiadama sea qole ama maba poso ta kevai oqui vo Baṉara ti kobeta baroi seko saevo poso ko paito keru. Seta pui nio ke koake vo Baṉara oma inainaekema quli, melai seta ke gelekake vaṉʼazo ni keka zoleike, ni seta pui keta ka kamiziake maba madu kio, se puliama zae samu komia peuru ma peuru kale.

Hiburu 11:40

ako Baṉara ta lula o korotike ko uri ama vado pui se kaqe pala, melai anime ni se kaqe. Ako voko vatolo ta anime ni seta omadeu tovozo sidopu me elou, melai anime pide ta seta pui so.

1 Pita 1:11

Ako vo Baṉara o soroeveni Pakio ko Auvana ta se poropita madu tona ko evake. Ni voa Auvana inio oma kasekeni se voa Pakio o kovo ama tola ni vou, ni voko ṉaṉaidara o kovo ama koa tolailo ni vou ko tova. Ni se poropita madu ta ke madoekake tu kekai nianiio vo Tabu ala Auvana oma kasekema quli ta noi keru ni lave ko taku kale inio ko ereilou.

1 Pita 1:13

So sole meta uria inainaomo meko kerukeru kale tu me luluevou vo Lekasa Jisu, ni kati vailomo me ṉaviko saevo, ni vinaekomo kerukerueko koa pakiezato sama roquano vo Jisu Karisito o katimelo ama voko vaito keru.