1 Koriniti 8:1 - BAṈARA KO VAIRU AMA LEVELEVEO

¹ Erisaṉa, ko me meqa kuimanaovako meko riki kale koa sailao poso koko katiziako beku poso kasi ko kalo. Ta tuvevo ko animea kiada mela lotu maba mela ta nianiio samela. Melai animeko nianiio ikio ko puratikako ko aikailo, melai roquano ikio ko tauvemelako anime.

1 Koriniti 8:1 교차 참조

Iruruputo 15:10

Noi sole inio meta meqa zaria meomeovo vo Baṉara meko mai sakeko kale ko duki ama bouro seke tuvevo putani, ko anime ni animeko taite poso pui meba roveovima boriko?

Iruruputo 15:29

meko pui kuo koa sailao ko lula ko katiziako beku poso kasi; ni pui kuo ko dara; ni pui kuo ke rouraekako biaṉa poso; ni balauvomo me ṉavi meko pauvezato ereko kale azo. “Meta me qati vailou komi quli poso inio meta uri ama iruruputo me erekou. “Meta emo sai vo Lekasa Jisu ko roquano kale.”

Iruruputo 21:25

Melai se pui Jiu amu seke tuvevo putani ta lula ṉemai soroeka ko bazu tu seta eri pala ke kalou: seta pui ke kuovou ko sailao beku poso kasi lula ko katiziako ni pui ke kuovou ko dara ni kama biaṉa ko ke mukiekako, ni seta pui ke erekou ko pauvezato,” kikelake.

Romu 11:25

A visi poso, ikoana kama pado mutamuta kama tuveano ko aṉa a mela zariako me tu kai nianiio, ako me baqumukou ko inio pui meqai abarou meko nianiio. Eri nio koa mutamuta kama tuveano; se Izireli amu ko pikipikinio puto ta pui noqola kama kopa elou, melai kota ko epezou so keru sea poso se pui Jiu amu ke kilo amu vo Baṉara kasi ke okotou keru.

Romu 12:16

Meta kerukeruekiniomo muli. Meta pui rauraraurailo, melai paṉao kale ṉeamukomo meko koidi. Ni meta pui kai aikailo meko nianiio.

Romu 14:10

So sole ṉo, ṉo pui ṉo quani ṉa ko marabau, ta noi sole inio ṉota kuiripato saṉa ṉo iva ṉovo visi? Ni ṉo, ṉo utu kuani ṉa kiadama sailao poso, noi sole inio ṉota ṉovai kedua ṉovo visi? Ako animea kiada mela ta me lojou vo Baṉara ko kuleto voko titizato kale sole.

Romu 14:14

Aṉako tuvevo puevo kale vo Lekasa Jisu inio aṉata tuvevo a ika ta puliama sailao ta ko kaitizia tu kuo vo Baṉara ko kelokelozato kale; melai kala maba ta tuvevo o ikou voko tuvevo puto kale ta kama sailao ta ko kaitizia kio inio, kota tabu ikio vokasi tu o kuo.

Romu 14:19

So sole animeta me zuatikou kiada keru ko bule ko erekako quli ni ko omadeu pizatimelo ko elo ama quli animea kiada mela.

Romu 14:22

Ko ṉoṉo duvevo puekako quli komi quli kale ta ṉo ni Baṉara ko tiania mutamutale kobeta elo. O zoleiva tisoiko voa maba vo pui niuniala okai evani vo kova zariziako quli kale!

Romu 14:3

Voa maba vo utu kuo o evani kiadama sailao poso ta pui o zaraevou voa maba vo pui o utu vuatani; ni voa maba vo pui o kuani ko marabau ta pui o titizivou vo utu vuato o evani maba; ako vota obeta korota vo Baṉara ko vilu kasa sole.

Romu 15:14

A visi poso mela: aṉata a uria paqumuka ta meta sidopua mela ni vo Baṉara ko nianiiekato me baqumukani mela, ni meta me roveani mela tu nianiiekikinio me ṉavio kude.

1 Koriniti 1:5

Ako meko omadeu elo vo Karisito kale ta meta lula roverovea mela kiadama quli kale sole, kiadama meko pesio kale, ni kiadama meko nianiio kale.

1 Koriniti 10:15

Aṉata a melati pesiovou omadeuvo nianiioma maba poso kasi jari, sole meta titizikomo ko quli aṉa a qasekako quli tu meda ka kelou kota uri ama ma pui uri ama.

1 Koriniti 10:28

Melai kala maba ta eri ṉa kiovou ṉo, “Komia sailao ta lula ko puariziako beku poso kasi ikio,” kiovou, nio meta pui me quovou koa sailao. Meta me qerukeruevou voa maba vo o mela bazuekani ko so, ni pui me quovou, tu pui niuniala me ivou vo ako voko kerukeru kale ta kota sarueko sole.

1 Koriniti 14:20

A qaka ni visi poso mela, meta pui meqora jari elo meko kerukeru kale; meta molele poso jari emo meko sidopu kale tu pui ereko ko ruqe, melai meta rapukomo meko kerukeru kale.

1 Koriniti 15:34

Kai vaitomo meko sidopu ama kerukeru ni epezomo lulueko ko sarueko sama keve poso. Aṉata a bazuemelou me tu kota ko quratimelou, ko kake mela ta pui nio mevai nianiia vo Baṉara sole.

1 Koriniti 4:10

Ako meko kerukeru kale eṉeta sarube amu ṉela vo Karisito vai nabuluputo kale, melai inio meta nianiio mela vo Karisito vai nabuluputo kale kimela; eṉeta lekuleku melai meta piza kimela; eṉeta zara kamu ṉela, melai meta raura kamu mela kimela!

1 Koriniti 4:18

Kake mela me ta lula meda raurarauraiva, ako meta so kimela, aṉata pui a qilou Koriniti soipimelole me kimela.

1 Koriniti 4:6

A qaka ni visi poso, aṉata a rikieka komi quli a ṉavi ni Apolosi ko kaseqelako quli tu a dauvemelo me tu eqeta meko mamola jari qe elo, tu eqe kale meta me vakakatou ko bazu ko kasekako quli, eri kikolako, “Meta luluekomo ko korokoroti ama bazu poso.” Puliala ṉa ta ṉovai rauraraurailou kala maba mata kala kasi azo.

1 Koriniti 5:2

Koa matuma boutare ta kobeta ereiva mekasi, melai inio meta meda raurarauraivani mela! Meta me male tu komia kalo ta duki ko imelo, ni voa maba vo o erekani ko quli ta saqorivomo meko lotu qoqono kale azo.

1 Koriniti 5:6

Meta pui me male aikailo! Meta meqai nianiia koa pesio so kikolako, “Matu silo pala isiti kio ko rovea rapukiko ko palava volevole.”

1 Koriniti 8:2

Ni kala maba ta vo inio vo matu nianiiola kiovo ala voko kerukeru kale, vota pui nio okai baroa koa nianiio koko male tu kai nianiio.

1 Koriniti 8:4

So sole koa sailao beku poso kasi ko katiziako ko kuo kale avo: animeta meqai nianiia ta koko tuveano ta vo beku ta puliala quli; ni me baqumuka ta omadeu Baṉara o kiada inio inovoana.

1 Koriniti 8:7

Melai pui kiadama maba poso inio ke paqumuka komia tuveano. Ako kake maba poso lula rosi ama taku malaṉaja kekai evani ko beku poso ta seko kuo kale ko soama sailao seta kebe kerukerueka ko soama sailao ta beku ko ikio kio. Seta pui ke rovea uria pitasiko sidopu ni sarueko nio ke lainika ta koa sailao ta kaqa ko ima Baṉara ko vilu kasa.

Epesasi 4:16

Ni komia pado ama tupu ta Karisito ko ikio. Ni kiadama komia tupu ko kata poso ta omadeu tauvekinio ni pizatikinio ko eva vokale. Kiadama koa tupu ko kata poso ta ko ereka ko ṉaviṉavi ko iruruputo poso. So inio komia pado ama tupu ta ko rapuka ni ko pizata roquano kale.

Kolosi 2:18

Meta pui zariemo tu kake maba poso ta kuiripato saṉa ke imelo me seko rauraraurailo sama pesio kale. Seta ke mela zaria me tu meta me lulueko seko kelokelozato, ko kokai bazutako ko mateana poso ko ilusiko. Se inio se zarazarailo ko maba madu, kikelani, melai seta keta aikaiva seko utube ama kerukeru kale.

Kelokelozato 2:14

Melai kama poso quli ta ikoana mekasi ko aṉa pui ko zolelako quli. Eri nio; kake ta inisiana me sase seke luluekani vo Beilami ko nianiiekato, vo o vati zaubari-keni vo Beilaki se Izireli amu ko zolizoliemo tu seta ke sarueko seko kuo kale ko sailao beku poso kasi lula kekai siqatake, ni seko pauveko kale ruqe ama iruruputo.

Kelokelozato 2:20

Melai ko aṉa pui ko zolelako quli mekasi ama ta eri nio: meta me zarieka koa rekoreko Jezebeli, ko kokai kuiziako ko ṉavi ta ko ikio vo Baṉara ko poropita kikolako. Koko nianiiekato kale kota ko saruema odiemo aṉako maba poso ni seta ke pauveka ko ruqe ama iruruputo poso ni ke kua ko sailao ko lula beku poso ke katikako.