1 Koriniti 8:9 - BAṈARA KO VAIRU AMA LEVELEVEO

⁹ Sole meko utu vuato ta pui kaitikaiti ama. Melai meta kerukeruemomo sea maba poso se lekuleku ama kerukeru samu, se sarueko ka kikelani beku kasi ko puariziako sailao ko kuo tu pui memai pikou se sarueko ka kikelako quli kale.

1 Koriniti 8:9 교차 참조

Matiu 18:10

Nio vo Jisu ta mata eri kiolake sekasi, “Meta balauvomo ni pui zaraemo nia meqora poso jari amu, ako seta mateana samu sole aṉavo Mama kasi aukale, seke mati vailani.

Romu 15:1

Anime lula pizaka mela oqu kale ta me dauvemo se lekuleku amu seko niuniala kale. Animeta pui me zoleilo me ṉavi pala.

1 Koriniti 10:24

Meta pui kerukerueko me ṉaviko tauvezio pala, melai edolomu ko tauvemo kio me qerukeruekou saita.

1 Koriniti 10:28

Melai kala maba ta eri ṉa kiovou ṉo, “Komia sailao ta lula ko puariziako beku poso kasi ikio,” kiovou, nio meta pui me quovou koa sailao. Meta me qerukeruevou voa maba vo o mela bazuekani ko so, ni pui me quovou, tu pui niuniala me ivou vo ako voko kerukeru kale ta kota sarueko sole.

1 Koriniti 10:29

Kota pui me ṉaviko kerukeru ikio koko tizaemela tu pui me quo, melai voa edolola maba ko kerukeru ikio ko tizaemela me. Esa kala mekale ala ta eria kuimanao o elou, “Noi sole inio edolola maba ko kerukeru ta ko tizaelou aṉa a erekako quli kale omadeuvo aṉata pui nio ruparupasia lala jari?

1 Koriniti 10:32

Meta pui ereko kama quli koko odiemo ama maba poso tu ke ereko se sarueko ka kikelako quli, Jiu amu kebe elou, ma se kutumana kamu kebe elou, ma vo Baṉara ko lotu qoqono kale amu kebe elou melai.

1 Koriniti 8:10

Ako kala maba vo lekuleku ama kerukeru sala ta o kelou ṉoko vuato beku ko jelepade kale ama, kota ko zarizarivou vo tu vota o kuovou ko beku poso kasi ko katiziako sailao.

1 Koriniti 8:12

Komia keve kale kude meta me jaruekou vo Karisito kasi meko saruemo kale se meko lolo poso ni tama niumaeko kale seko lekuleku ama kerukeru.

1 Koriniti 9:22

Se lekuleku ama kerukeru samu kasi a eva keru ta aṉa melai se jaria lekuleku a eva, tu se jaria lulueko kama tabu kale aṉata a lilimo se. So sole aṉata a mati ijatinia puekinia kiadama maba poso kiadama quli kale, tu kiadama keve kale aṉata a lilimou kake.

2 Koriniti 11:21

Aṉata ada qurata tu kaseko ko aṉata pui aba roveovi so imelo me! Esa aṉata matu lekulekua lala inio so, ma noi nio esa? Melai aṉata abeta ziovou sarube puto ni eri kiavou: kala maba ta ikoana sala vo okai rauraraurailo ama quli kiovou, nio aṉata avai paloasani lala vo kiavou.

2 Koriniti 11:29

So keru kala maba lekuleku o eva keru, aṉata duki aqai eva voko soama lekuleku, ni so keru kala maba ko sipativa keru ko sarueko, aṉata matu upotuqu ada eva.

2 Koriniti 6:3

Eṉeta pui ṉeqa zaria tu kala ta ota ṉela kelo kama saruilo eṉeko iruruputo kale, sokale avo inio eṉeta ṉe madoeka tu sidopua saevo ṉe elo kiadamu ko vilu kasa.

Qelesia 5:13

Melai a qaka ni visi poso, vo Baṉara ta o nokaemele me tu me rupasio. Melai koa meko rupasio ta pui tu meko ruqe ama zario kaqe, melai koko kio ni kalo ta meta tauvekiniomo roquano kale.

Kolosi 2:8

Balauvomo, tu puliala maba ta o melai nianiiekikou kama utube ama quli, maba ko quli pala, ni pui o lipaemelou me ni pui o saruemelou me, ako koa nianiiekato ta maba poso kasi azo ko vikuako, vikuvikula bazu kasi azo koko bikoirikako vo Baṉara ko bazu, ni ko kuevako peuru ma peuru kale ama azaazama ziolo poso kasi azo, kota pui Karisito kasi azo.

1 Pita 2:16

Ni meta saevomo ruparupasi ama maba poso jari; melai meta pui eri kimevou, “Eṉeta ruparupasia ṉela, so sole ṉe rovea ereko ko ruqe.” Melai meta vo Baṉara ko mabaku emo.

2 Pita 2:19

Ni seta leveleveo ke mati ika ko rupasio melai ke ṉavi ta pui ke rupasia ko quli koko niumaemo ama quli kasi azo, ako vo maba ta mabaku oka eva sole ko quli vo o lekasa puekako quli voko saevo kale.

Kelokelozato 2:14

Melai kama poso quli ta ikoana mekasi ko aṉa pui ko zolelako quli. Eri nio; kake ta inisiana me sase seke luluekani vo Beilami ko nianiiekato, vo o vati zaubari-keni vo Beilaki se Izireli amu ko zolizoliemo tu seta ke sarueko seko kuo kale ko sailao beku poso kasi lula kekai siqatake, ni seko pauveko kale ruqe ama iruruputo.