1 Koriniti 4:8 - BAṈARA KO VAIRU AMA LEVELEVEO

⁸ Meta pui aikailo! Meta lula me qoa koa kiadama azaazama iruruputo ko pizato Tabu ala Auvana o puarikake kimelani mela. Meta vo Karisito lula o vaita jari me qavani mela ni meta lula me lekasa puani mela vo sate kimelani mela, ni eṉeta pui soa lekasa puilo ṉe evani ṉela. Uriavo, aṉata a mela zaria me tu meta tuvevo avole lekasa inio meda eve, ako so tea eṉe melai ṉeda zomano nio lekasa elo me sase!

1 Koriniti 4:8 교차 참조

Matiu 5:1

Jisu ta o meake matu kubo vaki, nio vota ota kailake sopu kale, ni ota papuake sai. Nio voko disaipeli madu ta ke aramuvake papu vo Jisu.

Luke 6:25

Ni ruqe ama quli kio ko melai barolou meme maqinani mela erisaṉa, ako tova meta meda luapou sole. Ni ruqe ama quli kio ko melai barolou meme niureani mela kasi erisaṉa, ako tova meta duki meda elou ni meda zialou sole!

Iruruputo 26:29

Ni Paula ta o opatake ni eri kiolake, “Rosi ama taku kale ma puju ama taku kale, aṉako vararaito kale vo Baṉara kasi ama ta ṉo ni mea kiada mela me meda la viqani mela aṉako pesio vairutu ta aṉa jari me elou, melai pui komia piri kale,” kiolake.

Romu 12:3

Ako vo Baṉara ko roquano sama puaro vo o katilako aṉa kale ta eri kiala mea kiada mela kasi: Meta pui aikailo me ṉavi melai meta zarazaraimo meko kerukeru kale, vo Baṉara o katimelako oqu ko malezikako kale.

1 Koriniti 1:5

Ako meko omadeu elo vo Karisito kale ta meta lula roverovea mela kiadama quli kale sole, kiadama meko pesio kale, ni kiadama meko nianiio kale.

1 Koriniti 4:18

Kake mela me ta lula meda raurarauraiva, ako meta so kimela, aṉata pui a qilou Koriniti soipimelole me kimela.

1 Koriniti 5:6

Meta pui me male aikailo! Meta meqai nianiia koa pesio so kikolako, “Matu silo pala isiti kio ko rovea rapukiko ko palava volevole.”

2 Koriniti 11:1

Aṉata a melai matu titia tu inobea didielomo aṉa aṉako sasa rauraraurailo puto kale.

2 Koriniti 13:9

Aṉata ada zoleilou tu zara elo, meta me bizatou meko oqu kale ta. Nio aṉako vararaito ta meta maba bea maba sidopu me elou.

Qelesia 6:3

Ni kala ta eri kiovou “Aṉata qulepoa lala,” kiovou, melai vota pulia quli maba inio vo, ta ota lipalipata o ṉavi.

Pilipai 1:27

Ni koko qulepako quli ta meko saevo ta vo Karisito ko Uri ama Bazu ko kati korotako jari ikomo. So inio abe soipimelou ma pui abe soipimelou melai aṉata ada mela viqou meko pataito lojolo omadeu vatolo kale ni meko omadeu iruruputo kale meta omadeu pizatiko me elou koa oqu seke tuvevo puekani ko Uri ama Bazu ko.

Pilipai 2:12

A baerebaere poso, meta kiada keru zoripato ko maba poso mela, ni meta me zorive vo Baṉara so keru aṉa me sate a eve keru. Ni matuma quli erisaṉa ta so jaria zoripato ta meta mebeta elou aṉa puliala abe elou mekasi melai. So sole meta beta olamo tava panao vo Baṉara ni beta olamo taka ṉalo ko sarueko, tu erekomo koko malezikako me Baṉara lula o pakiemelani mela.

Kelokelozato 3:17

Ako meta eri kimela, ‘Eṉeta batiroa ṉela ni kubo quli saṉela, pulia quli ṉeqa lilita,’ kimela. Melai meta pui meqai nianiia ko meme evania upotuqu ni tolailo elo! Meta ozaoza kamela, ni leqa kamela.

Kelokelozato 5:10

Ṉota lula vo Aikovakova Baṉara omai lekasa puani siama madu ṉo ime se tu seta keva nabuluputo vo animevo Baṉara ni seta kekai lekasa puovou ko peuru ma peuru.”