1 Koriniti 4:7 - BAṈARA KO VAIRU AMA LEVELEVEO

⁷ Ako lala inio raura o iṉe ṉo edolomu kasi azo? Ni pui vo Baṉara inio o katiṉeni ṉo kiadama quli ko ṉoṉo ṉeamukako quli, kio? Zio, vokasi azo inio ṉo qoe koa kiadama, nio noi sole inio ṉota ṉoda aikaiva, ni ko quli ṉoṉo ṉeamukako ta pui katizato jaria kerukerueko ṉo eva?

1 Koriniti 4:7 교차 참조

Luke 19:13

Nio puliako vo zio, vota o nokaemake toni voko nabulu madu ni vota omai okotikake katimo sea kiadamu omaomadeu ko qolo seleni, ni eri ma kiolake se, ‘Meta kai iruruputomo ni mata kai komo kama seleni aṉa zio maqa,’ kiolake.

Jone 1:16

Voko qulepo ama roquano kale vota mauru mati o imelake animea kiada mela kubo keve kale.

Jone 3:27

Nio Jone ta eri kiolake sekasi, “Kota uri. Vo maba ta o rovea kovo ni ereko vo Baṉara o kativake quli pala.

Romu 1:5

Vo Jisu kale kude inio aṉata a qoe ko uri ama apositolo ko iruruputo tu rauraevo vo Karisito, tu ke odizio se maba poso kiadama toutou peuru ma peuru kale amu tu ke tuvevo puevo ni ke zorivo vo.

Romu 12:3

Ako vo Baṉara ko roquano sama puaro vo o katilako aṉa kale ta eri kiala mea kiada mela kasi: Meta pui aikailo me ṉavi melai meta zarazaraimo meko kerukeru kale, vo Baṉara o katimelako oqu ko malezikako kale.

Romu 12:6

Vo Baṉara ta o mela puarika azaazama iruruputo, so sole ko male tu animeta meqai iruruputo animeko azaazama puaro poso. Nio ṉota Baṉara kasi azo ama bazu kai bazuto ko puaro saṉa ṉo elou, ta ṉota ereka ko ṉoko oqu ko podepodeti kale;

1 Koriniti 15:10

Melai vo Baṉara ko pakiezato sama roquano kale ta apositolo inio o ila aṉa, ni voko apositolo ilo aṉa ta kalo sama. Ako aṉata a matu iruruputa ni aṉata aqai paloasa mata sea kiadama apositolo madu ko iruruputo sole. Melai koko maba tuveano ta kota pui aṉako pizato kale inio aṉata a ereka koa iruruputo, melai vo Baṉara ko pakiezato sama roquano kale ko kuevako pizato ikio.

1 Koriniti 3:5

Lala inio vo Apolosi? Ni lala inio vo Paula? Eqeta vo Baṉara ko nabulu qela pala inio qe odiemeleni qela me nio meta oqu saṉa me eve. Eqeta vo Baṉara o katiqeleni qela koa koidi tu eqeta qe ereko ko.

1 Koriniti 5:6

Meta pui me male aikailo! Meta meqai nianiia koa pesio so kikolako, “Matu silo pala isiti kio ko rovea rapukiko ko palava volevole.”

1 Koriniti 7:7

Mea kiada mela ta omadeuvo aṉa jaria mela tea uri, melai Baṉara ta o katimela anime azaazama bokao, tu kake ta ke rorotou, melai kake ta pui ke rorotou.

Jemisi 1:17

Kiadama uri ama ni kiadama sidopu ama katizato ta ko kuevako aukale azo; kota ko saqora Baṉara kasi azo, vo o erekeni aukale ama zakaremu poso, ṉaniu ni kaboso ni Suti poso, ni voko zakaremu ta pui ko besizia omadeuvo kaboso ko zakaremu ko besizia jari.

1 Pita 4:10

Ako meta me qoani mela sole vo Baṉara ko azaazama puaro. Ni vo Baṉara inio o mela kaseke me voko tauvezato sama roquano voko katimelo kale koa azaazama puaro. Ni meta nabulu poso jaria mela koko raki meda ka evani mela kai iruruputo Baṉara ko puaro. So sole mea kiada mela ta uri ama nabulu emo ni kai iruruputomo me ṉaviṉavi ko puaro tu kai tauvekiniomo me ṉavi.