1 Koriniti 7:34 - BAṈARA KO VAIRU AMA LEVELEVEO

³⁴ nio vota kovai tataekinia omuqa quli. Ko pui roroto ama reko ma sinaqu rusu ta ko kerukerueka vo Baṉara ko iruruputo, ako kota koka zaria tu kota Baṉara ko maba ko elo koko pado ama saevo kale sole. Melai ko roroto ama reko ta ko kerukerueka ko miduku kale ama quli, tu kota ko zolevo kovo lasive.

1 Koriniti 7:34 교차 참조

Jone 10:13

Vo tabara o koani ta ota soqoiva ako vota o tabariani pala sole ni vota pui o kerukeruema sea sipi poso.

Romu 6:13

Meko pado ama saevo ta pui katiko ko sarueko tu koa sarueko ta kokai iruruputo ruqe ama kerukeru ni kalo kale. Melai meta katiziomo me ṉavi vo Baṉara kasi ako meta mata me jaevani mela sole voukale azo, ni meta katikomo meko pado ama saevo tu kai iruruputomo ko vo Baṉara ko sidopu ama kerukeru ni kalo kale.

1 Koriniti 6:20

Ako meta lula o tatabaraemeleni mela vovo Meqora ko voukale. So sole meta vai ilusikomo vo Baṉara meko saevo.

1 Koriniti 7:33

Melai vo roroto ala maba ta okai mumuasa pua miduku kale ama quli tu vota o roveo zoleko voko reko,

1 Koriniti 7:35

Aṉata a qaseka komi quli, ako aṉata aqa zaria tauvemelo me sole. Aṉata pui aqa zaria tu a dizaemelo me pui me rorotani mela tu me roroto, ni mata pui aqa zaria duki imelo me lula me rorotani mela. Melai aṉata a mela zaria me tu meta me luluekou me ko tauvemelo ama kalo tu meta tuvevoa nabuluputo meva elou vo Baṉara aukozo ama bulo kale.

2 Koriniti 11:28

Ni aṉata pui a qaseka mata kama quli. Kiadama ṉaniu aṉata aqai tuqutuqua kerukerueko kiadama lotu qoqono.

2 Koriniti 8:16

Eṉeta ṉevai ilusika vo Baṉara vo Taitasi ko dikidauputo kale ama zuvarimelo me tu me ereko komia pikazato ko iruruputo. Ako eṉe ni voko zario ta omadeuvo ama tu tauvemelo me sole.

Pilipai 1:20

Ni aṉako omele ama zario ni aṉako matuma tuvevo puto kale aṉata pui zara aqai elou aṉako omadeu vati elo vo Karisito, melai kiada keru aṉata a zaubariovou. So inio abe vouvou melai abe saevou melai aṉata a rauraevou vo Karisito.

1 Tesalonaika 5:23

Erisaṉa o ṉavi Baṉara, vo anime o katimelani ko bule, ta tabu o imelou me kiadama keve kale, ni vota o melati vailou me meko pado ama saevo kale, auvana ni tupu kale, ni kuiripato pidea mela o melati vailou vo Lekasa Jisu Karisito o vaitou keru ama taku keru.

1 Timoti 3:5

Ako kala maba vo pui o roveani korotiko o ṉaviko saidi ta nonia roveo inio vota o kati vailou vo Baṉara ko lotu qoqono? Vo soala maba ta pui opa roveovou.

1 Timoti 5:5

Koa naboko koko kiada pado, ko puliala o kati vailako, ta ko noqoiva vai keru vo Baṉara, ni kota ko vararaita ipu ni ṉaniu koko paseko kale voko tauvezato.

Taitasi 3:8

Kota tuvevo ama bazu ikio. Aṉata aṉa zaria ṉo tu ṉota matu piza kavole ṉomai bazuekou komi quli, tu se kevai keruani vo Baṉara ta ke ereko ko uri ama iruruputo seko dikidauputo kale, koko uria tauvemo ama kiadama maba poso.